البرنامج الخطير MYTEKSI

رائد بومريم · 14-04-2015, 11:48 AM

العرب المسافرون ماليزيا

السلام عليكم ورحمة الله وبركاته

اولا احب اشكر كل من ساعدني على هذا التقرير

واولهم الاخ الغائب عنا العدني

فهو اول من وضع هذا التقرير عن هذا البرنامج في المنتدى القديم

واتمنى ان يصل هذا التقرير الى مستوى الذي وصل اليه تقرير العدني

فلنبدا بسم الله الرحمن الرحيم

البرنامج عبارة عن برنامج موجود على اجهزة الايفون واتوقع انه موجود على نظام الاندرويد

وهو برنامج myteksi

تعريف البرنامج: باختصار هو برنامج لطلب سيارة تاكسي .. انت تدخل على البرنامج وتحدد مكانك وتحدد المكان اللي ناوي تروح له والبرنامج يرسل رساله بطلبك

واي صاحب سيارة اجرة عنده البرنامج (وهم كثير جدا) يستقبل طلبك وبعدها يوافق او لا يوافق على الطلب

ماهي فائدة البرنامج؟؟!!

البرنامج له عدة فوائد ولكن هناك اهم فائدتين وهما كالتالي

الفائدة الاولى: هي ان البرنامج يعطيك السعر التقريبي لقيمة المشوار اللي انت ناوي تروح له . مثلا انت ناوي تروح المطار وانت في شارع العرب .. البرنامج يقولك المسافه كم من مكانك اللي هو شارع العرب الى المكان اللي تبي تروح له اللي هو المطار .. ويقولك كم سعر المشوار .. مثلا يقولك قيمة المشوار من 50 رينجت الى 60 رينجت

هذي الخدمه وش تفيدك فيه؟؟!! وكيف انا استخدمتها ؟؟!!

كنت اذا بغيت اروح اي مكان اشغل البرنامج واعرف المسافه كم وكم متوسط المبلغ.. ولا اطلب تاكسي من البرنامج ... لان التكاسي اللي قدامي كثير .. اوقف اي تاكسي من اللي قدامي واسأله عن قيمة المشوار اللي بروح له واجلس افاوضه ..
اعطيكم مثال

كنت قدام برجايا تايمز سكوير وشغلت البرنامج وقلت بروح الحي الصيني او السوق الصيني وعرفت من البرنامج ان المسافه خمسه كيلو وان السعر من 10 الى 15 رينجت ... طفيت البرنامج بدون مااطلب سيارة توصلني ووقفت تاكسي من اللي قدام البرجايا تايمز سكوير ...
قلت له بكم توديني الحي الصيني ..
قالي ب20 رينجت ..
قلت لا كثير .. بس بعطيك 15 ..
قالي السوق الصيني بعيد ..
قلت له اي بعيد..!! كلها خمس كيلو ..
فتح عيونه وجلس يطالعني .. فكر اني اعرف الديره وحافظها .. مايدري اني اول مره اجي ماليزيا ولكن بفضل من الله ثم من اخونا العدني ثم من البرنامج

الفائدة الثانيه والتي لاتقل اهمية عن الفائده الاولى بل وتعتبر اهم من الفائده الاولى :

اذا كان مافيه جنبك اي تاكسي .. ف بهذا البرنامج توفر عليك وقت الانتظار والخوف من اشياء لاتدري هل هي وهميه او حقيقيه ..
بالمثال يتضح المقال..

ركبت مع تاكسي وقلت له وصلني الى ديسا بارك اللي هي الحديقة المائيه .. اسمها ديسا بارك .. المهم .. نزلني عندها وتركني وراح .. ويوم جيت بدخل الحديقة المائيه قالوا لي انها محجوزه بالكامل لموظفين شركة كانو .. الشركة المشهوره ..
الحديقة المائيه محجوزه بالكامل للموظفين ولذويهم .. (خوش شركه ) ..
طيب مانقدر ندخل ..
قالوا لا .. تعالوا بكرة ..
قلت طيب ان جيناكم مره ثانيه .. (لا عاد تكفى تعال .. مانقدر نفتح بدونك .. هههه )
طيب راعي التاكسي وراح ..وتلفت حولي مافيه ولا تاكسي ..
لازم اطلع على الشارع العام عشان اوقف لي تاكسي... والشارع العام بعيد شوي ..
حلو .. قلت هذا وقت البرنامج ..
شغلت البرنامج وطلبت تاكسي وجاني وركبت وانا مرتاح .. لو ان العدني جنبي وقتها كان حبيت راسه على البرنامج .. يستاهل .. (كانه هو اللي مسوي البرنامج.. المهم انه هو اللي دلنا عليه)

هذا الفائدتين تكفي انك تنزل البرنامج وتستخدمه

والان نجي لشرح البرنامج
هذه صورة البرنامج على الايزو (ولانه فيه اكثر من برنامج وذا الحين فيه برامج في الكويت واتوقع في الامارات والرياض او جده) المهم هذا صورة البرنامج

وأول ماتخش على البرنامج تدخل على التسجيل ... والاحسن انك تسجل بالرقم الماليزي لاتستخدم رقمك الخاص حق دولتك سواءً كان السعودي او الكويتي او غيره .. بعدين اقولكم ليه

1- اسمك
2- ايميلك
3- دولتك (غيرها الى ماليزيا اذا كنت اخذت بنصيحتي وتبي تفعله على الرقم الماليزي)
4- رقم الجوال المراد ارسل كود التفعيل عليه

وبعدين بتجيك صفحة التفعيل

1- تضع كود التفعيل اللي المفروض انه جاك على رساله على جوالك اللي سبق وحطيت في الصوره اللي قبلها
2-اعادة ارسال كود التفعيل
3-تفعيل البرنامج عن طريق الاتصال الصوتي (يعني بيتصل عليك الكمبيوتر وبيطلب منك تضغط على كم رقم عشان يتفعل معك البرنامج)
المهم رقم 2 و3 ماعليك منهم

اذا تفعل البرنامج بتجيك الصفحه التاليه ..(ولاني انا في السعوديه وهذه الصوره ليست وانا في ماليزيا فالبرنامج مش راضي يلقطني )

1-نقطة الانطلاق (بالعربي مكانك .. وهذه الخانه اذا كنت مشغل خدمة المواقع راح تتعبى اوتوماتيكيا)
2-نقطة الوصول (المكان المراد الوصول اليه.. وهذه الخانه انت اللي تعبيها ... تكتب اسم المكان اللي بتروح له والبرنامج بيعطيك خيارات عشان تتاكد من ان المكان اللي كتبته صحيح)

على فكره
طبعا لازم تكون مشغل خدمة المواقع عشان البرنامج يلقط مكانك
وفيه شي ثاني البرنامج مايشتغل الا في كوالالمبور فقط (لنكاوي.. بينانج وغيرها من الجزر مايشتغل)
وتضغط على التالي وتجيك الصفحة التاليه

1-عدد سيارات الاجره اللي حول مكانك وعندهم البرنامج ويقدرون يوصلونك
2-المسافه من مكانك الى نقطة الوصول

تضغط على التالي وتجيك الصفحه التالي

1- سعر المشوار (يعني تقريبا من 40 الى 45 رينجت) طبعا اللي مكتوب في الصوره بالدولار
2- اسامي سواقين التاكاسي اللي شافوا طلبك وكل واحد كم كيلو يبعد عنك وبعدين ...

(انا عند هذه النقطة اغلق البرنامج .. بعدما عرفت كم المسافه بيني وبين المكان اللي ناوي اروح له وكم متوسط السعر) نكمل الشرح

تضغط على التالي وبتطلع لك الصفحه التاليه

يقولك انه في سواق تاكسي قبل طلبك وانه جايك في الطريق

1- المسافه المتبقيه بينك وبين سواق التاكسي
2-اسم السواق

اضغط على التالي لتظهر لك الصفحه التاليه
1-اسم السواق وصورته اذا كان حاط صورته
2-الوقت المتبقي لوصول التاكسي اليك
3-السعر المتوقع انك تدفعه ومسافة المشوار بين موقعك الحالي والموقع المراد الوصول اليه
4-اذا بغيت تتصل على سواق التاكسي (عشان كذا اقولك تفعل البرنامج على الرقم الماليزي .. لان رقمك بيطلع عن صاحب التاكسي ولان صاحب التاكسي اذا شاف الرقم ماليزي.. ممكن يتصل عليك)

واخيرا وليس اخراً
هذا لينك حق البرنامج على الابل ستور
https://appsto.re/sa/QFiLM.i

واعذروني اذا كانت الصور او الارقام اللي على الصور مش واضحه او اذا كان فيه اخطاء
ولكن البرنامج سهل الاستخدام

وتقبلوا تحياتي

ابراهيم · 14-04-2015, 12:14 PM

مشكوووووووووور اخوي رائد على هذا البرنامج المهم ..... يعطيك العافية

حجــازية · 14-04-2015, 12:53 PM

شكرا لك على الشرح
الله يعطيك العافيه

عريسها · 14-04-2015, 01:22 PM

برنامج بطل وتم تنزيله بنجاح
يعطيك العافية ابو مريم

MOBARKI · 14-04-2015, 01:38 PM

برنامج رائع

اذكر احد الاعضاء غلط في خانة الاكرامية ووضع نفس سعر تكلفة

يعطيك العافية اخي رائد

himzmz · 14-04-2015, 02:30 PM

الله يعطيك رائد بومريم وجزاك الله خير على البرنامج المهم والرائع
واشكر اخويا العدني اللي يعتبر اول من دلنا في المنتدة على هذا التطبيق والله يسعدكم جميعا
بالنسبة لي جربت البرنامج وكنت اغلط واضع ااسعر مكان الاكرامية وكان السواق يقولي السعر دبل وفي اﻻخير صرت بس اعرف المسافة ومتوسط السعر واقفل البرنامج واتفق مع ااسواقين

برنامج انصح الجميع بتحميله

اخوكم
هاي مزمز

himzmz · 14-04-2015, 02:30 PM

الله يعطيك رائد بومريم وجزاك الله خير على البرنامج المهم والرائع
واشكر اخويا العدني اللي يعتبر اول من دلنا في المنتدة على هذا التطبيق والله يسعدكم جميعا
بالنسبة لي جربت البرنامج وكنت اغلط واضع ااسعر مكان الاكرامية وكان السواق يقولي السعر دبل وفي اﻻخير صرت بس اعرف المسافة ومتوسط السعر واقفل البرنامج واتفق مع ااسواقين

برنامج انصح الجميع بتحميله

اخوكم
هاي مزمز

توبليرون · 14-04-2015, 02:51 PM

برنامج حلووو
يعطيكم العافية انت والعدني وصاحب البرنامج
شكرااا

آخـــرفـــرصـــة · 14-04-2015, 02:56 PM

برنامج رائع و مفيد جداً

الله يعطيك العافية على الشرح الواقي

ماقصرت ابو مريم

رائد بومريم · 14-04-2015, 03:03 PM

اقتباس : المشاركة الأصلية كتبت بواسطة ابراهيم

مشكوووووووووور اخوي رائد على هذا البرنامج المهم ..... يعطيك العافية

الله يعافيك

اقتباس : المشاركة الأصلية كتبت بواسطة حجــازية

شكرا لك على الشرح
الله يعطيك العافيه

الله يعافيك

اقتباس : المشاركة الأصلية كتبت بواسطة عريسها

برنامج بطل وتم تنزيله بنجاح
يعطيك العافية ابو مريم

الله يعافيك .. حاضرين

اقتباس : المشاركة الأصلية كتبت بواسطة MOBARKI

برنامج رائع

اذكر احد الاعضاء غلط في خانة الاكرامية ووضع نفس سعر تكلفة

يعطيك العافية اخي رائد
ايه ايه .. هذا هو طلع وفضح نفسه

اقتباس : المشاركة الأصلية كتبت بواسطة himzmz

الله يعطيك رائد بومريم وجزاك الله خير على البرنامج المهم والرائع
واشكر اخويا العدني اللي يعتبر اول من دلنا في المنتدة على هذا التطبيق والله يسعدكم جميعا
بالنسبة لي جربت البرنامج وكنت اغلط واضع ااسعر مكان الاكرامية وكان السواق يقولي السعر دبل وفي اﻻخير صرت بس اعرف المسافة ومتوسط السعر واقفل البرنامج واتفق مع ااسواقين

برنامج انصح الجميع بتحميله

اخوكم
هاي مزمز

انصح وبقوه وبقوتين
واترك عنك الفلسفه الزايده ههههههههه

اقتباس : المشاركة الأصلية كتبت بواسطة توبليرون

برنامج حلووو
يعطيكم العافية انت والعدني وصاحب البرنامج
شكرااا

الله يعافيك

اقتباس : المشاركة الأصلية كتبت بواسطة آخـــرفـــرصـــة

برنامج رائع و مفيد جداً

الله يعطيك العافية على الشرح الواقي

ماقصرت ابو مريم

الله يعافيك ..حاضرين

ومشكورين جميعا على مروركم الكريم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
البرنامج العملاق TRAFI لوسائل المواصلات بتركيا... مرشدك الأول لأفضل طريق ( شرح مصور )	أبو نورة	بوابة تركيا	65	09-03-2021 12:17 PM
البرنامج السياحى الشامل لزيارة دولة جورجيا	عماد جورجيا	بوابة جورجيا و اذربيجان	90	25-08-2018 12:39 PM
ابغي رايكم في البرنامج	ابو انمار	بوابة النمسا	19	19-04-2015 10:26 AM
مساعدتكم في تجهيز البرنامج واختيار الفنادق	abdullah h	ماليزيا	31	15-02-2015 08:50 AM
حجزنا الفنادق بفضل الله ثم بـ فضلكم وباقي السياره وبقية البرنامح	حسين شبيب	تأجير السيارات	3	08-02-2015 08:12 AM