السلام عليكم ورحمة الله وبركاته



اسعد الله اوقاتكم بكل خير 



قبل يومين كتبت موضوع في القسم الالماني



ابغى المانيا وبلجيكا والنمسا

 بس
خوفوني بعض الاعضاء من الوضع في المانيا وقالوا بلجيكا مافيها شي

 ف قررنا نعيد جولتنا السابقه


لـ فرنسا وسويسرا مع اضافة النمسا طبعا نبغى الحدود والارياف

مانبغى مناطق بعيده عن بعض



طبعا نبغى نسكن في مكان واحد في كل دوله يطلعنا على اكثر من مدينه



مثال السفره السابقه في 

فرنسا سكنا في الحدود ديڤون وطلعنا منها على كذا منطقه



وفي سويسرا سكنا في غريندلولد grindelwald وطلعنا منها على كذا منطقه


 نبغى هذي المره نفس الشي بس ودنا نغير المناطق



ونضيف النمسا اول زياره لها ونبغى مناطق حلوه مع الاوتلت ساعدوني طبعا الوالده تبغى ارياف وتبغى فنادق مطله على شلال اذا فيه

تقريبا في كل دوله 7 ايام



والتنقل بيكون سياره




احتاج مساعدتكم لان معي يومين ارتب الجدول عشان ابدا حجوزات

لو سمحتوا 

معرفت وين اكتب الموضوع لكن لان اول وجهه بتكون سويسرا عشان الفيزا فكتبته هنا

عذرا نسيت احدد اننا مانبي طيران نبغى التنقل السيارة احلى وامتع زي سفرتنا الاولى

و عليكم السلام و رحمة الله و بركاته ..
اقترح المسار الأول مع أستبعاد بلجيكا و أضافة أيطاليا بحيث
يصبح ألمانيا - أيطاليا - النمسا و طبعاً مه أمكانية زيارة بعض المناطق الجميلة في المسار لان كان اي تجربة مع العائلة عام 2019
كان وصولنا ميونخ و منها خرجنا إلى فرايبورغ القريبة من مدينة ريست اللى فيها يوربارك و بعدها توجهنا إلى سويسرا و من ثم أيطاليا و زرنا لوغانو القريبة من كومو و منها توجهنا إلى النمسا و كان السكن قريب من زيلامسي كوخ في منطقة أسمها فلهافن
و بعدها رجعنا إلى ميونخ ..
من ناحية الطبيعة من وجهة نظري ان النمسا و سويسرا طبيعتهم متقاربة حتى من حيث الأجواء

مساء الخير
ما قصروا الجميع
سلمي لنا على الوالدة وقولي لها أبو غسان
يقول هذا أفضل مخطط
حطينا لها سويسرا عشان تنبسط


الوصول ميونخ استلام السيارة والقيادة 4 ساعات لـ
كولمار (فرنسا) 3 أيام زيارة يورب بارك المانيا+الغابات السوداء المانيا
لوزيرن (سويسرا) 5 أيام زيارة قمة تتلس الثلجية+وسط المدينة+شلالات زيورخ+انترلاكن ومزاراتها
سيفلد seefeld (النمسا) 3 أيام زيارة البحيرة+انسبروك+الزحليقة
زيلامسي (النمسا) 5 أيام البحيرة+الشلالات+سالزبورج
ميونخ (المانيا) 2 يوم تسوق
ولا تنسونا من الهدايا



ممكن السكن في انترلاكن لكن أفضل لوزيرن اطلالة خيالية على البحيرات
وهي في المنتصف بين انترلاكن + زيورخ
يورب بارك زي ديزني لاند ضخمة ومن هنا ممكن تأخذوا فكرة عنها
https://www.europapark.de/en

رحلة سعيدة

كانت خطتي لالمانيا لكن سمعت من ناس كثير راحو لها هالايام يقولك الوضع متكهرب بس الوضع السياسي الي حاصل الشعب منغلق على روحه واخلاقه تجاريه !!!!