للأسف أخي سالم بعض الأشخاص الله يسامحهم يخوفك من البلد ويذكر العيوب ويزيد عليها بعد ، طبعاً كل بلد في إيجابيات وسلبيات لكن التخويف والأوفرة الزايدة تخليك متخوف لكن ما إن تزور البلد تتلاشى معظم هذه المخاوف والكلام اللي سمعته
للأمانة حمستنا لزيارة أوكرانيا وأنا بعد توي بالصفحة الأولى من التقرير ويستاهل يكون أفضل تقرير عن أوكرانيا ولا يهونون باقي الأعضاء
مو مستوعبة سعر المطاعم وخاصتاً مطعم الإستيك وهالأسعار بعد أزمة كرونا يعني قبل أتوقع كانت أرخص

بوكفييل من أجمل مناطق أوكرانيا
السكن ممتاز والأهم بعيد عن الضوضاء لأن بعض العرب الله يصلحنا ويصلحهم يسوون إزعاج وصجة وهيصة مالها داعي بشكل مستمر
تم حفظ الفندق في المفضلة

في أحد مشاهير سناب يقول أنا اللي رفعت إقتصاد أوكرانيا هههههههههه وفوقها تصرفات إسمحولي أقول بهبل وبهللة ، الله المستعان

ما شاء الله أخي سالم بدون مبالغة التقرير لفت إنتباهي لأوكرانيا وبوكفييل خاصتاً
بالصيف أهرب من الحر للأجواء والطبيعة الرائعة والمطاعم والكوفيهات والفعاليات وكل هذا بأسعر ممتازة بل فوق الممتازة ورخيصة مقارنة بأشهر دول أوروبا

بعد إذنك لو تضع صورة من قوقل ماب توضح موقع المنزل الكبير أو الإحداثيات لأن الظاهر سفرة الصيف القادم بتكون لأوكرانيا ( في محاورات عائلية ونقاشات بين أمريكا لكن الميزانية بتكون عالية وبين تركيا أولاً قريبة من السعودية وزرناها قبل كذا عام 2014 ورخيصة مقارنة بأمريكا وأنا ودي أقلهم بنرجع ماليزيا بس خايفة يصكوني بشي على جبهتي هههههههه )

بارك الله في جهودك وتقريرك المميز وهذا المعهود من أعضاء المنتدى وبالتأكيد بإنتظار رحلتك الشتوية وتغطيتها
:e 335:

تقرير جميل اخي الكريم
ذكرت نقطة بأنه في الارياف فيه عناكب وهذي الحركات، تقصد حتى في الكوخ تدخل داخل وخطيرة؟

تقريرك عجيب وممتع
فعلا غيرت الصورة النمطية في ذهني عن اوكرانيا
شفت واحد من مشاهير السناب يصورها وكان يصور اماكن مب حلوة ويمدح ويقول شرايكم في اجمل من هذي المناظر وهي تعبانه عشب اصفر وبحيرة صغيرة بمياه راكده فيها طحالب هههه
لكن المناظر الي انت صورتها وتفصيل المدن اجمل بكثير سبحان الله
واعتقد كل من سافر الى اوكرانيا يمدح الشعب واطباعهم وهذي بروحها تحببك في البلد
استمتعت معاك في الرحلة ومشكور على نقل التجربة

بعض العرب الي يقلدون رحلات من سبقوهم القصد منها ان ماتضيع الاجازة على التجارب السايح ايامه محدوده ويبي شي مضمون فما ألومهم الصراحة .. الا لو عنده مدة طويلة يقدر يسكن في المضمون اول الايام عقب يروح ويبحث.

اتفق معك اخوي بوصلوح ... الكثير يبحثون عن أماكن جديدة وسياحه في فصول مختلفه ولكن يمنعهم أن تضيع الإجازة في مكان ما يناسبهم .

الخريف والشتاء والربيع من أجمل فصول السنة إذا كانت الإقامة في الأرياف حتى يظهر جمال الريف ومع هذا لا يزالون أهل الخليج يفضلون الصيف مع أنه سياحه standard مقارنه بباقي الفصول .