لندن .... لقاء من بعد غياب - الصفحة 2

الايمان · 27-12-2021, 09:31 AM

اقتباس : المشاركة الأصلية كتبت بواسطة Salemd11

ما شاء الله ... ريف وأجواء جميلة .

الشي اللي ودي أسويه وخايف منه هو استئجار سيارة في بريطانيا ، ما أدري كيف راح اتصرف اذا واجهت دوار أو مخرج على الطريق السريع ممكن ادخل الدوار يمين . ما أظن أني أفكر فيها بيوم أعرف أنه عندي تلقائيه مزمنه.

أما بخصوص اللي يقول برد ويرهبه منظر الثلج أو درجة الحرارة المنخفضه ، نقول له مثل يستخدمه الألمان ، أخذناه في الدوره وأعجبني كثير .

Es gibt kein schlechtes wetter, es gibt falsche kleidung

لا يوجد الفصل الخطأ ، بل يوجد الملابس الخطأ

ننتظر باقي التقرير .

زوجي متعود يسوق بالمقلوب وخلاني اتعلم اسوق مثله سبحان الله اذا سقت الغريزة تبتدي تدلك على الخط الصحيح
على العموم في ويندرمير عندهم الاوبر وشركات كثيرة متوفره هناك
جميل جدا المثل الالماني فعلا كلامهم صحيح أول مرة اسمع فيه

Abu Sultan1111, آخـــرفـــرصـــة, توبليرون و 2 آخرون معجبون بهذا.

الايمان · 27-12-2021, 09:57 AM

صباح / مساء العاصفه والرياح الشديدة

ان شاءالله اليوم راح أكمل معاكم رحلتنا في ويندرمير
من أمس وهم يحذرون بقدوم عاصفة ورياح شديده لكني قعدت الصبح ولقيت أحلى وأصفى جو بالعالم ( الانجليز يبالغون )
الفندق عبارة عن دورين فقط وغرفتي بالدور الثاني مطلة على البحيرة

نزلنا للريوق وأحلى جو والسماء صافيه

وأحلى ريوق بالنسبة لي فلات وايت وكراسون ساده

هذا طلبي بيض بالسلمون

طلب زوجي بيض بالافوكادو

بعد الريوق اللذيذ والمنظر العجيب خذينا السيارة ورحنا Ambleside وهي من أجمل المناطق في ويندرمير وسكنت فيها عدة مرات (كتبت عنها في تقاريري السابقة )

لاحظوا الجو قلت لكم الانجليز يبالغون

Abu Sultan1111, آخـــرفـــرصـــة, توبليرون و 12 آخرون معجبون بهذا.

الايمان · 27-12-2021, 10:17 AM

تمشينا في السنتر

وصلت للمحل اللي أحبه ولابد من زيارته وأكيد الكل يحبه

محل كاكاو صناعه محليه يتم التصنيع في Ambleside
طبعا في بعض الانواع يتم تصنيعها بالكحول فضروري تسألون قبل الشراء

والهدف من زيارة هذا المحل اشتري كاكاو فليك

يبيعونه بالحبه

ولابد من القهوه مع الفليك

بعدها رحنا الى The Bridge House

كملنا مشي الى النهر

الجو رائع وهدوووووء

Abu Sultan1111, Abu Muataz, آخـــرفـــرصـــة و 10 آخرون معجبون بهذا.

الايمان · 27-12-2021, 10:42 AM

بما أن الجو صافي وبارد جدا قلنا نروح مطعم هندي يبعد (20 دقيقه تقريبا )

واحنا داخل بدأ الجو يتغير صار هوا وايد ومطر

وصلت الطلبات

حاسبنا بسرعه ورحنا ركض للسيارة لان الجو يخوف هوا وايد يطير اللي يمشي

رجعنا للفندق وكانت المفاجأة
الكهرباء مقطوعه والفندق ظلمة
لما سألت الريسبشن شنو اللي صار قالوا بسبب العاصفه انقطعت الكهرباء ومايدرون متى بترجع

خذيت الموضوع ضحك ووناسه قعدت أصور وأنزل سنابات

الكهرباء انقطعت الساعه 4 مساء ولغاية الساعه 12 بالليل ما رجعت بدأت الغرف تبرد وصار الجو بارد جدا داخل الغرف وتكرمون الماي بالحمام بدأ يبرد وصار مثل الثلج
ان شاءالله اكمل معاكم شنو صار فينا بالعاصفه

Abu Sultan1111, Abu Muataz, آخـــرفـــرصـــة و 12 آخرون معجبون بهذا.

Abu Sultan1111 · 27-12-2021, 11:19 AM

منظر النهر وبقايا الخريف جميل جدا
الأكل الهندي لا بد منه .
ننتظر نعرف وش صار بعد العاصفة .

آخـــرفـــرصـــة, توبليرون, الايمان و 1 آخرون معجبون بهذا.

المسافر2020 · 27-12-2021, 03:52 PM

ما شاء الله تقرير لندني شتوي جميل
وما زاده جمالًا أسلوب الطرح
والصور الرائعة
فقط ياليت تذكرين الأسعار ( الفندق ، المطاعم والكافيهات ،
السيارة والمواصلات ، دخول الأماكن السياحية ، … الخ )

الله يعطيك العافية أختي الإيمان

آخـــرفـــرصـــة, Abu Sultan1111, توبليرون و 2 آخرون معجبون بهذا.

آخـــرفـــرصـــة · 27-12-2021, 05:06 PM

افاااا طلعوا الانقليز صادقين
وحنا العربوش ما نسمع الكلام

منظر البحيرة مع الافطار روعة
انقطاع 8 ساعات كثير
خاصة مع البرد

Abu Sultan1111, توبليرون, الايمان و 3 آخرون معجبون بهذا.

Abu Sultan1111 · 27-12-2021, 06:17 PM

اقتباس : المشاركة الأصلية كتبت بواسطة آخـــرفـــرصـــة

افاااا طلعوا الانقليز صادقين
وحنا العربوش ما نسمع الكلام

منظر البحيرة مع الافطار روعة
انقطاع 8 ساعات كثير
خاصة مع البرد

مضبوط طلع كلامهم صح ...ممكن ايمان كانت تتوقع أن العاصفة تكون أول النهار.
العاصفة اللي تقطع الكهرباء هذا أقل ما توصف به "عاااااصفه"

توبليرون, آخـــرفـــرصـــة, الايمان و 2 آخرون معجبون بهذا.

توبليرون · 27-12-2021, 08:50 PM

يا سلام على الريوق والبحيرة والجو البارد ودفا الكوتات

خوش صور للبحيرة وهدؤها
امبلسايد حلوة وهالمطعم الصغيرون اللي على الجسر ماجربتيه امون ؟

الجوو خيال ومن يصدق بتصير عاصفة
ههههه
نفس الحاله صارت معانا بتركيا كان الجو مشمس وحلوو وصارت بثواني هواء ورياح شديدة ومطر قوي

الحمدلله انكم رجعتو الفندق مو بالعاصفة

الشموع اجواء رومنسية هههههه
بس الله يعينكم بهالبرد لا دفايه ولا ماي حار
مستمتعين بالصور والسوالف الحلوة
ننتظر شنو بيصير

Abu Sultan1111, آخـــرفـــرصـــة, الايمان و 5 آخرون معجبون بهذا.

الايمان · 28-12-2021, 09:27 AM

اقتباس : المشاركة الأصلية كتبت بواسطة آخـــرفـــرصـــة

يا سلام على البداية الجميلة
مشتاقين لتقارير بريطانيا
اختيار منطقة هامر سميث موفق والفندق روعة
في لندن المهم يكون قريب منك المترو
دقايق وأنت في شارع اكسفورد

الله على ذكريات وندرمير
الجلسة في كوستا والمطاعم اللي قدامه
من أجمل القرى لازالت تفاصيلها على بالي
روعة اختيار الفندق والفطور عليكم بالعافية
روعة رحلة القوارب والبط في البحيرة
هل لازال في رحلات يومية على البحيرة ؟
لأن باقي شهر ويغطي الثلج كل المنطقة

تقرير يرد الروح
متابعين معاك ايمان

سكنت في هامر سميث لمدة سنة وايد حبيتها والفندق يبعد عدة امتار عن الاندرغراوند يعني خلال ربع ساعه انت في الاكسفورد
رحنا قرى وايد لكن مثل ويندرمير ماشفت ولاحبيت
القوارب موجوده والرحلات موجوده لكن السياح قليلين جدا
ما ادري بسبب الكورونا والا بسبب البرد

آخـــرفـــرصـــة, Abu Sultan1111, سارة محمد و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عدنا بعد غياب	أميرة الورد	أخبار واعلانات الأعضاء	18	28-11-2016 09:17 AM
عدنا بعد غياب.....	Lover121	أخبار واعلانات الأعضاء	14	30-04-2016 06:20 PM
لقاء الاصحاب فوق السحاب	نانا ابو عابد	بوابة الاردن	45	11-04-2016 11:25 AM
لقاء السفيرات (2) في 360	الايمان	بوابة الكويت	66	09-11-2015 12:10 PM
أحلى تحية ...عاد بعد غياب خمس سنوات .	أحلى تحية	بوابة مصر	7	29-03-2015 05:10 AM