اليوم السابع
الثلاثاء 1 مارس /2022


قعدت الصبح والبنات يدقون علي يمه امشي معانا نتريق بمطعم
قلت لهم لا روحو انتو وهذا تصويرهم
قبل لا يطلعون يتقهوون بالغرفة






وانا على ماقعدت رحت بريت بروحي وطبعا بوحسين قبلنا يطلع ورايح المطعم اللبناني ودانه نوم

وهذا ريوقي




هذا الفرع اللي بالمول اشوه لقيت الكرواسونه جاهزه اليوم
























طبعا البنات اذا بروحهم ياخذونها مشي وعلى غوغل ماب









وهذا مطعمهم متشوقين عليه من فيلم *ايميلي في باريس *





















وهذا ريوقهم














يحبون الفلات وايت نفس اموون







انا دخلت هالمحل اكمل شراء الهدايا






بس شافوني اللي يشتغلون نادو لي وحدة عربيه بدون ما اتكلم يحليلهم بيربحون العربيه مو مثلنا بالمحل عندنا الكل يخمطك من صوب يبي البيع له ههههه


المهم يتني البنت عربيه حبوبه وايد حليوة ومؤدبه تكلمني حسيتها طالبه عندي

ساعدتني باللي ابيه واختيارات حلوه وعطتني هدايا بعد

المحل كله منتجات طبيعية نباتية

























مشترواتي وعطتني الجنطه اللي ورا هناك هدية







رجعت احط اغراضي وانطر ربعي







وهذا الطرد اللي طلبناه اونلاين والحمدلله وصل
تي شيرتات حق يوسف مو موجودة عندنا










رجعوا البنات وعلى الظهر طلعنا حق غاليريا لافاييت

بس طبعا نمر على المول وهذا المكان من اول ما يينا باريس وهم يشتغلون فيه والحين افتحوه

يعني حديقة صغيرونه وفيها اعلانات عروض تزلج وتلفريك





















وهذا اهو المكان صغير











يتبع ...

طلعنا من المول وهذا طريجنا كله محلات وشارع مشاة






رحنا برنتمبس واخذت هالجنطه خفيفة وواسعة حق الطيارة وايد مريحة




بعدها طلعنا ورحنا C&A

اشتريت منهم بيجامات لان ما حصلت اللي ابيه في بريماك وهني خامتهم احلى
وهذه الصورة الوحيدة في المحل انشغلت بالتسوق






وبعدين طلعنا والى غاليريا لافاييت حق الغدا ذكرونا بسيلفريج









في الدور الثاني اعتقد كان









تاخذون اللي تبون وبعدين تروحون الكاشير تدفعون











لما رحت للاطباق الرئيسية شفت وحدة عربية حبوبه سولفنا وضحكنا وبعد ساعدتني لما سالت عن الاطباق ولقيت طبق قلت لها شنو هذا دجاج قالت لا حوته
قلت حوته احسن بعد حط لي حوته مع كريما لذيذة


هذا الكاشير



















وهذه حصيلتي العيش والخضرا صج لذيذه









طلبات البنات




مطلنا













الديكور



في كورنر ماي مجانا
ما صورته







الحمدلله الاكل كان لذيذ وسعره كل وحده دفعت لنفسها انا طلع 17€


ونصور من مطل على البالون

















ورحنا للهبة هذه السنة بلندن وباريس
حتى الملكة اليزابيث صوروها شايلة جيس المحل





















ونصور على ما يخلص الطلب






وطلباتنا














عصيري











وشرينا من المكرون كل وحدة اخذت لها علبة
تختارون اي نوع تبونه كانت العلبه لسبع حبات







طلعنا عقبها رجعنا الفندق نريح ونصلي وبنتي كانت تحاتي جنطتها الديور اللي شرتها من سمارتين على اساس توصل الصبح للفندق بس ما وصلت ...تبي تسأل عنها


يتبع ....

عليكم بالعافيه الريوق الطيب
وبالعافية المشتريات
والحوته اللذيذه
ام حسين اذا ما تعبرين على المشي وايد اجري السكوتر وتمشي مع البنات وايد يفيد ومريح

ذكروني اني وقفت عن الصفحة رقم 4 من التقرير ههههههه عشان ارجع باكر اكمل قراءه

نكمل معاكم ... عقب الغدا رجعنا الفندق
ولازم اريح شوي بعد المشي

والجو خيال مع فتح الدريشة














هالاكل بعد ساعة تقريبا كنت شاريته من الصبح















واتابع المسلسل وكنت اجهز الجناط شوفوهم جاهزين ومخلية وحدة للاخير ما تسكرت




البنات راحوو الشانز علشان نفنوف انكانتو انا موصيتهم ما حصلته بدزني ستور الشانز ولا بيورو دزني بس هالمرة لقوه اشوه وشروه للزين







وبعدين بنتي الجنطة ما وصلت وتدق على المحل قالو لها انهم موصلينها الفندق وكلمهم الريسبشن يقول لهم ما وصلت

طلعت بنتي وراحت الفنادق اللي يمنا واولهم اللي له نفس الاسم

ولقتها هناك عندهم ويابتها موصلينها فندق ثاني








ودانه من عند برنتمبس تبي تشتري جنطة غويارد وقالو لها اللون اللي تبيه في المحل اللي بشارع الماركات وراحت بروحها وحصلتها الحمدلله











وبعد الراحة قلنا نروح الحي اللاتيني مارحنا له هالسفرة


وودنا بفلافل المعز

بوحسين ظل بالفندق يشوف مباراة مانشستر سيتي عن طريق الايباد

وهذه من الطريج






نصور البرج وداعية































ووصلنا الحي اللاتيني ونشغل الخريطة
علشان نعرف الطريج للمطعم





السكوترات وقت الراحة وجهازهم يبين









الشوارع تقريبا خاليه الناس قليل واغلبهم بالكافيهات










وصلنا معز كان بآخر الشارع على
اليسار













لقينا فيه بس عامل واحد واحنا بس اللي موجودين وطلبنا منه وقعد يحضر لنا وطبعا ما ننسى بوحسين طلبنا له معانا سفري

















وايد محلات مسكرة علشان الوقت


















الدفايه علشان البرد





اول الواصلين

وهذه خلطتنا لازم بيديان مع الفلافل














دانه شرت هذا هوت شوكلت







ويتبع ...