رفض للفيزا بعد القبول !!

Faisal973 · 14-01-2022, 12:46 AM

السلام عليكم ورحمة الله وبركاته

يا جماعة الخير انا مقدم ع فيزة دراسة F1 لغة انجليزية وسويت مقابلة في القنصليه في الظهران قبل 3 شهور وتم الموافقه وقتها وقالتلي الموظفه راح نرسلك ايميل فيه شوية معلومات اضافيه نحتاجها ورد علينا بالمطلوب ، قلتلها تمام واخذت مني الجواز + كشف حسابي البنكي وخليتهم معها ومشيت

بعدها ب 3 ايام جاتني رسالة من ارامكس بإستلام الجواز ورحت اخذته ومع الجواز ورقة رفض !!!!!

مباشرة حجزت موعد ثاني بالقنصليه وسويت نفس المعلومات بالطلب ورحت ومن شين حظي جيت ع الشباك الثاني موظفه ثانيه كانت منفسه وقتها بالصباح ورفضتني مباشره من ثاني سؤال ماعطتني اي مجال اتكلم

الكلام هذا قبل شهرين والآن عندي موعد الأسبوع هذا واخاف انرفض وودي ادخل ع نفس الموظفه الأولى واعرف ايش اللي حصل بالظبط
احد عنده خبره بهالأمور ليش ممكن يجيني رفض بعد ماقبلتني ؟
كشف حسابي بإسمي ولكن إسمي لا يطابق الجواز بل يطابق الإقامه (إسم عائلتي في الجواز صحيح ولكن إسم عائلتي في الإقامة إسم جدي) وإسمي في الكشف مطابق للإقامه وهم ما شافوا إقامتي فهل يكون هذا هو السبب ؟؟
ابي نصايحكم والسموحه طولت وانا اكتب لأن الموضوع حيرني

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السفر مع الخادمة بين القبول والرفض	العقرب	البوابة السياحية	14	11-02-2020 02:08 AM
السفر الى تايلاند بين القبول والرفض	أميرة الورد	بوابة تايلند	42	01-05-2019 12:19 PM
كيفية الحصول على القبول للدراسة	النهر الدافئ	بوابة اللغات	2	02-06-2015 07:35 PM