شنغن فيزا عن طريق البرتغال أكتوبر ٢٠٢١ للسعوديين.
عن طريق مركز التأشيرات الموحد في جدة.
جميع الطلبات تلاقيها في موقع vfs أو من موقع السفارة.
النموذج يعبأ أون لاين و بعدها تطبعه و توقعه.
الإثبات المالي ما يكتفون ببطاقة الإتمان لازم كشف حساب أقل مدة ٣ أشهر و يكون مفصل من البنك و مختم أول و آخر صفحة و عدة صفحات عشوائي كمان.
لازم صورة من إثبات إنك أخذت لقاح كورونا كامل.
أفضل تحجز موعد لتقديم الطلب بنفسك من موقع ال vfs .
إذا ما قدرت او الوقت ضيق عادي روح بنفسك على المركز الساعة ٨:٣٠ ص و أول ما يفتح تقريبا ٩ او ٩:١٥ ص تدخل و تطلب خدمة ال premium lounge بس كل المتطلبات لازم تكون معك جاهزة.
من وقت تسليمك للطلبات إلى وقت استلامك الفيزا في جدة تأخذ من ٥ أيام عمل إلى ١٥ يوم.
نصيحة عن تجربة شخصية أحجز موعد وقدم أوراقك بنفسك خدمة اللاونج ما تستاهل المبلغ اللي تدفعه.
و نصيحة أهم أيضا أطلب تستلمها بنفسك و لا تطلب عن طريق أرامكس، لو يقولوا لي ببلاش تستلمها من مندوب أرامكس راح أرفض. خدمة سيئة و ممكن يجي وقت السفر و هم يلفون بها في السعودية كلها.
بالنسبة للي لفحص كورونا معلومة مهمة جدا أي دولة في الإتحاد الأوربي حتى إذا كنت محصن جرعتين ضد كورونا و معك الإثبات مدام إنك غير مقيم او مواطن في دول الإتحاد الأوربي يطلبون منك أيضا تسوي فحص كورونا سواء الPCRو مدته ٧٢ قبل المغادرة او ال Antigen و مدته ٤٨ ساعة قبل المغادرة. هذي تجربتي الشخصية و الآن أنا في البرتغال و رايح بعدها اسبانيا و كلا الدولتين نفس الشرط لا أحد يقول لكم غير كذا. و أي استفسار، تفضلوا