تاريخ الرحلة : 6 ديسمبر الى 17 ديسمبر 2021 - 12 يوم ب 11 ليلة ..

من بعد سنتين محرومه من السفر كانت اخر سفره لي شهر 11/2019 لندن لازم اختار مكان يستاهل الحكره اللي انحكرتها وكانت من نصيب كـولــومبيــا ..



تاريخ 12/5/2021 تم التوجه الى مطار الكويت الدولي استعداد للسفر والاقلاع
الله على الطريج ولهانه عليه واااايد





الى كاونتر الخطوط التركية
عطيتهم كل الاوراق اللي كنت مجهزتهم طلبوهم على الكاونتر للتأكيد..



طبعا قبل ما ادخل قعدنا انا وابوي في الكافيه و والوصايا العشر الله يحفظه لازم يقولها ويكررها لي .. وانا كلي اذان صاغية ..
ودعته ودخلت الى التختيم واللحظات السعيدة بدت ..



قعدت في اللاونج





وحان الموعد الى دخول الطائرة حزتها من كثر ما اني طايره من الوناسه ودي الم الطياره





احلى ممر في الحياة



نوع الطيارة 321 neo

كراسي البزنس من الكويت لي اسطنبول











ااااااخ يا طريج الرحلة طوووووويل



وهذا المنيو



وجنطة التنظيف





وبدينا نتحرك





ترا من الوناسه اني سافرت عقب سنتين مو مصدقه كل شي صورته اذا تبوني اقلل صور قولوا

فيديو الاقلاع من الكويت الساعه 1:30 ص تاريخ 6/12

">" type="application/x-shockwave-flash" wmode="transparent" width="425" height="344">

وصل الريوق







بعد طيران تقريبا 4 ساعات وصلنا الحمدلله مطار اتاتورك التركي
وعندي ترانزيت 3 ساعات على موعد الاقلاع لعالم آخر ..

وهذا مطار اتاتورك





وهذا اللاونج
وايد حلو وما شاء الله بوفيه منوع



مكان تخزين الجناط



ما صورت وايد من البوفيه كان زحمه واطباق فاضيه









وبدت دقات القلب ترف وتطير على موعد الاقلاع



البوابه كانت بعيدة



اهني اخترعت كانو كاتبين على الشاشه ان البوابه رايحه بنما ودور طويل و زحمه على الدخول ..
وقعدت ادور على بوغوتا مالقيتها قلت وي عسى ما طارت عني الطيارة وادور احد من الموظفين مالقيت الا الشرطة واسألهم وقالوا هذي بوابة بوغاتا وعقب تروح بنما قلت الحمدلله ما طارت ..

بس ما شاء الله الطياره فل كلها





من عيوب الطيران التركي الكل يدخل من ممر واحد للطيارة الفيرست والبزنس والايكونومي كلهم مع بعض .. ومن عيوبها بعد الاكل مو لذيذ ..



من مميزاتها الدقة في المواعيد - الطيران الاكثر في تعدد الوجهات المباشرة الى امريكا الجنوبيه كلها - السعر - الانترنت مجاني وقوي ..



المنيو قبل الاقلاع



الله أكبر الله أكبر الله أكبر، 〈سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ وَإِنَّا إِلَى رَبِّنَا لَمُنقَلِبُونَ 〉 ".
اللّهمّ إنّا نسألُكَ في سَفَرِنَا هذَا البِرّ والتّقْوَى، ومِن العَمَلِ مَاتَرْضَى، اللّهمّ هَوِّنْ عَلَيْنَا سَفَرِنَا هذَا وَاطْوِ عَنَّا بُعْدَه، اللَّهُمَّ أَنْتَ الصَّاحِبُ فِي السَّفَرِ، وَالْخَلِيفَةُ فِي الأَهْلِ، اللَّهُمَّ إِنِّي أَعُوذُ بِكَ مِنْ وَعَثَاءِ السَّفَرِ وَكَآبَةِ الْمَنْظَر وَسُوءِ الْمُنْقَلَبِ فِي الْمَالِ وَالأَهْلِ"

مدة الاقلاع من اسطنبول الى بوغاتا العاصمة الكولومبية

13 ساعه و 40 دقيقه مباشر يعني نقول 14 ساعه

فيديو الاقلاع

">" type="application/x-shockwave-flash" wmode="transparent" width="425" height="344">



نوع الطيارة
boeing 787-9 dreamliner

كراسي البزنس ممتازه











وهذا الريوق







شلون تقضون 14 ساعه في الطياره و بكمام
انا قضيتها عقب الريوق فيلم علاء الدين احب افلام ديزني وعقب تقريبا ساعه على النت واسولف مع قروب بيتنا ووين وصلنا بالجو وعقب نمت تقريبا 6 ساعات متواصله حلوين تقريبا 8 ساعات خلصت ..
والباجي كان نوم متقطع وسوالف مع المضيفيين و انترنت ..







و اشوف الزحمه في الجو و واطرشها حق قروب بيتنا لان كل شوي وين وصلتي





فوق المحيط



فيديو

">" type="application/x-shockwave-flash" wmode="transparent" width="425" height="344">



باجي على الهبوط ساااعتين



و الغدا









الدخول على الحدود الفنزويلية





فوق كولوووومبيا

فيديو

">" type="application/x-shockwave-flash" wmode="transparent" width="425" height="344">



فيديو

">" type="application/x-shockwave-flash" wmode="transparent" width="425" height="344">







الحمدلله على السلامه
وطبينا بوغوتا bogota
مطار El Dorado International Airport

اليوم الاول 2021/12/6

فيديو الهبوط

">" type="application/x-shockwave-flash" wmode="transparent" width="425" height="344">