السلام عليكم ورحمة الله وبركاته

يالربع أبي أجابات من أهل الخبرة واللي عندهم خلفية عن الموضوع وعمالقة هالمنتدى المبارك

لا تبخلون علينا ولكم دعوة في ظهر الغيب

الشنجن راح أطلها من المركز الموحد في الرياض ( ألمانيا )

الاستفسارات /

1- الابلكيشن تعبأ يدوي بعد طباعتها أو أون لاين .. واذا كانت أون لاين كيف طريقة تعبأتها ؟؟ وهل أعبيها وطبعها وآخذها ولا تنحفظ بالسستم عندهم بدون ما أطبعها ؟ ( سالفة الاون لاين كلها علشان تكون الاستمارة مطبوعة بالكمبيوتر ولا لازم اسوي لها حفظ .. ياليت شرح لهالنقطة )

2- بالنسبة للتأمين الصحي .. مريت امس على التعاونية وقلت للموظف أنا وزوجتي مسافرين وأبيها مضافة معاي بالتأمين .. قال لي : هل هي مضافة معاك في التأشيرة ولا لا ؟ جاوبته إني لا أعلم هل تضاف معاي أو يستخرج لها تأشيرة مستقلة .. جاوبني أذا مضافة معاك بالتأشيرة نعمل تأمين ونضيفها معاك واذا مو مضافة نعمل لها تأمين مستقل ( التأمين كل شخض 140ريال ) .. هل تضاف معاي أو تكون تأشيرتها مستقلة ؟؟

3- الحجز عن طريق موقع بوكنق علشان نطبع الحجوزات ونقدمها للمركز الموحد ..
انا عندي بطاقة (مداد) من بنك البلاد .. وهي بطاقة مسبقة الدفع .. يعني تحول لها المبلغ المطلوب ويخصم .. الاسم محفور على البطاقة.
هل استطيع الحجز بها عن طريق بوكنق .. واذا كنت استطيع نفترض عند الحجز (الحجز إلغاء مجاني ) في فندق طلب للغرفة 500 ريال ! هل لابد قبل الحجز احول ال500 ريال للبطاقة ولا أحجز بدون مااحول لو كان البطاقة مافيها شي؟

ولدي استفسارات أخرى سأضعها بعد إجاباتكم الكريمه ....