السلام عليكم.

انا ناوي اطلع لفرنسا ان شاء الله و رحت اشيك على شروط الشنقن و كلها متوفره الا

1) خطاب من صاحب العمل 2) تعريف بالراتب وكشف الحساب

لاني طالب جامعي.
بالنسبه للشرط 1) لو اطبع تعريف من الجامعه باني طالب. تتوقعون انه يكفي؟

و الشرط 2) الوالد حول لي مصروف السفرة و سويت كشف حساب وفيه مبلغ 20،000 لكن مافيه بالثلاث شهور الماضيه مبلغ يدخل حسابي بشكل دوري.

تتوقعون لو اسوي الشي ذا ينفع؟

و عليكم السلام

سعيدين بتواجدك بيننا

تعمل التالي :

1- خطاب تعريف لك من الجامعة
2- خطاب تكفل بالمصاريف من الوالد و تقدم معاه كشف حسابه

http://www.arabtrvl.com/vb/t381.html

و انا اسعد.

بس يالغالي الوالد زي ماتقول عطاني الفلوس وقال دبر عمرك. اتذكر يوم طلعت فيزا بريطانيا كتبت لهم اني انا باتكفل بالمصاريف وطبعت لهم كشف حسابي..
اقدر اسوي نفس الطريقة بالشنجن؟

اللي ذكرته لك هو التصرف الصحيح

مهم جداً الدخل الشهري لمتطلبات الشنغن

ممكن تحاول مع الفرنسيين لو مواجه صعوبة في خطاب التكفل

يعطيك الف عافية
باحاول اطبع الخطاب و اكلم الوالد يوقعه

او الشكوى لله اطبع كشف حسابي واخذ معي بطاقة الراجحي الائتمانية وان شاء الله تتسهل.

الله يسهل امورك

موفق

معليه اطلب من الوالد اللي يطول بعمره يوقع .. أفضل من يجيك الرفض

وعلمنا وش يصير معاك

موفق

الله يوفقك خطاب التكفل من الوالد أضمن
وأخبرنا ماذا فعلت وماذا حدث

امين و يوفقكم.
ياخي استغرب من الي يقول الشنجن اسهل من فيزا بريطانيا عقدوها علينا

صادق أصعب من البريطانية بكثير

خاصة اللي يقدم أول مرة

أما اللي بصم من قبل أسهل عليه