نكمل معاكم…
وبعد صلاة الفجر رجعنا الغرفة وطلبنا الريوق
وعلى مايوصل الريوق نصور الاجواء برة




الغيم فرحة لنا لان نشتاق للمطر والجو البارد
























وبعد الريوق اخذنا لنا غفوة للساعه 9ونص واغراضنا كلها جاهزة


بوحسين متواعد مع سايق يوصلنا للمطار بسيارة فان بسعر 200 ريال وعلى الساعه 10 خلصنا التشيك اوت واللي ماكو بس قال نزلو الجناط قلت له اي قال خلاص مع السلامة

طبعنا اوراق فحص ال pcr للمطار بالفندق
وبعدها كلنا تحت ومشينا





نودع الساعه













مناظر الجبال بين مكة وجدة






واقتربنا للمطار الجديد









وهذا المطار








اول ماندخل يشيكون على فحص ال pcr

وبعدين لكاونترات الخطوط السعودية






وهذا يرشد المسافرين ويرد على المستفسرين








شنو هذا

هذا ماي زمزم 3 عبوات

واحنا ننزل الجناط من التاكسي بوحسين شافهم بالسيارة
فسأل السايق هذا لمين قاله للبيع العبوة ب30
قلت حق بوحسين ناخذ من داخل المطار
رد علي السايق مافي بالمطار
بعدين قال له بوحسين غالي ب30
رد على بوحسين انه نفس سعر المطار

قلت له توك تقول مافي بالمطار
قال بوحسين عطنا اياهم ودفع له 100 ريال
المهم يوم دخلنا لا اللي عند الباب قالو ليش جايبين ماي زمزم
ولا اللي يدفع العربانه

انزين شنو صار
صار ان ممنوع تدخل العبوات في الطيارة غير مسموح

دخلو جناطنا وظلوو هالعبوات بالعربانه ماندري وين نوديهم


المهم بعدين عطيناهم عامل النظافه وفتحنا واحد شربنا منه ووزعنا الباقي على القاعدين على الكراسي

بجذيه نقول ان السايق نصب علينا
اكيد كانو مرجعينهم ناس قبلنا وهو يعرف ان ممنوع بس باعهم لنا غشاش حقدت عليه مو مشكله الفلوس بس ليش الغش واحنا مكرمينك ومعطينك زود وماخلفنا وعدنا نطرناك علشان تودينا المطار

المهم طبعا الله يحاسبه على فعلته

وبعد مادخلنا الجناط واخذنا البوردينق نقدر الحين نطلب كرسي من الاستعلامات قبل البوردينق مايعطونك

ومشينا مع اللي يدز الكرسي وودانا للجوازات وبعدها للقطار ومنا للبوابات




المطار كبير يعني مشي تعب


بوابة سكة القطار










شاشة الاستعلامات عن الرحلات











وطلع مافي سوق حرة ولا مطاعم ولا مركز تسوق ابداا بس هالكافيه وفي لمقابله باسكن روبنز





وشرينا هالكيكة مع كباتشينو علشان نقعد الراس


وهذه طيارتنا مستعدة






والحمدلله وصلنا الكويت وعلى طول رحنا الكاونتر
قال ليش ماسويتو المسحة فوق قلنا ماشفنا المكان

وقال الشرطي لازم نفتح تطبيق مناعة وتطبيق اشلونك

اشلونك هذا يحسب لكم الحجر المنزلي
وقال لكم 3 ايام للفحص علشان نشيل الحجر

المهم اخذنا جناطنا وعلى البيت والتطبيق اشتغل يحسب لنا ايام الحجر وكل شوي يسالونا ويتحققون من وجودنا



العيال راحو سوو الفحص بس وصلنا البيت
وانا وابوحسين اخذنا موعد يجون لنا البيت يوم الاحد الساعه 6.30 يعني عقب يوم واحد والحمدلله يوو وفحصنا باللعاب هالمرة

ارسلو النتيجة الساعه 2 الفجر
وبعد ساعه ارسلو لنا ان تم الانتهاء من الحجر


الحمدلله كلنا سلبي
والحمدلله على سهالة الامور لادائنا العمرة بعد هالسنتين الموبؤة

الحمدلله على كل حال وحال

شكراا للكل لمروركم العطر اللي عطر تقريري

ما شاء الله يا أم حسين
الحمد لله على السلامة و الحمد لله على التمام
و أن شاء الله يكتب لكم القبول في عمرتكم

"أما موقف السواق .. مع الآسف غير جيد (يمثل نفسه فقط)
و لكن الواحد وش يقول
غير حسبنا الله و نعم الوكيل ... و الله يعوضكم و يكتب أجركم
طالما وزعتوه على العمال و المتواجدين بالمطار ...

شكراً لك أختي أم حسين على مشاركتنا الفائدة من تجربتك في رحلة العمرة

الحمد لله على السلامة
وعمرة مقبولة بإذن الله

نأسف للتصرف الفردي
سواء كان من مواطن أو مقيم

الحمدلله ع السلامة وتقبل الله عمرتكم أم حسين

تقرير في منتهى الروعه والحمدلله بعد معناه الله أكرمنا بمطار رائع للغاية

كل الشكر والتقدير