جورجيا .. بين التطرف والغلو ..

ابو عبدالله · 02-07-2021, 03:40 PM

السلام عليكم ورحمة الله وبركاته ...

الحمد لله الذي بنعمته تتم الصالحات ... حمدا له ان نجانا ومن نحب مما نخاف ونكره ...
ادام الله عليكم الصحة والعافيه ومتعكم بالنعمة والسعادة ورزقكم ما تحبون ...

بدخل بصلب الموضوع لان كلنا نعرف الفترة الماضية ايش كانت ...

طبعا انا اقترح على المنتدى يضع وسام لاصحاب الختم الذهبي اللي ماصدقوا خبر يفتح السفر الا وهم يمكن سابقين الطيرات في الاقلاع ...

احترم كل وجهات النظر اللي كانت تنصح بالتريث وعدم السفر ووجهة نظرها صحيحه 100% ...

انا كنت من اوائل اللي اخذوا التحصينات وكانت اول جرعه لي في يناير الماضي ... والحمد لله اللي يسرها ثم الشكر لحكومتنا على حرصها ومسارعتها بتوفير اللقاح ...

الموضوع سياحي بحت باتكلم فيه عن جورجيا وبكون منصف قدر المستطاع ماراح اكون متطرف في السب ولا غالي في الثناء ... اللي شفته بتكلم عنه بصدق
سفرتنا كانت في يوم 17 مايو ولمدة خمسة وعشرين يوم .....

بتكلم الجزء الجاي عن التنسيق والحجوزات وبداية الرحلة ...

اتمنى اني اكون ضيف خفيف عليكم وان تقريري يكون اضافة جيده للبوابة تفيد اي راغب في السفر لجورجيا ..سواء بالاماكن او حتى تقرير مصير السفر لها او عدمه ..

اشوفكم قريب

سام 2018, الايمان, توبليرون و 3 آخرون معجبون بهذا.

سام 2018 · 02-07-2021, 09:05 PM

ما شاء الله المقدمه مغرية نسنتر بالموضوع ولو أن فيها من التخويف لكن تضل تكهنات

بانتظارك يا غالي

الايمان, ابو عبدالله و توبليرون معجبون بهذا.

نـــواف · 03-07-2021, 01:14 AM

هلا بك ابو عبدالله

تقريرك ننتظره وأكيد مميز
من خلال ردودك كنت تثري معرفتنا
فما بالك إذا صار تقرير موسع وبالتفصيل

متابعين معك ..

ابو عبدالله و توبليرون معجبون بهذا.

hazim b · 03-07-2021, 06:12 PM

متابعين معك ابو عبد الله
وان شاء الله يكون التقرير ثري بالمعلومات خاصة ان الفترة 25 يوما ممتازة واكيد انك غطيت فيها معظم مناطق جورجيا

ابو عبدالله و توبليرون معجبون بهذا.

أبولجيـن فهد · 04-07-2021, 07:44 AM

اقتباس : المشاركة الأصلية كتبت بواسطة ابو عبدالله

...

طبعا انا اقترح على المنتدى يضع وسام لاصحاب الختم الذهبي اللي ماصدقوا خبر يفتح السفر الا وهم يمكن سابقين الطيرات في الاقلاع ...

احترم كل وجهات النظر اللي كانت تنصح بالتريث وعدم السفر ووجهة نظرها صحيحه 100% ...

اشكرك .. على هاللفته الكريمه ..
لعمرك انني كنت اقول ماراح اروح ولاجيت ابو معتز هنا قمت
( أسبّح وعمتني السكينه)
ويوم 17 -5 الضحى انا وشنطتي زاقحين على
ارتفاع 40 الف قدم ..لابو كورونا لابو كلب

اللي مايسافر ودك ترميه بشوزن
/
مستمتعين معك بالتقرير الجميل من الخبير الجميل

برستيجي يمنعني اهديك ورده ..

خذ صورة فرس

ابو عبدالله, Abu Muataz, Abu Sultan1111 و 1 آخرون معجبون بهذا.

توبليرون · 04-07-2021, 10:31 PM

ماشاءالله تقاريرك ممتعه يابو عبدالله
وبنشوف هالتقرير بحماس
انا ودي اسافر بس للحين مترددين خوفا من هالكرونا
مع ان ماخذين الجرعتين

ابو عبدالله, Abu Muataz و الايمان معجبون بهذا.

ابو عبدالله · 05-07-2021, 10:11 PM

اقتباس : المشاركة الأصلية كتبت بواسطة سام 2018

ما شاء الله المقدمه مغرية نسنتر بالموضوع ولو أن فيها من التخويف لكن تضل تكهنات

بانتظارك يا غالي

هلا وغلا ... ايه الغموض زين احيانا ... هههه الله يحييك ..

اقتباس : المشاركة الأصلية كتبت بواسطة نـــواف

هلا بك ابو عبدالله

تقريرك ننتظره وأكيد مميز
من خلال ردودك كنت تثري معرفتنا
فما بالك إذا صار تقرير موسع وبالتفصيل

متابعين معك ..

هلا وغلا .. حياك ... الواحد يستحي يكتب تقرير تقرونه انتم ...ماشاء الله عليكم كل واحد في المنتدى اسلوب وسرد ازين من الثاني ... ان شاء الله اكون عند حسن الظن ..

اقتباس : المشاركة الأصلية كتبت بواسطة hazim b

متابعين معك ابو عبد الله
وان شاء الله يكون التقرير ثري بالمعلومات خاصة ان الفترة 25 يوما ممتازة واكيد انك غطيت فيها معظم مناطق جورجيا

حياك الله ...اتمنى يكون مثل ماتفضلت وبقول رأيي ان شاء الله في ال 25 يوم ووش بغينا نسوي !!

اقتباس : المشاركة الأصلية كتبت بواسطة أبولجيـن فهد

اشكرك .. على هاللفته الكريمه ..
لعمرك انني كنت اقول ماراح اروح ولاجيت ابو معتز هنا قمت
( أسبّح وعمتني السكينه)
ويوم 17 -5 الضحى انا وشنطتي زاقحين على
ارتفاع 40 الف قدم ..لابو كورونا لابو كلب

اللي مايسافر ودك ترميه بشوزن
/
مستمتعين معك بالتقرير الجميل من الخبير الجميل

برستيجي يمنعني اهديك ورده ..

خذ صورة فرس

هههههههههههه شرحك سرا ... اللي ماوده يسافر خله يوسع شوي وحنا نسافر عنه للي يبي هو بعد ..

ولا يهمك حط بدال الورده مفطح ... الله يحييك ابو لجين

اقتباس : المشاركة الأصلية كتبت بواسطة توبليرون

ماشاءالله تقاريرك ممتعه يابو عبدالله
وبنشوف هالتقرير بحماس
انا ودي اسافر بس للحين مترددين خوفا من هالكرونا
مع ان ماخذين الجرعتين

هلا ام حسين ... سافري بس ترا الامور زينه .. ودامك محصنه خلاص توكلي على الله ...ترا الدنيا زينه والحين انتم عاد درجة الحرارة 53 ...

توبليرون, بن قوت, الايمان و 1 آخرون معجبون بهذا.

ابو عبدالله · 05-07-2021, 10:12 PM

السلام عليكم

كنا نتابع مثل الجميع اوضاع رفع تعليق السفر والسماح به وكنت مثل اللي جالس على درجة باب البيت يحتري هنقرستيشن او جاهز .. من جهة ثانية بعد نتابع الدول اللي ممكن تستقبلنا او تبي تفتح لان اوربا مثلا مافتحت وماراح تستقبل احد ... فالاختيار صار على جورجيا ... لان فيه دول ثانيه تشترط فيزا وبعد المقارنة استحينا في جورجيا واخترناها لانها بدون فيزا .. صحيح تشترط بعض الاشياء بس سهلة .... كانت الشروط
1- تأمين سفر ( السعودية تشترط لسفر فوق 18 ان تكون على الاقل ماخذ جرعه واحده من اللقاح ولمن هم تحت 18 تأمين سفر يغطي اضرار كورونا ) تأمين يغطي مخاطر كورونا موجود عند التعاونية للتأمين بمبلغ 375 ريال لمدة 30 يوم
https://www.tawuniya.com.sa/individu...d-19-Insurance

جورجيا تشترط للجميع تأمين سفر عادي .
2- تعبئة نموذج الدخول على موقع الحكومة الجورجية واي احد ما قام بتعبئة النموذج ما راح يتمكن من صعود الطائرة .. يطلبون عند الكاونتر يشوفون ايميل التأكيد بتعبئة النوذج المرسل من قبل الحكومة الجورجيه . انا شفت شخص رفضوا يستلمون شناطه لانه ماعبى النموذج وطالبوه يعبيه ويرجع لهم .
https://registration.gov.ge/pub/form...eorgia/tk6157/

3- جورجيا تطلب الحالة الصحيه التالية :
أ- اللي محصن يطبع السجل الصحي من موقع وزارة الصحة السعودية ( موب لازم صورة ملونه )
ب- الغير محصن او جرعه واحده لازم فحص PCR .

** الغير محصن لازم بعد 3 ايام من الوصول ( في المطار قالوا خلال 72 ساعه من الوصول ) تسوي فحص PCR والافضل تاخذه مطبوع لانهم بيسألونك عنه في المطار عند المغادرة ولو ماكان معك نتيجة بتاخذ غرامة .

4- لازم يكون معك حجز السكن وبيتم طلبها في الكاونتر قبل صعود الطائرة او تسليم الشنط وفي مطارات جورجيا.

يوم تأكد الغاء تعليق السفر تم الحجز على طيران ناس الرياض-تبليسي- الرياض ... بعدين لقيت انه الرياض - باتومي - الرياض ارخص .. فكنسلنا الحجز الاول وحجزنا الثاني وقلنا حنا عارفين الاولى عشان نعرف الثانهي هههه بس الحمد لله صار حظنا حلو وتعرفون ليش بعدين يمكن كان مانسيت ...

قبل السفر بيومين رحنا لمستشفى الحبيب وسوينا فحص PCR للعيال ( احنا محصنين ولله الحمد ) ومن بكره طلعت النتيجه سلبيه ولله الحمد ...

انا كثير من سفراتي يصير مواقف ونطلع كأننا حلقة من من طاش ماطاش ....

رحلتنا كانت الساعه 6:50 صباحا .. كنا نايمين ليلتها بدري شوي لان ناوين نطلع المطار بدري ... وانا خلاص بنام ومقفل النور وقاري اذكاري .. تعرفون الواحد لازم يشيك ع الجوال نظرة اخيره .. واشوف رسالة من طيران ناس .. فتحتها الا وجع وش ذا !!! خير !! مكتوب تم تغيير موعد الاقلاع الى الساعة 12:10 ... ويبدا مسلسل طاش ... نجمع اغراضنا بسرعه ... ونسوي خروج من الشقة ( لاننا من خارج الرياض ) وما معنا الا ساعة ونص !!! المطار يمكن 20 دقيقه ... وبالطريق مسرعين وندق على طيران ناس ... وردوا وحنا بنص الطريق .. لان الطبيعي الوقت بالرسالة 12 صباحا .. بس بنتاكد ... وردوا وقالوا انه 12 الظهر .... مدري اهاوشهم او ابوسهم ... اهاوشهم على الرسالة اللي مو موضح فيها الوقت ... او الحمد لله معنا وقت ... الطبيعي اللي كنا نفكر فيه انه مستحيل يرسلون يقدمون الرحلة قبل ساعة ونص ... بس الوقت لكل الخطوط في العالم هو ان اليوم 24 ساعة ... برحلة العودة غيروا الرحلة من الى الساعه 17:35 يعني اعتمدوا نظام 24 ساعه ... المهم نظامهم مضروب والمفروض يعتمدون 24 ساعه او صباحا ومساء ....

دقيت ع الشقة ... لان الحين تشردنا بعد .. ويرد علي وقلت له ابي ارجع ..قال زين ماسويت لك خروج لسى تعال .. نمنا واصبحنا ورحنا المطار الساعة تسع صباحا .. عاد موظف الاستقبال يقول لي خروج اخر كلام .... قلت ايه توكل على الله ...وصلنا المطار ودخلنا الشنط ..

وعند الكاونتر شيكو كل شي ... فحوص كورونا والتامين ورسالة موقع الحكومة الجورجيه والجواز الصحي وحجوزات الفنادق ... ماقصروا والله لان لو احد نسى شي بيرجع من هناك .... طبعا كان هذا هو اول ايام رفع تعليق السفر .. وكان المطار والله زحمه شوي والرحلات كثيرة ...

مخطط رحلتنا كان
الرياض - باتومي - برجومي-تبليسي-قوداوري- باكورياني - كوتايسي-باتومي .

تفصيل المدة خلال التقرير ان شاء الله ....

واقلعت رحلتنا ....

... الى لقاء قريب ...

الايمان, AL Tunaiji, q8ya metnaqla و 1 آخرون معجبون بهذا.

نـــواف · 06-07-2021, 06:59 AM

بصراحة حركة الرسالة سيئة جداً
لا أشعر بارتياح للتعامل مع طيران ناس
ولكن مسارات السفر عندهم مغرية للسفر الخارجي
يوفروا لك خط مباشر من عدة مدن في الدولة السياحية

الجواز الصحي بتطبيق توكلنا
هو نفسه السجل الصحي بصحتي ؟

متابعين

توبليرون و الايمان معجبون بهذا.

احمد ال مقبل · 06-07-2021, 09:10 AM

اللي محصن تطعيمتين هو اللي يطبع الجواز الصحي فقط ابو تطعيمة PCR

صباحك سعيد

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جورجيا	A.GH	بوابة جورجيا و اذربيجان	5	30-04-2020 01:43 AM
ابل في جورجيا	aishaharb	بوابة جورجيا و اذربيجان	2	13-11-2019 12:31 AM
جورجيا	nuri hawa	تركيا	2	23-06-2017 06:22 AM
جورجيا	تاجر نجد	بوابة جورجيا و اذربيجان	6	24-05-2015 12:05 AM