ااااااااااااااااستفساررر هام جدا جدا

Abo_shooq · 27-07-2021, 05:08 AM

السلام عليكم ورحمة الله وبركاته ط

وكل عام وانتم الى الله دوما اقرب .

انا عريس جديد واخترت البوسنه لشهلا العسل {عشر ايام كافي}

ماعندي معلومات عن البلد توووجيهكم يتعشتق البوسنه اول مره اسافر لها

هل تنصحون اروح واستاجر سيارة وامشي على قوقل ماب او استعين بشركه سياحيه

حيث لا اخفيكم تواصلت مع شركة معروفه بالبوسنه
قالوا بكج 10 ايام شامل الاستقبال والتوديع مع الفنادق 5 نجوم وبرامج وسائق خاص ب 1900 يورو

والسائق معي يوميا 7 ساعات او 10 ساعات

طلبت معرفه البكج رفض قال حول 300 يورو عربون نعطيك تفاصيل البكج

رايكم .

توبليرونمعجبون بهذا.

توبليرون · 27-07-2021, 09:48 PM

لا تحول اي مبلغ
هذه مصيدة
انت روح هناك بعد ما تقرا التقارير هنا راح تصير خبير عالمي انت بالبوسنة وغيرها

alradadiمعجبون بهذا.

Abo_shooq · 29-07-2021, 06:12 AM

مرحبا

اكيد وان شاءالله الامور سهالات .. بس احتاج بما انها زياره الاولى فا ياليت يكون عن طريق شركه طيبه سمعتها زينه البرامج تبعهم جيده والسكن وما الى ذالك..

اذا عارفين شركات تمام او اشخاص سواقين اكون لكم من الشاكرين..!!

alradadi و توبليرون معجبون بهذا.

ahm643 · 29-07-2021, 10:55 AM

فيه مكتب بجده ممتاز مره
اسمه/كنوز السفر للسياحه
بجده شارع عبدالله السليمان
ابحث بقوقل يطلع رقمهم اتواصل معاهم برامجهم مميزه واسعارهم ممتازه جدا

توبليرونمعجبون بهذا.

أبولجيـن فهد · 29-07-2021, 05:17 PM

يعني يوميتك بـ 850 وتركب مع سواق يتسمع سوالفك انت واهلك

معدل الفنادق ببوكنج خمس نجوم في العاصمه 350 ريال

والسياره استاجرها بحريتك ب200 ريال

وعش حياتك يارجل

( حظ الامه الاسلاميه بالخليج واهله )

alradadi, Abu Muataz و q8ya metnaqla معجبون بهذا.

alradadi · 29-07-2021, 05:45 PM

عليكم السلام

مبرووووووووووووووك ياعريس الله يوفقكم ويتمم لكم بخير

شهر عسل وادفع للمكتب يسكني على كيفه وفي الفنادق اللي تخارجه ويكسب فيها اكثر ؟؟؟؟؟؟؟ اشوفها صعبها شوي انا رايح شهر عسل ما هو اي رحلة فكر في الموضوع من هذه الناحية

1900 يورو مبلغ ليس قليل فيه مكاتب وشركات كثيرة موجودة عندنا توفر لك نفس السعر والمدة وتعرف كل شي قبل الدفع

انا اشوف ان الواحد يرتب امورة بنفسه احسن ويشاور قبل الاقدام على اي خطوة

البوسنة اقرأ عنها قبل ما تسافر لها وشوف ذوق اهلك وذوقك انت بعد ترا البلد جميل لكن لا يناسب الجميع واكثر ما يناسب محبي الطبيعة والكشتات التسوق في البلد ضعيف الفنادق الفخمة قليل واغلبها أسعارها مرتفعة والبلد يشترط فيزا بوسنية او شنغن او فيزا امريكيه لا توجد تطبيقات للتوصيل مثل اوبر ايجار السيارة في سراييفو تتبهذل في المواقف والأفضل استخدام السيارة في خارج سراييفو في الأرياف

الشعب طيب ومتسامح والاسعار معقوله نوعا ما الطبيعة جميلة في الأرياف والمطاعم متوفر بكثرة والمقاهي ايضاً متوفرة

الجو حار في مثل هذا الوقت في النهار الا اذا كان هناك امطار يصبح جميل اما في الليل فهو رائع

Abu Muataz, توبليرون, أبولجيـن فهد و 2 آخرون معجبون بهذا.

Abu Muataz · 29-07-2021, 07:40 PM

أحوي Abo_shooq ...
ألف مبروووك و الله يتمم لكم بالخير و يوفقكم

ما راح أزيد على كلام الأخوان اللى قبلي .. و أنت أولى بكل قرش بتدفعه
و صدقني المسألة كلها شوية وقت تقضيه على النت مع براد شاهي و بحضرة
الشيخ قوقل و أبحر في البحث و سجل كل شاردة و وراده و اي شئ يشكل
عليك تفضل عندنا و أسدحه هنا و الكل بيجاوب عليك
في الأخير بتلاقيك طلعت بنتيجة أيجابية و كونت معرفة بنسبة كبيرة تشجعك
على تكرار التجربة لسفرات قادمة بأذن الله

شد حيلك و توكل على الله و قرب البراد و البيالات و قل بسم الله

"كأني أشوفك فتحت قوقل و كتبت " السياحة في البوسنة"

Abo_shooq, توبليرون, q8ya metnaqla و 2 آخرون معجبون بهذا.

أبولجيـن فهد · 29-07-2021, 10:22 PM

لاتزعل منا ياذيبان

حنا هنا في المنتدى فريق واحد .. نساعد بعض

وكلامنا عن موضوعك من باب ( النصح ) والمساعده

عشره ايام ماتكفيك وانت عريس ....

اذا مارحت لشركات وضبطت امورك بنفس مبلغك ذا راح
تزود اسبوع بدون دفع اي مبالغ وتصير رحله لاتنسى

اي خدمات حاضرين انت بس الغ فكره الشركات والسواقين

ونزبطك ..

q8ya metnaqla, Abu Muataz و alradadi معجبون بهذا.

Abo_shooq · 31-07-2021, 12:31 AM

ههههههههههه الف شكر لكم

الف الف شكر ع ردودكم فعلاا كلام والله تشكرون عليه وعين العقل ~>> واللي يقول فتحت قوقل وكتبت السياحه في البوسنه ههه الطق باليوتيوب اللحين
والله كلمت ( كنوز السفر) وعطاني برنامج لـ 13 يوم بقيمه 16 الف ريال
وكلمت (بعيون خليجيه) ل12 يوم قالوا ب 14400 ريال

كلهم استقبال وتوديع بفنادق باختلاف البرامج .. مع سائق من 7 الى 9 ساعات

اخذت على حسبت احد الاخوان بالاعلا يوميا ب 350 ريال يومية الفندق مع ايجار السياره ب 200 لـ12 يوم ب 6600 ريال
من غير التذكره . والبرامج ارتبها من عندي وقوقل ماب مايقصر والتكلفه امانه مقاربه ب 12600 ريال.

ماطلعت بفايده ههههه

وش رايكم لاهنتوا جميع

توبليرونمعجبون بهذا.

ريما@ · 03-08-2021, 03:17 AM

قارن مع شركة الشدي بالنسبه للتذاكر والسواق فقط والفنادق انت احجز على ذوقك بوكنج
ولاتطلب منهم برنامج سياحي ابد يزيدو السعر اسأل عن التذاكر والسواق وشوف الفرق موفقين

توبليرونمعجبون بهذا.