تفاصيل رحلتي العائلة الى جورجيا مايو 2022 - الصفحة 2

ِAhmed · 23-05-2022, 12:35 PM

اقتباس : المشاركة الأصلية كتبت بواسطة نـــواف

اهلا بك

ما قصروا إدارة الفندق
الحقيقة كانت نفوسهم طيبة
وأتذكر نزلت بفندق نفس الفكرة
يعزموني على الفطور وحجزي بدون

إطلالة متاتسمندا هي الأجمل
والمطعم للأسف ما جربته كان مزحوم
وأتفق معك في القطار للصعود أو النزول يكفي

نعم نعم الأسعار تتزايد
ابشرك المنطاد صار 55 لاري
وهذا سبب حرصي على هذه الدولة
ودي آخذ حظي منها قبل تطير الأسعار فيها

شارع العرب .. جملتك حكيمة
اختصرت وصف الشارع بجملة رائعة
فعلاً .. هو أسوأ مكان بتبليسي لازم تزوره

موضوع الأطفال مزعج فعلاً
سبق كتبت عنه في تقرير قبل سنتين
عنوانه ( مشياً بالقدمين هكذا تزور دولتين )

متابعين ومنتظرين

جدا راقين في التعامل بجيك بمواقف جميلة في السكن لان في باقي ايامي سكنت مع عوايل
اتعب اتعب وانا اقول عنهم شعب راقي وكريم ومضياف ..

صحيح اسعار الاماكن السياحية متغيره وتزيد انا كنت ماخذ تسعيرة لبعض الاماكن في كوتايسي
من الشباب اللي راحو قبلنا تفاجئت انها تضاعفت تقريبا وراح اعرج عليها ..

آخـــرفـــرصـــة, توبليرون و عبدالرحمن الصلال معجبون بهذا.

ِAhmed · 23-05-2022, 12:21 PM

اليوم الرابع 4 مايو
الانطلاق الى جبال القوقاز

تجربة جدا جدا جدا جميلة على الرغم من انها مو كاملة جايكم بالتفاصيل ..
طبعا انا من قبل ماروح وكنت حاسم موضوع اني لازم استأجر سيارة في التنقلات
بين المدن ومتعود في سفرات سابقة لي على هالشي ..
بس كنت محتار في منين استأجر اروح مكاتبهم واستأجر او من مواقع او من وين
وحصلت كم خيار هنا ذاكرينه الشباب وشبه اتفقت مع واحد بس بعدين انتبهت ان
موديل السيارة قديم وكنسلت ..
جربت موقع ثاني وشفته غالي وغير كذا مافي تأمين على السيارة ..
اخر شي قلت رح هناك وربك يحلها ان شاء الله ..
وفعلا في اول يوم وصلت فيه بديت في اوقات الفراغ ابحث وطحت على شركة
التواصل معها اسهل من السهل وعن طريق الوتس ومرونة جدا في التعامل ..
فكرتها انها شركة وسيطة فقط . ماتملك السيارة لكن وسيطة بينك وبين اشخاص
عندهم سياراتهم الخاصه ويأجرونها عليك ولهم نسبة ..
تواصلت معهم واتفقت معهم على سيارة كيا 2018 ..

سعرها 450 دولار ل 9 أيام يعني بالسعودي تقريبا ( 1690 ) في اليوم 190 ريال تقريبا
وبعد الاتفاق معهم يعطون رقمك صاحب السيارة يتواصل معك ويوصلك السيارة الى مكانك مجانا
بس لو التسليم في المطار ياخذ عليك 20 دولار ..
جاني الرجال في نفس الوقت المتفق عليه وطلعت وانا ماخذ معي كم كيس تمر اوزعهم هديه ..
عطيته التمر الرجال انبسط وصار صديقي قالي اي شي تبيه بس اتصل وخصم لي في السعر شي بسيط
بس يكفي انه خصم
وقالي المرة الجاية كلمني مباشره لاتتواصل مع الشركه واضبطك ..
طبعا بحط لكم رابط الشركه ورقم الرجال عندي بس اعتقد شروط المنتدى تمنع وضع الارقام ..

https://tbilisiautorent.com/

التعامل سهله يعطيك رقمه ويقولك لو صار معك اي شي لاقدر الله بس اتصل علي في اي وقت
وانا اتصرف وقالي شيك على السيارة بنفسك واذا تبي صورها افضل علشانك ..

واستلمت السيارة وعملنا شيك اوت للفندق وعبيت السيارة فل ب 180 ريال تقريبا وانطلقنا في رحلة جميلة بين الطبيعه الخلابة ..

البنزين برميوم سعر اللتر عندهم 4 لاري تقريبا لكن بنزين حقيقي مو زي حقنا يطير بسرعة الصاروخ

بدينا الرحلة توقفنا عن بحيرة جيفالي وفي حولها اكشاك تبيع هدايا تذكارية وملابس البرد ..
وكوفي وفاكهه ..
وفي جنب البحيرة قلعة انانوري لها قصة مؤثرة لمحبين التاريخ بحثو عنها وداخل القلعه في كنيسة للزيارة للي يحب ..
تجولنا وطبعا كل شي مجانا عدا مشترياتك ..

بعدها بدأت تبين اثار الثلج فوق الجبال ونقرب

بعدها بتدخل قوادوري قرية صغيره فيها فنادق ومحلات وكمل خط سيرك راح تمر على مطل كازبحي
مطل بشكل مرتب وفيه نواقذ واقواس ورسومات ترمز للتاريخ وصادفنا ذاك الوقت معاريس هناك جاين
يصوررون ..
وفيها تأجير دبابات وخيول وفي برضو براشوت بس ذاك الوقت من سوء حظنا كان مطر بس شفت المحترفين
لكن مافي تأجير ..
وبرضو بتحصل ناس تبيع ذره بطاطس مشروبات ساخنه ..

كمل خط سيرك وطبعا هو مسار واحد مايضيع ابد باتجاه روسيا راح توصل الى منطقة بيدرا شكلها غريب سبحان الله الصخور الجيرية مع الثلوح تعطيك شكل جميل جدا ..

الطريق سهل جدا وماتحتاج سيارة دفاع رباعي وتعقيدات تقدر توصله بسلاسة..
خطتي كانت اني انام يوم هناك وكنت مجهز اسم كذا فندق بس لسوء الحظ ان الفترة اللي رحتها
هي نهاية موسم الشتاء عندهم وكل شي مقفل حتى محطة الصعود للجبال بالتلفريد مقفله والالعاب
الثلجية مقفله , وسألت قالو الحين مثل الاجازه عندهم يرجعون نص شهر 6 تقريبا يبدأون موسم الصيف

هنا مكان التلفريك اللي يصعودون للحبل للتزلج .وكان مسكر وحوله المحلات مسكره

وهنا الفنادق وكلها مسكره كنها مهجورة ..

لكن الحمدلله استمتعنا في الاجواء ولعبنا مع العيال بالثلج اول تجربة لهم في الثلج ..
فقررت اتجه الى كوتايسي وانام هناك ..

في الطريق توقفنا في المطعم اسمه MLETA RESTRANT مطعم عنده اكل حلال وسعره معقول
خلصنا جولتنا تقريبا الساعة 8 وانطلقت الى مدينة كوتايسي اللي تبعد تقريبا 4 ساعات ..

وصلت هناك وقت متأخر تقريبا 12 الليل ماانصحكم بالتنقلات في الليل ابد في النهار افضل بكثير ..

حجزت ليلتين سكن مع عائلة بتكلم عنهم لاحقا اتعب وانا اقول عنهم ذوق وحنونين كنك ساكن مع امك وابوك ..

بن قوت, Abu Muataz, الايمان و 5 آخرون معجبون بهذا.

سهم الشمال · 08-07-2022, 01:43 AM

ماشاء الله
تقرير رائه

توبليرون و عبدالرحمن الصلال معجبون بهذا.

بن قوت · 23-05-2022, 12:40 PM

روعة جدا سردك للرحلة

والتخطيط الجيد بل الممتاز
احيك على بعض التنازلات خاصة في الاسعار من اجل عدم تعكير جو الرحلة

ياليت بصور على هذا التقرير الممتاز ليزيد جمالا
متابعين معاك

آخـــرفـــرصـــة, توبليرون و عبدالرحمن الصلال معجبون بهذا.

ِAhmed · 23-05-2022, 12:46 PM

اقتباس : المشاركة الأصلية كتبت بواسطة بن قوت

روعة جدا سردك للرحلة

والتخطيط الجيد بل الممتاز
احيك على بعض التنازلات خاصة في الاسعار من اجل عدم تعكير جو الرحلة

ياليت بصور على هذا التقرير الممتاز ليزيد جمالا
متابعين معاك

حبيبي شهادة اعتز فيها واستقدت كثير من الاخوان هنا اللي سبقوني وحبيت افيد ردا للجميل ..
حاولت انزل الصورة بس المشكلة المنتدى مافيه رابط تحميل مباشر للصور لازم احمل الصور في موقع
ثاني بعدين انزلهم هنا وكسلت قلت المهم الفايدة ..
لكن ابشر بحاول انزل صور تامر ..

بن قوت, الايمان, آخـــرفـــرصـــة و 2 آخرون معجبون بهذا.

بن قوت · 23-05-2022, 12:53 PM

فيه أيقونة في اعلي الصفحة
مركز التحميل
اظغط عليها وسجل بسمك
وحمل ماتريد ة
وانسخ الرابط
مكتوب عليه المنتدي
والصقة مع تقريرك

تم الإرسال من SM-N960F باستخدام Tapatalk

الايمان, آخـــرفـــرصـــة, توبليرون و 1 آخرون معجبون بهذا.

ِAhmed · 23-05-2022, 02:08 PM

اقتباس : المشاركة الأصلية كتبت بواسطة بن قوت

فيه أيقونة في اعلي الصفحة
مركز التحميل
اظغط عليها وسجل بسمك
وحمل ماتريد ة
وانسخ الرابط
مكتوب عليه المنتدي
والصقة مع تقريرك

تم الإرسال من SM-N960F باستخدام Tapatalk

حلو حصلتها بس دخلت كاتبين ان التحميل حااليا موقف ان شاء الله بكرا تضبط الامور واصير ابد اضيف لكم صور
واحمل بعد فيديوهات واضيفها لكم بشرو ..

بن قوت, آخـــرفـــرصـــة, توبليرون و 1 آخرون معجبون بهذا.

الايمان · 23-05-2022, 01:00 PM

قرار سليم ان السيارة كانت تنطركم بالمطار وصولكم بالليل مجازفه تركبون مع اي تاكسي

مشكلة سالفه الاطفال الحمدلله لما رحت ماصار معاي هالموقف
اخوي سردك للتقرير ممتاز لكن ياريت تزودنا ببعض الصور

آخـــرفـــرصـــة, توبليرون و عبدالرحمن الصلال معجبون بهذا.

ِAhmed · 23-05-2022, 02:10 PM

اقتباس : المشاركة الأصلية كتبت بواسطة الايمان

قرار سليم ان السيارة كانت تنطركم بالمطار وصولكم بالليل مجازفه تركبون مع اي تاكسي

مشكلة سالفه الاطفال الحمدلله لما رحت ماصار معاي هالموقف
اخوي سردك للتقرير ممتاز لكن ياريت تزودنا ببعض الصور

صحيح الوقت متأخر وتو واصل اول يوم بعد رحلة طويلة نوعا ما اشتر راحتك ..
مشكلة الاطفال اعتقد بعد بيان السفارة السعودية في جورجيا بدأت السلطات الجورجية
تاخذ اجرائاتها حفاظا على السياحه لاني لاحظت انتشار كبير للشرطه في باتومي وتبسليسي ..
ان شاء الله باقي الايام بالصور والفيديو ..

بن قوت, آخـــرفـــرصـــة, توبليرون و 1 آخرون معجبون بهذا.

Abu Muataz · 23-05-2022, 01:05 PM

ما شاء الله تبارك الرحمن
تقرير جداً جميل و أسلوب جداً ممتع في السرد أخوي ِAhmed
الأسلوب في التقرير أتصف بالبساطة و سهولة توصيل الحدث بالوصف الشيق

مستمتعين و نتابع مع الأحداث الشيقة في رحلة جورجيا

آخـــرفـــرصـــة, توبليرون و عبدالرحمن الصلال معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار:رحلتي الأولى إلى تركيا نهاية مايو 2022	One Dream	بوابة تركيا	8	10-11-2022 02:56 AM
عيد الفطر 2022 14 يوم مع العائلة	Eng.Fahd	بوابة ماليزيا	24	07-09-2022 12:15 AM
مسافر الى جورجيا - فبراير 2022	Bohasan	بوابة جورجيا و اذربيجان	4	26-01-2022 12:02 PM
ترجمة بطاقة العائلة من طلبات التأشيرة الفرنسية 31 مايو	ياويلي	فيزا	5	20-08-2016 01:57 PM