نكمل معاكم بعد اجازة الويك اند




… نرجع لأول يوم واكيد بعد الوصول للفندق
والدخول للغرف
جددنا الوضوء وطلعنا نعتمر
الوضع سهالة بس شافو الاسوارة
دخلنا
الكراسي المتحركة تكون داخل الحاجز بالقرب من الكعبه وفي كذا شخص من المنظمين يرشدونا للخط الاخضر للمسار علشان لحد يروح صوب الكعبه
وخارج الحاجز هناك باقي المعتمرين
خلصنا انا وبوحسين وصلينا خلف مقام ابراهيم
وطبعا الصلاة خلف الحاجز
وقعدنا ننطر حسين وزوجته

وصورنا الكعبة
ان شاءالله تعجبكم الصور
اول دخول لصحن المطاف











المرشد هني ما يخليكم توقفون وايد عند الركن اليماني يقول سلموو وانتو ماشين



























وبعد الانتهاء من الطواف والصلاة صورت هالصور












ليش لابس نعال بوسط الصحن ؟














ولما وصل حسين وزوجته وبعد ماصلو وشربنا من ماي زمزم كل مطارة واقف عليها واحد يصب للناس محد يصب بروحه ومتوزعين بكل مكان اللي يصبون ماي زمزم





جزاه الله خير بوحسين ماقصر يدز الكرسي طوال السعي بين الصفا والمروة
الحمدلله ماكان زحمة بس بالنسبة لزمن الكرونا نقول زحمة ولاتنسون انها ليلة الجمعة

خلصنا وطلعنا من الخلف








هالطريج يطلعنا على الساحة مقابل مخرج فندق الايمان والصفوة


والحمدلله توقيت عمرتنا تقريبا ساعه ونص سهالات والحمدلله

راح بوحسين وحسين للحلاقين وحلقو على سنة رسولنا محمد صل الله عليه وسلم


رحنا نتعشى بالمطاعم اللي داخل الوقف وبعدها احنا قصرنا من شعرنا ونووم لوقت صلاة الفجر ساعتين تقريبا


يتبع

اذن للفجر بتلفوني
قمت بسرعه قلت هذا اكيد الاذان من ميكرفون الغرفة
ههههه ما انتبهت انه من تلفوني اذان الفجر للكويت

المهم قمت وتجهزت
وقعدت بوحسين واذن عندنا بالغرفة
نزلنا وقلنا بننطر العيال على ما يأذن الثاني
والحمدلله رحنا والجوو بالساحة الفجر حلوو ويشرح الصدر


وهذا من مصلى الحريم











ورجعنا الفندق بعد الصلاة طلبنا الريوق اللي شفتوه ونووم

بس النوم ما يانا لأن جيرانا عايلة قاعدين سوالف وضحك من الفجر لحد الظهر
نبي ننام ماكوو

المهم هذه صور للمطل من غرفتنا ما يطل على الحرم هذه مواقف * كدي *














الساعه 10 كنا طالبين دكتور علشان نسوي فحص ال pcr للعودة ويانا الدكتور وخلصنا وقال النتيجة بعد 24 ساعه قلت له احنا بنطلع من الفندق الساعه 10 ماتطلع اسرع قال اتصلو على الدكتور هني ويعطيكم النتيجة واتس اب



احنا ممكن كنا نروح المستوصف اللي عند فندقنا بس مسكرين الجمعه العصر يفتحون قلنا يمكن ما يمدي تطلع النتيجة ونتأخر على طيارتنا

المهم النتيجة طلعت الساعه 2 الفجر والصبح يوم السبت طبعنا الاوراق من الفندق




صلاة الجمعة راح بوحسين وانا صليت بالغرفة
بوحسين قال بياكل من الطازج
وانا طلبت من الفندق البرياني
وحسين اطلبو من البيك
وطلعنا نتسوق انا وحسين وزوجته خوش تمشية






ومنو مايحب مكة










افنيو الابراج روعه لماركات العطور وفي ملابس ماركات عالميه بس مو وايد ما صورت وايد

خلصنا بسرعة ورجعنا نريح

وهذه صور بعد للمطل





















وعقب صلاة العصر نمت لاذان المغرب



صلاتنا بالحرم للمغرب انا وابوحسين





وبعد الصلاة تمشينا انا وابوحسين واخذنا كابتشينو بهذا الكافيه ناسيه اسمه
المهم هو اخر السوق




























وتراميسيو وكابتشينو


وتمشينا انا وبوحسين وشرينا عطور لنا

وتمشي لحد ما اذن العشاء ورحنا الحرم نصلي العشاء

وحسين وزوجته بعد صلاة المغرب راحو مكة مول يقولون زحمة


وهذا من ساحة الحرم






العمل في الحرم متواصل ما شاءالله

التمشية بجانب الوقف






وطلب لنا حسين العشا من الطازج
وطلعت صمونة كلها مقليه بالقسماط الصراحة لذيذة وخفيفة مو دسمة وايد













وصور ليليه للمطل


















ونووم ورانا قعدة حق صلاة الفجر

الله يكتب لي زياره قريبه للحرم 🙏🏽
عليكم بالعافيه اهم شي مافي يهال حتى لو زحمه