ههههههه اثاري الخوف من الاقلاع والهبوط شي طبيعي بين الاغلبية طبعا نفس بوحسين وتلاقيه تمسك بالكرسي اللي جدامه وساعات يفتح الطاوله ويحط راسه عليها
ما اكلمه ابد ولا اقول له ممنوع فتح الطاوله اخليه على راحته
ووبس تنطفي اشارة ربط الاحزمة تلاقيه عادي يتمشى ويضحك ويسولف
وانا استمتع جداا بلحظه الاقلاع احلى لحظة عندي كأني طايره بالسما هالشعور جمييل جداا حس فيه ولا تفكر بالاشياء اللي تخوف
والاهم الاهم في كل شي استودع بيتك واهلك وديرتك ونفسك وتذكر ان اي شي مقدر ومكتوب وان السعادة بالسفر مقدر ومكتوبه لك باذن الله

سبحان الله نفس شعوري بالضبط🥺
خوف في خوف ومع ذلك ارتب للسفر واجهز و عادي لو اسافر كل اسبوع😂 بس الخوف قاتلني
الله يعين ان شاء الله و ان شاء الله يارب اقدر اتغلب على هالشي وافكر بس في السفر😂

عشت حياتي كلها أعاني من رهاب الطيران لكن لما سافرت أول مرة لم أشعر بأي خوف بل استمتعت بالتجربة وخاصة شعور الإقلاع مريح نفسيًا. لكن أقولها بصراحة أعاني كثيرًا للتحضير للسفر وكثيرة القلق والتوتر وأكره المطارات بشدة.

انا اللي ما قدرت افسره هو ان فيه مستثمرين مسوين مطاعم على شكل طيارة .. ما ادري من هو اللي يستمتع بالجلوس في الطائرة ..
لو يقول لي الاكل بلاش ما دخلت مطعمه ..

أنا ما أشوف أن الموضوع فوبيا طيران
الموضوع ردة فعل طبيعية منك

مدام أنك تركب الطائرة امورك تمام المهم تستمر على وضعك لا تستلم للخوف
ولازم تعرف أن الطائرة أمانها أكثر من اي وسيلة نقل أخرى
وانت تقول لما تستوي الطائرة يكون وضعك طبيعي يعني ماعندك مشكلة من الاماكن المرتفعة ولا الاماكن المغلقة
موضوعك فقط تخوف من الاقلاع والهبوط وهذا اعتقد 90% من العالم تتخوف من الشي هذا



في النهاية استمتع وتوكل على الله فلن يصيبك إلا ما كتب الله لك