| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( روسيا الاتحادية بين الواقع والخيال )› بقلم : Najjarru
- ‹( أبرار وأختها في مغامرة مونتينقرو )› بقلم : q8ya metnaqla
- ~|[= تركيا في فبراير .. ثلج وأمطار =]|~ بقلم : ClownMask
5الاعجاب |
| | LinkBack  | أدوات الموضوع | انواع عرض الموضوع |
13-06-2015, 07:51 PM
| #71 |
| مسافر جديد  تاريخ التسجيل : Apr 2015 رقم العضوية : 3006 الجنس : ذكر المشاركات : 45 |  رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
مش مشكلة مين سبب قلب البوت المهم اننا جربنا نتقلب اتجاه السير يسار فعلا على النظام البريطانى اعذرنى على الخطأ المهم هو عكس القيادة فى بلادنا العربية فرق السعر وصل فى بعض الاحيان الى اكثر من 20 الف جنيه "فى ايام قليلة" لكن المتوسط كان فى حدود 1700 جنيه مصرى
|
|  |
|
13-06-2015, 07:53 PM
| #72 |
| مسافر جديد تاريخ التسجيل : Apr 2015 رقم العضوية : 3006 الجنس : ذكر المشاركات : 45 | رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
شكرا يا صديقى وان شاء الله تستمتع فى اقرب وقت ان شاء الله
|
|
| |
.gif "(89)")
روعه ياباشا تقرير بالنكهه المصريه متابع للاخر|
13-06-2015, 07:55 PM
| #73 |
| مسافر جديد تاريخ التسجيل : Apr 2015 رقم العضوية : 3006 الجنس : ذكر المشاركات : 45 | رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
بسم الله الرحمن الرحيم الحلقة الثالثة (Kruger National Park) السلام عليكم ورحمة الله وبركاته النهارده معادنا مع واحدة من أقوى حلقات التقرير ان شاء الله ومع إحدى البقاع الرئيسية اللى من أجلها شدت الرحال الى جنوب أفريقيا طبعا اول ما حد يسمع انى رايح جنوب أفريقيا يا كان يقولى حرامية وقطاع طرق يا يقول حيوانات وغابات وده لان جنوب أفريقيا فيها الكثير والكثير من حدائق الحيوانات الخاصة والمحميات والحدائق الوطنية العامة والتى فى صدارتها بلا منازع كروجر بارك  Kruger National Park | South African Safari and Lodging Guide متنزه كروغر الوطني هو أكبر المتنزهات الوطنية في جنوب أفريقيا. يغطي المتنزه مساحة قدرها 18989 كم مربع، ويمتد لمسافة 350 كم من الشمال إلى الجنوب، و60 كم من الشرق إلى الغرب مكان كروجر فى أقصى اشمال الشرقى من جنوب أفريقيا عند الحدود مع موزمبيق وزيمبابوى   وفى كروجر تم تصوير أشهر أفلام الحيوانات على اليوتيوب Kruger Park Map نبدأ جولتنا فى البارك أول حيوان شوفناه كان الغزلان واللى طول ما انت بتتحرك فى البارك هتشوفها واكتر حيوان موجود هناك  ومع اول طريق فرعى دخلنا فيه  كان فيه فيل واقف بعيد بس للأسف معرفناش نصوره اليوم شكله هيمشى حلو فى نص ساعة شوفنا أول واحد من الخمسة معظم الطرق الفرعية بتبقى مدكوكة بطريقة كويسة بس فى اماكن بتبقى صخور وجبال عالية والسواقة صعبة جدا بس دى نادرة جدا جد يعنى امشي فى اى طريق ولايهمك ورجعنا للطريق الرئيسى ومفيش غير شوية غزلان وفيل  فين الحيوانات  مناظر طبيعية رائعة   البارك لا نهاية لها   وأخيرا بعد تقريبا ساعتين مشى لقينا حيوان جديد نسور   وزى ماقلتلكم المفروض شهر مارس ده اخر موسم الأمطار بس من كلام الناس هناك ان السنة دى جفاف ومفيش مطر والصورة الجاية دليل على كده ده من فوق احد الانهار فى البارك  الوقت بقى الساعة 9 تقريبا والشمس بدأت تسخن ونسيت اقولكم ان اليوم ده كان متوقع درجة الحرارة توصل فيه ل 35 مئوية والغزلان واقفين تحت شجرة من الشمس  وبعد تقريبا 4 ساعات وصلنا skukuza  طبعا كنا محبطين احباط شديد مفيش حيوانات الجو حر جدا المايه اللى معانا سخنت وتعبنا من قاعدة العربية المهم نزلنا نتمشي شوية فى الكامب ده المبنى الرئيسى والاستقبال  ودى خريطة الكامب   ومربيين هناك حيوانات خنازير   كملنا مشى فى الكامب  الاكواخ دى بتتأجر بالليلة وومكن بتجيب الكرفان بتاعك وتقعد فىه او فى خيمة وفى اماكن مخصصة لكده ومتقلقش من حاجة شايفين الكشك ده  ده فيه كل حاجة هتحتاجها كهربا و بوتجاز للطبخ و حتى فيه ماية مغلية جاهزة للشاى رجعنا تانى ناحية الاستقبال ولقينا الخريطة دى  ده الجزء الجنوبى من البارك وكل واحد شاف حيوان بيحط مكانه على الخريطة فى اليوم اللى احنا فيه واليوم السابق احنا مكناش شوفنا غير فيل اول ما دخلنا حطينا مكانه وشوفنا فين أقرب مكان على الخريطة زووم اكتر على الخريطة   واضح ان منطقة نهر سابى دى مليانة حيوانات فقررنا ناخد لفة فيها كل كامب بيبقى فى محطة بنزين وحمامات واوقات سوبر ماركت صغير وبيبقى حواليها زى سور صغير ومكهرب علشان الحيوانات متدخلش ولو هتقعد فى كامب منهم بيبقى ممنوع الخروج منه بعد الساعة 6 المغرب ولحد 6 الصبح بس الميزة فى سكوكوزا ان الاستقبال كان فيه مايه ساقعة  شربنا وملينا مايه  الطريق s83 ثم H12 بعد كده H1 تانى لسكوكوزا خرجنا من الكامب بعد ما ريحنا وشربنا وتوجهنا الى نهر سابى    وواضح كده ان النهر فيه مايه عكس الباقى والمعروف ان الحيوانات بتبفى جنب الاماكن اللى فيها مايه بس فى عز الظهر والحر ده مش هيطلعوا بس نجرب حظنا العيور من فوق النهر وسيارة واحدة بتعدى وعلى الباقى الانتظار  ووصلنا الجهة الشمالية من النهر واللى كانت مليانة حيوانات على الخريطة اللى شوفناها فى الكامب ومشينا فيه شوية ولقينا ده  فيل  وكملنا مشى على ضفاف النهر ولقينا زحمة كتير وناس واقفة مش بتتحرك فيه ايه ياجدعان  ده باينه هو ولا ايه اه هو فعلا ملك الغابة الاسد  فينك من زمان يا اس اس الحمد لله كنت خلاص فقدت الامل انى اشوفه لان الاسود مش بتتطلع من اماكنها الا الفجر والمغرب بس وطول اليوم نايمة ومن الواضح انهم مجموعة اسود واشبال طبعا الناس مسابوهمش فى حالهم غير لما شبل طلع من تحت  بينى وبينه متر  طبعا قفلت الشباك وفضلنا ماشيين جنبه بالعربية  لحد ما دخل فى الغابة جوه واختفى والباقيين نايمين تحت عند النهر ومش باينيين قررنا ان خلاص هدفنا الاول من زيارة البارك خلاص حققناه وقررنا نكمل المسيرة حول منطقة النهر ونسيب الاسود شوية كده 2 من 5 اسد وفيل ولقينا فى طريقنا فيل تانى  واذ فجأة لقينا ده قاعد  ايه ده استنوا استنوا ده واحد من الخمسة جاموس افريقى بس الصورة من بعيد شوية فا مش باين للاسف الطريق ده مليان حيوانات 3 من 5 (اسد وفيل وجاموس) باقى 2 بس يا مسهل يارب نكمل فى طريق النهر ايه ده كمان   زرافة يا جمالو يا جمالو كده نبقى خلصنا الطريق الشمالى من اللوب حول نهر سابى هنرجع تانى من الجنوب فى اتجاه سكوكوزا  جفاف برضه وفى اى مستنقع او مكان فيه مايه لازم تلاقى ده  فرس النهر بس للاسف طول الوقت هو قاعد تحت المايه باين ظهره البنى الغامق من فوق المايه بيطلع يخطف نفس وينزل تانى ومعرفتش اصوره نكمل طريقنا فى اتجاه سكوكوزا  ووصلنا لطريق مسدود وفيه عربة النقل دى   وبتعدى النهر فوق السكة الحديد تقريبا لنقل البضائع وصلنا سكوكوزا كان وقت الظهر صلينا ظهر وعصر وملينا المايه تانى وقولنا نمشى نفس اللوب بس بدل ما نرجع يعد ما نخلص شمال النهر لا هنكمل فى اتجاه lower sabi مشينا فى نفس الطريق وتقريبا كل الطريق الشمالى مكانش فيه حيوانات خالص تقريبا ناموا تانى  بس كان فيه قرود بتتخانق ومعرفتش اصورها بعد مخلصنا شمال النهر ورجعنا بدل ما ندخل فى اتجاه الغرب ناحية سكوكوزا دخلنا للشرق فى اتجاه لوير سابى واول حاجة لقينا ده     ده شكله ظبى بس نوع كبيير شوية وتقريبا على الساعه 1 كده لقينا كل الغزلان مرة واحدة نزلوا يشربوا من النهر ورجعوا تانى وكانوا بيجروا فى كل مكان سبحان الله منظمين جدا طول الطريق كان النهر على ايدينا الشمال وطبعا مليان حيوانات   قطيع من الافيال الصغيرة والكبيرة ودى بعض المناظر الطبيعية من الطريق    ومرة اخرى زرافة  ونسر واقف على الشجرة   ولقينا دول    قطيع من الافيال بيعدى الطريق فى اتجاه النهر  وفيل صغي مع امه جميل جدا ما شاء الله ولقينا الاسد ده بين الاشجار  الناس حاولوا كتيير يطلعوه بره دون جدوى ومازلنا نسير فى بجانب النهر  وواضح تغيير البيئة فى المنطقة دى الى الحشائش الصغيرة واصبح افق الرؤية واسع  وواضح اختفاء اشعة الشمس ورا السحب وكان فعلا نقطة تحول كبيرة فى الاجواء لان الحرارة كانت شديدة لان فى معظم الوقت كان صعب تشغييل تكييف العربية لان كل شوية تلاقى حيوان تفتح وتصور فكان الحل الامثل اغلاقه وتقريبا ده اليوم الوحيد فى الرحلة كلها اللى فتحنا فيه تكييف العربية الاجواء عامة كانت جميلة  وافراس النهر مرة اخرى فى احد المستنقعات وصلنا lower sabi بس مدخلناش الكامب اتجهنا جنوبا فى اتجاه crocodile bridge وبعدنا عن النهر و رجعنا للمشى فى وسط اليابس وكنا ماشيين على الحدود مع دولة موزمبيق ويمكن الجبال اللى هناك دى فى موزمبيق مش جنوب افريقيا   يمكن نلاقى حيوانات جديدة وبالفعل  احد اشهر حيوانات افريقيا الزيبرا او الحمار الوحشى او الحمار المخطط   ويمكن هو اجمل الحيوانات فى الشكل اللى شوفناه فى البارك  وده اثناء عبوره الشارع    يعيشون فى قطعان برضه ولقينا ده   اسمه النو وهو شبه الجاموس بس اصغر شوية   وشايف فى الافق بعض الاراضى اللى متعدلة عن طريق البشر اذا اقتربنا من اخر البارك من الجنوب وبالفعل وصلنا crocodile bridge  الكامب هنا اصغر شوية من سكوكوزا بس ميزته انه فى سوبر ماركت صغير وكافيه وجنبه على طول باب للبارك يطلعك على الطريق بره قررنا الراحة قليلا وجبت الايس كريم ده  طعمه جميل جدا  وبرضه مربيين خنازير بعد الاستراحة القصيرة كان باقى تقريبا ساعه وربع على موعد اغلاق البوابات الساعة السادسة فقررنا المجازفة وشوفنا اقرب طريق يودينا malelane ودى البوابة اللى دخلنا منها ويمكن نشوف حيوانات جديدة   هنمشى S25 بعد كده S114 للبوابة  كان طريق ترابى   طائر واقف عند البركة ومرة تانية نشوف الزيبرا   وقرينا على وقت الغروب   كنا ماشيين بسرعة عالية علشان نلحق البوابات  وفجأة ومن غير محد يتوقع  ايوه هو وحيد القرن وده احد اندر الحيوانات فى افريقيا واللى قرب ينقرض    كانوا 3 وهناك كنت بشوف اعلانات كتيير لحماية وحيد القرن وبيجمعوا فلوس ليه وممنوع صيده كده الحمد لله رقم 4 من اكبر 5 "فيل و أسد و جاموس و وحيد القرن" مش باقى غير الليوبارد ياترى هنشوفه المعروف عنه انه بيبقى على الشجر فكان كل تركيزنا على الشجر واحنا ماشيين لقينا زحمة  وواضح كده ان فى اسد  كانوا اتنين ذكر وانثى واقتربت منها تقريبا لحد متر واحد  والناس حذرونى من خطورة اللى بعمله ده لانى كنت فاتح شباك العربية المهم هى خافت منى وراحت للذكر يحميها    جمال جدا ما شاء الله  وغابت الشمس واحنا لسه موصلناش البوابة  وزودنا السرعة اكثر تقريبا ضعف المسموح بيه   والطريق مش بيخلص والساعه عدت 6   ووصلنا اخيرا الطريق المرصوف   ووصلنا البوابة تقريبا مع بدأ الظلام متأخرين تقريبا ربع ساعه لكن الحمد لله محصلش مشاكل وخرجونا عادى من البوابة  لنبدأ طريق العودة الى نيلسبرت  الطريق كان فيه كارتة تمنها 50 راند  ودى المدينة بجوار البوابة  ودى صورة الطريق وزى ما قلتلكم السواقة بالليل هناك سهلة جدا وأمان الحمد لله وصلنا البيت تقريبا الساعه 8 وقعدنا مع صاحب البيت نحكيله والراجل كان ما شاء الله محترم جدا وكده يكون خلص واحد من امتع واجمل واطول ايام الرحلة على الرغم اننا مشوفناش الليوبارد بس نسبة 4 من 5 تعتبر من big five لرحلة يوم واحد تعتبر ناجحة جدا جدا الحمد لله التقييم للبارك واليوم طبعا مش محتاجة كلام 10\10 شوية نصائح لو هتعملوا زيارة ليوم واحد متنساش تملوا تانك البنزين فى العربية والمحطات موجودة فى الكامبس بس احتياطى برضه لو الزيارة فى الصيف يبقى المايه الساقعة شئ مهم جدا يفضل لو يكون معاكم حاجة تحافظ على برودة الماء الاكل مش مهم قوى كان معانا شوية بسكوت وسناكس كفونا اليوم الحمد لله مستحيل تلف البارك كلها فى يوم او يومين على الاقل 3 ايام الحيوانات المفترسة بتصطاد وقت الشروق ووقت الغروب الصبر وانت فى البارك ممكن يعدى عليك ساعات من غير ما تشوف حيوان واحد كده تقريبا انا خلصت كل المعلومات ليوم ولو فى اى خطأ سامحونى عليه اراكم فى الحلقة القادمة و "صن سيتى" تحياتى
|
|
| |
|
14-06-2015, 02:16 AM
| #74 |
| مجلس الإدارة تاريخ التسجيل : Dec 2014 رقم العضوية : 15 المشاركات : 15,812 | رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
|
|
| |
|
20-06-2015, 06:16 PM
| #75 |
| مسافر جديد تاريخ التسجيل : Apr 2015 رقم العضوية : 3006 الجنس : ذكر المشاركات : 45 | رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
انا كان اول مرة اشوفه فا مش عارف اسمه 3 ايام دى اقل وقت لو انت غاوى سفارى البارك 3 اجزاء جنوب ووسط وشمال كل واحد منهم يوم وكمان انت علشان تشوف game او حيوان مفترس بيصطاد ممكن تستنى فى البارك اكتر من كده فى النهاية كل واحد بيبقى ليه وجهة نظره فى الموضوع وشايف ايه اللى بيعجبه بالنسبة للكامب انت ممكن تتحرك جوه الكامب بليل مفيش مشاكل لكن خروج بره لا كل الكامب بتقفل بوابتها الساعة 6
|
|
| |
|
03-07-2015, 02:13 AM
| #76 |
| مسافر جديد تاريخ التسجيل : Jun 2015 رقم العضوية : 4720 الدولة : Kingdom of Saudi Arabia الجنس : انثى المشاركات : 1 | رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
|
|
| |
|
04-07-2015, 02:29 PM
| #77 |
| مسافر جديد تاريخ التسجيل : Apr 2015 رقم العضوية : 3006 الجنس : ذكر المشاركات : 45 | رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
طبعا انصحك وبقوة للذهاب الى جنوب افرقيا وليس فقط كيب تاون فهناك الكثير والكثير وللعلم الجو فى جنوب أفريقيا معتدل جدا فى معظم فصول السنة احنا سافرنا يعتبر فى نهاية الصيف وبداية الخريق والجو كان رائع يوم واحد كان حرارة مرتفعة فى كروجر ويومين برد بسيط فى الجاردن رووت وشكرا على المدح ده تحياتى
|
|
| |
|
04-07-2015, 06:56 PM
| #78 |
| مسافر جديد تاريخ التسجيل : Apr 2015 رقم العضوية : 3006 الجنس : ذكر المشاركات : 45 | رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
بسم الله الرحمن الرحيم الحلقة الرابعة (SunCity) السلام عليكم ورحمة الله وبركاته صباح يوم الاثنين 23-3-2015 كالعادة صحيت من الفجر صليت وجهزت الشنط وفطرت واستنيت صاحبى يجيى ساعتين على ما صحى  المهم صحي وجهز شنطه وودعنا صاحب المنزل وقالنا شوية نصايح زى متقفوش لحد فى الطريق ونخبى الحاجات الثمينة علشان زجاج العربية هيكسروه وياخدوها زى اى بلد يعنى وقال متصرفوش فلوس فى صن سيتى كتيير  نبذة عن صن سيتى كان فى رجل اعمال معاه فلوس وعاوز يعمل مشروع فندق من افخم فنادق العالم فقرر بناء منتجع صن سيتى واختار المكان على انقاض مدينة قديمة اثرية وبالفعل قد كان ففندق the palace واحد من أفخم الفنادق فى العالم وهو احد الفنادق فى صن سيتى فى فنادق تانى زى كبانس سعرها معقول لمن اراد الاقامة فى المدينة او الخيار المفضل للسياح الاقتصاديين زى كده المبيت فى فندق خارج المدينة وزيارتها ليوم واحد اقرب مدينة ليها مدينة روستنبرج وهى عاصمة مقاطعة نورث ويست صن سيتى فيها حاجات كتير زى فالى اوف ويفز او وادى الموج وده زى حمام سباحة صناعى وفى امواج Valley Of Waves وفى البحيرة وفيها العاب مائية وفى ركوب المنطاد وفى المتاهة للمدينة الضائعة The maze of the lost palace وفي بجانبها محمية بيلانسبرج الطبيعية زيها زي كروجر بس مع الفارق plensibner national park نرجع تانى لرحلتنا انطلقنا من المنزل فى نلسبروت الساعة 8 صباحا تقريبا والطريق بياخد 5 ساعات تبعد عن نلسبروت تقريبا 500 كيلو وزى ماقلتلكم الطريق مش مشكلة السواقة مريحة جدا وطبعا كنا بنبدل انا وصديقى حطينا بنزين للعربية واشترينا مؤن (مايه وشيبسى وعصاير) للطريق حطينا العنوان على جوجل مابس وانطلقنا صديقى تولى القيادة فى اول الطريق فكان فى فرصة اصور الطريق فى نلسبروت   وده ملعب مومبيلا او نليسبرت "يطلق عليها الاسمين" وكان اتلعب فيه مبارايات كأس العالم 2010  الطريق كان من أروع الطرق اللى مشينا فيه وكان اول مرة نشوفه لاننا وصلنا فيه بالليل    الطريق من نليسبرت الى ويت بانك تول مزدوج بس مفيش مشاكل الناس هناك ملتزمة جدا والطرق مريحة جدا جدا  وساعات يفتح حارة للتخطى او لو فى طريق يمين او شمال  ودى قرى الأفارقة اصحاب البشرة السوداء  وللاسف هتشوفوا المنظر ده على أطراف المدن وفى الطرق السريعة وعلى الرغم من التقدم الهائل ومستوى المعيشة المرتفع جدا جدا فى جنوب أفريقيا لكن للاسف مازالت سياسة التمييز العنصرى موجودة وبشدة فأصحاب اللون الاسود أغلبيتهم يعيشوا فى عشش او بيوت صفيح فى القرى وكنت بشوفهم واقفين على الطريق بيوقفوا اى عربية مواصلة ليهم طبعا لان البلد هناك مش مهتمية بالمواصلات لان البيض كلهم معاهم سياراتهم الخاصة لكن فى جوهانسبرج وكيب تاونفى بعض السود مستواهم مرتفع لكن الاغلبية كما ترون الابيض فى فلل وقصور فارهة والاسود فى عشش وبيوت صفيح نكمل طريقنا ده واحد بيوسعلنا الطريق   وكان علينا اننا نعدى من النفق وسط الجبل   وصلنا   يدأت معالم الطبيعة تتغير شوية واعتقد من بسبب تدخل الانسان وتكسير الغابات   بعض القرى الافريقية البسيطة على جانب الطريق  ووصلنا للطريق متعدد الحارات  وهنا كان سواقة 200 كيلو وصاحبى تعب وتوليت انا القيادة  الطريق اللى اختاره جوجل كان بيمر فى قلب بريتوريا وروستنبرج على الرغم ان الطريق السريع كان تقريبا يوصل بس أطول المهم الطرق اللى اختاره كان بيمر فى مناطق طبيعية خرافية فى ولاية نورث ويست جمال وطرق مفتوحة قدامك مد البصر كان طريق خيالى فعلا ومدينة روستنبرج هى حلوة وهادية بس مستوى المعيشة اقل من بريتوريا و نليسبرت طبعا الزحمة فى بريتوريا خيالية المهم وصلنا كانت الساعة 1:30 الظهر كان هدفنا بس اشوف المكان وادخل وادى الموج valley of waves وقالولنا فى اوفر للدخول المدينة والوادى الشخص ب 160 راند دفعنا الفلوس ودخلنا لفينا بسرعة حول الفنادق وركنت العربية فى الباركينج وانطلقنا التصوير هيكون بالموبايل بس للأسف    دخلنا entertainment center او مركز الترفيه  وده فيه العاب فيديو والمتاهة والمدخل لوادى الموج   الصور مش واضحة للاسف   مضيعناش وقت كتير فى اللف ودخلنا على طول للوادى   مع التماثيل دى كان في مؤثرات صوتية يعنى أصوات افيل وقرود     وده الوادى من فوق    اجرنا لوكر شيلنا فيه حاجتنا وانطلقنا فى الوادى اكشاك الاكل وفي منها حلال ملحوظة ممنوع دخول المأكولات الى الوادى   أشهر العاب الوادى هو حوض السباحة ده  واللى بيبقى فيه أمواج صناعية وهو ممتع جدا جدا ومش عميق مناسب للاطفال والكبار عاملين شط رمل وشماسى كأنه بحر حقيقى     الوادى فيه العاب تانية فى زحاليق فى المايه وفيه لعبة زحلقة كده اشبه بالسقوط الحر وممكن تتزحلق بالعوامات هى قريبة من صنواى لاجوون اللى فى ماليزيا بس امكانيات اقل قعدنا تقريبا 3 ساعات فى المايه بين لعبة ولعبة وكفاية كده خرجنا من الوادى نشوف المدينة فيها ايه من بره ده ملعب الجولف   وده الكازينو اعاذنا الله  قعدنا نتمشى شوية وروحنا فندق بلاس ومردوش يدخلونا  لازم تكون مقيم فى الفندق وكان الوقت اتأخر جدا والساعة 8 واحنا لسه ورانا سفر للمبيت فى بريتوريا كلمت الجيست هاوس وبلغته اننا هنتأخر تقريبا للساعه 11 خرجنا من المدينة وحطينا بنزين وكلنا حاجات خفيفة وانطلقنا الطرق فى نورث ويست مش زى باقى الولايات بس تعتبر حلوة برضه بس الحال بيختلف فى بريتوريا طرق رائعة بس عيبها كان فى تول كتير كل شوية 2 راند 3 راند وكان فى حاجات متعلقة بتخصم من العربية اتوماتيك فى جهاز كده متعلق عند المراية على الزجاج الامامى مسجل بيانات العربية وصلنا بريتوريا تقريبا الساعة 10 ونص وعدينا على القصر الرئاسى اللى كان بين مكان سكنا وبينه تقريبا 200 متر ووصلنا البيت وحصل لخبطة فى الغرفة لكن كل شئ تمام هى ليلة وهتعدى طبعا نمت تقريبا من غير ما حتى اكل من التعب تقييم اليوم وادى الموج الصراحة معجبنيش يعنى مش مستاهل المشوار علشان فى الاخر شوية زحاليق وحمام سباحة انا مشوفتش باقى الحاجات فى صن سيتى زى البحيرة لكن اعتقد انها برضه مش حلوة ومش مستاهلة المشوار هو بس منتجع فخم لعشاق الفخامة التقييم 7\ 10 اراكم فى الحلقة القادمة و (الانتقال الى الجاردن رووت) تحياتى
|
|
| |
|
05-07-2015, 01:59 AM
| #79 |
| مجلس الإدارة تاريخ التسجيل : Dec 2014 رقم العضوية : 15 المشاركات : 15,812 | رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
|
|
| |
|
12-07-2015, 12:38 AM
| #80 |
| مسافر جديد تاريخ التسجيل : Apr 2015 رقم العضوية : 3006 الجنس : ذكر المشاركات : 45 | رد: آخر أيام الصيفية فى جنوب القارة الأفريقية.......(جنوب أفريقيا مارس 2015)
بالنسبة لصن سيتى اعتقد يعنى البحيرة مش لا تستاهل ممكن يكون الخيار زيارة جوهانسبرج عند حديقة الاسود والمولات الكبيرة او البقاء فى نليسبرت لزيارة sidwala caves وفى حديقة للنباتات جنوب أفريقيا متنوعة وترضى كل الازواق
|
|
| |
|
| الكلمات الدلالية (Tags) |
| 2015, مارس, أيام, آخر, أفريقيا, الأفريقية, الأفريقيةجنوب, الصيفية, القارة, بارك, تاون, بريتوريا, جاردن, جورج, جوهانسبرج, جنوب, راند, روت, في, نايزنا, ويلدرنس, نيلسبرت, كيب, كروجر |
« رحلتي إلى ... (اللؤلؤة السمراء) ... جنوب أفريقيا بقلم 【ツ】أنا【ツ】
|
الفوكس في ربوع جنوب افريقيا ..تقرير مصور بقلم الفوكس »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| “لا ريزيدانس” جنوب أفريقيا | شارلوك هولمز | بوابة جنوب افريقيا | 23 | 27-12-2017 01:41 AM |
| الأغنياء في جنوب أفريقيا يدفعون نقودا ليحيون حياة الفقراء | الغردقاوي | بوابة جنوب افريقيا | 36 | 02-04-2016 07:04 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO
Search Engine Optimization by vBSEO
