السلام عليكم ورحمة الله وبركاته
كل عام وانتم بخير
احب اشكر جميع المشاركين في قسم جورجيا للامانه استفدة الكثر
اعزائي انا عريس وناوي اسافر لجورجيا مع زوجتي شهر عسل وبعد ما قريت عنها الكثير حطيت جدول وحاب اشاركم الجدول واخذ رائيكم واستفيد من خبراتكم.
السفر راح يكون 11 ليله

الوصول الى تبليسي والجلوس فيها 3 ليالي فندق ويندهام
بعدها برجومي ليلتين فندق كراون بلازا
بعدها 4 ليالي باتومي فندق الردسون
بعدها منتجع بارقراف ليلتين
وبعدها المطار الى ارض الوطن من باتومي
رايكم بالجدول ؟ وهل تنصحون استاجر سيارة وانا رايح الى برجومي ثم الى باتومي ولا افضل مع سواق ؟
وياليت تنصحون بفعاليات بكل المدن

وهل المده كافيه ولا ازيد؟

طيب كيف الخط من تبليسي الى باتومي هل هو زين ولا وعر ؟ انا متعود اسوق بامريكا ولكن سمعت ان السياقه وعره وانا رجال شهر عسل وابي السلامه 😂

اهلا بك

مبروك مقدماً الزواج
ونسأل الله لك التوفيق

الجدول بشكل عام جيد
عندي بعض مقترحات بسيطة

خذ ليلة من ليالي تبليسي
خلها في منتجع لابوتا .. مناسب للعرسان

خصص ليلة أو ليلتين لجبال القوقاز
ممكن تاخذها ليلة من برجومي وباتومي

داخل المدن ما تحتاج سيارة وسواق
يكفيك تطبيق بولت والمشاوير رخيصة جداً
ما بين المدن والقوقاز لازم سيارة خاصة
عاد حسب رغبتك إما سواق وتريح راسك
أو تسوق بنفسك إذا مستعد للتجربة

وفيه رحلات للقوقاز مع قروبات
ميزتها تكون مع الناس محفول مكفول
وعيبها تحتاج نشاط .. ياخذونك من الصباح لليل

بالتوفيق

[FONT="Book Antiqua"][COLOR="Black"][SIZE="5"]

اقتباس :  المشاركة الأصلية كتبت بواسطة faieng طيب كيف الخط من تبليسي الى باتومي هل هو زين ولا وعر ؟ انا متعود اسوق بامريكا ولكن سمعت ان السياقه وعره وانا رجال شهر عسل وابي السلامه 😂

الله يعطيكم الف عافيه ماقصرتوا

طيب كيف الاجواء من تاريخ 6/19/2022 الى 1/7/2022

اهلا بك

بتكون آخر الربيع
فالجو لطيف ومناسب
وبالمرتفعات خذ معك جاكيت

بالتوفيق