السلام عليكم ورحمة الله ..
نصحية للي حاب يحجز فندق حبيت اني اشاركم فيها خاصتا للي يحجز دايما من بويكنغ.
١- اول طريقه انك تدخل على الموقع الرسمي للفندق وتشوف الأسعار وتقارنها مع بوكينغ .
٢-تشوف الفندق تابع لأي سلسله وتسوي لك عضويه مجانية في نفس السلسله زي IHG او Accor لأن عادتا يسوون عروض خاصه للي عندهم عضويات اقلها تكسب نقاط او افطار مجاني او خصم للغرفة الثانيه بلأخير عندهم عروض خاصه مش موجوده في بوكينغ بوكينغ فقط يجمع اسعار الفنادق ويخليها في موقعهم.
٣- معلومه : لمى تسوي عضويه تقدر تاخذ خصم افضل من اللي يوفره الفندق نفسه لأن الشركه الأم تنزل العرض والفندق فكرته يرفع أسعار الغرف ف يعطي بوكينغ سعر عالي اما عن طريق الشركه الأم العروض الصح.
٤- تقدر بعد ما تعرف السعر ترسل ايميل ل قسم الحجوزات بنفس الفندق تستفسر انك حاب تحجز في الفتره الفلانيه لكن شفت سعر بوكينغ عالي (مع ان انت ناوي تحجزه ) ف هل يوجد سعر افضل شامل الإفطار ( عادتا يكون في عرض داخل الفندق يعطونه ل زباينهم او للي يسأل عن عرض) ف ما تضر المحاوله وهذا يعتمد على مزاج موظف الحجوزات ممكن يومه تمام ف يضبطك بأفضل عرض او يومه سيء ويقولك مافي عروض ف المحاوله ما تضر حتى ان قالك لا ارسل مره ثانيه وقولهم قبل ما احجز من بويكينغ هل في عرض عن طريقكم .
٥- استفيدوا من برنامج العضويات المجانية واقرأو عنها لأنها تعطيك ترقيات مجانية وأسعار خاصه ومميزات.
٦- من واقع عملي في الفنادق لاحظت ان موقع Agooda اغلب الأحيان اسعاره تمام واللي فهمته ان الموقع يسوي عروض يخسر فيها لكن حق يكسب سمعه ف شيك موقعهم يمكن تكسب سعر ممتاز بفرصة عرض .
٧- اخر معلومه بعد ما توصلوا بالسلامه للفندق ان الغرفه مو جاهزه في وقت السماح للدخول عادتا يكون من ٣ ف إن تأخروا عليك أكثر من ٢٠ دقيقه تقدر تطلب تعويض بوقت الخروج وتكسب وقت إضافي( السؤال بلطافه ) لأن ممكن يعوضك ب نفس وقت التأخير وهذا الصح او يعطيك أقصى شي ممكن على طريقة سؤالك للتعويض.
اتمنى لكم يوم سعيد