و عليكم السلام و رحمة الله و بركاته …
بعطيك وجهة نظري و انت لك الخيار .. بصراحة أشوف أنه في الرحلات القصيرة مثال 7-10 أيام الأفضل تفعيل النت مع المشغل
اللى مأخذ منه شريحتك المحلية
علشان تفك نفسك من تبديل الشرائح أو حمل أكثر من الجهاز مع انه لم يعد هناك حاجة لحمل جهازين جوال في ظل وجود e-sim

بالنسبة للشرائح اللى تشتغل في كل أوروبا يحتاج تتأكد
لأن سويسرا كثير من شركات الأتصالات لا تعمل فيها
عن تجربتي أخذت شريحة في أيطاليا و أحدى الأيام رحت إلى لوغانو السويسرية بالقرب من كومو و لكن الشريحة لم تعمل

بالتوفيق

يعطيك الف عافية

انا اخذت شريحة من هناك وطبعا كلنا نفس الشي نبدل الشريحة بس النت ممتاز عندهم اخذته من محل يبيع تلفونات واكسسوارات الموبايلات

بس الشريحة اهو طلعها لنا من جهاز او مكينه عندهم

تدخل بياناتك وتطلع لك الشريحة

حسافة مو طالع اسم الشركة بس هذا سعرها

يعطيش العافية ام حسين

وعليكم السلام
أنا مع أبومعتز فعل النت في شريحتك المحلية

وريح نفسك من التبديل والانتظار والاهم اشتر راحتك

اشوف الحين ان الافضل تشترك من شريحتك اسهل

انا جوالي موبايلي اشتركت بباقة مفتوحة استقبال وارسال وبيانات لمدة عشر ايام بخمسمية وشهر بستمية وشوي

بس مريح بالي من اول ما انزل المطار وبياناتي شغالة واقدر اتصل واستقبل
واذا رحت لدولة ثانية مشمولة

الاهم تشيك على الدول اللي بتزورها وانها من ضمن القائمة المعتمدة ( والاهم تاكد ان اختيار الشبكة يدوي وسجل شركات الاتصالات المعتمدة من هنا عشان تشبك عليها )