مـــطــــــاعـــــ الكــــويت ـــــم

q8ya metnaqla · 28-12-2014, 06:13 PM

بسم الله الرحمن الرحيم

عودا حميدا لمنتدانا الغالي العرب المسافرون

راح ابتدي ان شاءالله معاكم في هالصفحه عن مطاعم الكويت وتقيمي لها وطبعا لاتعتمدون على تقيمي بالاخير كل واحد وذوقه لكن بعطي بصفه عامه وانتوا عليكم الاختيار ..

الكل يقدر يشارك في هالصفحه من اضافة للمطاعم في الكويت وتكون عن تجربه شخصيه مع الصور ان امكن ويفضل لتعم الفايده للجميع ..

راح ابتدي في اول مطعم

نروح شرق
خلاص نتوكل على الله ونروح
برج الحمرا- في شرق (دسمان)

اصله : يــابــانــي

تقيمي : 10/9.5

اسم المطعم : سوشي بار
الاكل : من احلى مايكون لمحبين الاكل الياباني والزفر مر علي في الكويت من كثر مااهو لذيذ ودي اطلب كل شي

المكان : ممتاز بما انه في برج الحمرا يعتبر من الابراج والمجمعات الراقيه لان كله محلاته ماركات عالميه وغير المطاعم والسينمات وحبيب الشعب شوكلت بار ..

السعر : غالي بحكم الاكل بس يستاهل

الخدمة : ممتازه
المميزات : كل شي فوق التمام

صوره من ديرتي الغاليه فصل الشتاء وبالذات لبرج الحمرا اللي اهو مقصدنا اليوم

وهذا البرج

وصوره ثانية

في هاليوم الجو كان خياااال بالكويت بصراحه

ونبتدي بالمطعم اللذيذ

وللاسف رفيجات المنتدى مايحبون الاكل الاسيوي

يحطون ورقه وفيها ارقام الطلبات وانتوا تختارون اللي تبون والكميه اللي تبونها في الورقه اللي مع المنيو

المطعم وطاولاته بشكل عام

وطاولتنا

وهذي الضيافه

المشروبات وفي معاهم بيبسي بس ما صورته

والادومامي الخطيييير

كوزي شريمب

بدت توصل الطلبات

يميييي ( اغلب السوشي اللي اختاره يكون ربيان او قباقب = سلطعون )

النهاية

واهني في هالساحه حبيب القلب شوكلت بار

فاتورتنا طلعت 67 دينار ل 3 اشخاص في قهوه وحلو ماصورتهم بعد

وبجذي انتهي معاكم في اول مطعم
والخير يايكم ان شاءالله

الغردقاوي · 28-12-2014, 08:44 PM

شكرا على التقرير
ولكن الصور ما ظهرتلي نهائيا

شارلوك هولمز · 29-12-2014, 02:02 AM

شكرا مشرفتنا .. الصور ماظهرت نهائياً

هولمز

الايمان · 29-12-2014, 09:45 AM

ابرار
نفس مشكلتي مافي الصور

missq8 · 29-12-2014, 01:21 PM

ما حبيت المطعم وايد عندي وك اند رول احلى بس احلى شي عندهم ال ايدا مامي مالهم خيال حتى لو شبعانه ما تقدر توقف وحده ورا الثانيه

q8ya metnaqla · 29-12-2014, 06:36 PM

اقتباس

المشاركة الأصلية كتبت بواسطة الغردقاوي

شكرا على التقرير
ولكن الصور ما ظهرتلي نهائيا

اقتباس المشاركة الأصلية كتبت بواسطة شارلوك هولمز شكرا مشرفتنا .. الصور ماظهرت نهائياً

هولمز

اقتباس المشاركة الأصلية كتبت بواسطة الايمان ابرار
نفس مشكلتي مافي الصور

العفووووو
بس ضيقتوا خلقي لما قلتوا الصور مو طالعه مع انهم طالعين عندي وشفتهم بعد ماطلعت من المنتدى ليش انتوا موطالعين لكم ...
بشوف قصتهم وارد مره ثانيه ان شاءالله
اشكر مروركم الحلووو

q8ya metnaqla · 29-12-2014, 06:38 PM

اقتباس المشاركة الأصلية كتبت بواسطة missq8

ما حبيت المطعم وايد عندي وك اند رول احلى بس احلى شي عندهم ال ايدا مامي مالهم خيال حتى لو شبعانه ما تقدر توقف وحده ورا الثانيه

افا لي ما يازلج ماعليه الناس اذواق
وان شاء الله اجرب روك اند رول واقارن بينهم
اي الايدمامي خطييير صج ماتوقفين

oceanus · 29-12-2014, 07:31 PM

واضح من الصور ان الاكل جدا لذيذ

صحيح ان بعض الاكلات اول مره نشوفها او نسمع عنها

لكن مايمنع اننا نتعرف عليها ونعرف رأي مشرفتنا فيه

شكرا لك ابرار

الغردقاوي · 29-12-2014, 07:41 PM

ظهرت الصور أخيرا
جميله ما شاء الله وبالهنا والشفا عليكم
لكن أسماء الأكل شويه صعبه
تحياتي

q8ya metnaqla · 29-12-2014, 07:43 PM

اقتباس المشاركة الأصلية كتبت بواسطة oceanus واضح من الصور ان الاكل جدا لذيذ

صحيح ان بعض الاكلات اول مره نشوفها او نسمع عنها

لكن مايمنع اننا نتعرف عليها ونعرف رأي مشرفتنا فيه

شكرا لك ابرار

نورتني بو عبدالرحمن
اي والله لذيذ
مثلك عارف احب اجرب واجازف ماعندي مشكله
العفوووو انت اللي مشكوووور على المساعده

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الانشطة والفعاليات لسنـ 2015 ــــة في الكــــويت	q8ya metnaqla	بوابة الكويت	115	28-01-2016 11:16 PM