(6)
انطباعنا عن الكويت

رغم أننا نزور الكويت لأول مرة
ألا أني حسيت بأني امشي في شوارع سبق لي زيارتها
أتجول في المباركية وكأنه مدوّن في ذكرياتي
لم أشعر بالغربة

أعجبني الجو العام في الأفنيوز
زوار المول ملتزمين بالذوق العام
الكل يبدي احترامه للآخرين بطريقته
المطاعم والكافيهات راقية
اعتبره أحد معالم الكويت الحبيبة
تحتاج أكثر من يوم عشان تتعرف عليه

الجلسات في المقاهي الشعبية جميلة
والكل يتحدث معك
شريط الذكريات يلف برأسي وأنا اتحدث معهم
تظل الكويت جزء من مرحلة شبابي

رحلتنا كانت سريعة وهدفها
القاء نظرة فـ كلمة وسلام
بداية تعارف
اكتشفت أني تجاوزت مرحلة التعارف بسرعة
وقعدت أخطط للرحلة القادمة

بسكن في هلتون قاردن ان
والعب دور الغزلنجي في الافنيوز
ثم دور الشرطي وش اسمك وين تشتغل !!

دور الارستقراطي الذي يحتسي كوباً من القهوة
ويقرأ كتاباً يناسبني

شخصية "عبسي" بصوت عبدالرحمن العقل
مميزة والاسم واحد


انتبهت وأخوي يطلب بطاقتي
عشان نختم خروج من المنفذ

خرجنا من الكويت
وأحمل لها حباً لم أصرّح به
لعلني اعترف لها في الرحلة القادمة


معالم الكويت واجبة الزيارة
المباركية
الأفنيوز
أبراج الكويت
فريج صويلح


فنادق أرشحها لك خلال زيارتك

ان كنت تحب تسكن قرب المباركية

فندق بانوراما

https://bit.ly/3wEaPxR

هذا الفندق يفتح على مول الافنيوز
وهو خياري بالزيارة القادمة
هلتون قاردن ان

https://bit.ly/3PULzu0




رحلات سعيدة للجميع

هههههههه اهم شي طلبتوا البلاليط
اكثر شي ياكلونها وقت الريوق
عليكم بالعافيه فريج صويلح
الفندق عرفته واخيرا واشوه انهم عدلوه كان مهمل قبل

الحمدلله على هذا الانطباع الطيب عن وطن النهار
ترا احنا شعب بسرعه ياخذ ويعطي مع الناس وخصوصا اذا كنتوا اخوانا واهلنا من الخليج ..
اختيارك للسكن موقعه ممتاز و اختيار هيلتون بعد بيكون ممتاز وتوهم افتحوا فندق والدورف في الافنيوز و جراند حياة في 360

"اكتشفت أني تجاوزت مرحلة التعارف بسرعة
وقعدت أخطط للرحلة القادمة"

حياك الله بس قول لنا مبجر عشان نضبطك بجدول واختار موسم حلو

ما شاء الله يا أبو غسان ..تقرير رائع فيه كمية تحميس و تشويق و تشجيع
لزيارة الكويت بشكل و لا أروع .. تقرير فخم 5 نجوم
نقلت .. فتميزت
وصفت .. فأبدعت

استمتعنا معاك بالتقرير الكويتي يا ابو غسان
زيارة قصيره لكن رحتوا أهم المناطق
فريج صويلح لا يعلى عليه اكل لذيذ ونظيف
والاهم انك ذقت البلاليط هذا الريوق الرسمي للكويتيين
شكرا على التقرير الرائع
وننتظر زيارتك القادمة ان شاءالله

حلو التمشي بالمباركية
بالنسبة لمطعم الشمم لو تروح بالشارع نفسه اللي فيه فريج صويلح بالسيارة راح تلاقي مطعم الشمم الفرع الاكبر فيهم فيه جلسات بصالة داخليه كبيره وواسعه مكيفة افضل من اللي بممرات المباركيه

مكانه بالسوق مقابل فريج صويلح مايضيع ابداا

البلاليط هي شعيريه تختلف عن المعكرونة هههه من منتجات المطاحن الكويتية

الاهم زيارتك القادمة بتكون ان شاءالله بالشتاء او الربيع بيكون الجو خيالي للجلسات الخارجيه والتمشي بالمباركيه

نرحب فيكم والكويت ديرتكم تنورونا فيها

اول شيء لاوصلت الكويت بطلبه البلاليط هذي هههههه

ان شاء الله اذا زرت انا الكويت بفصفصها لكم بتقرير
مفصل جدا جدا جدا

ابو غسان تقريريك فيه الكثير من الفائده وردود الاخوان
استفدنا منها ، شكرا لك من القلب شكرا للجميع من القلب

ما شاء الله تقرير جميل
والأحلى تعليقاتك في اليوتيوب

اختيار السكن موفق جداً
سواء من حيث المستوى أو الإطلالة

الافينيوز واضح ضخامة المكان
ومقارناتك مع مولات جدة صادمة جداً
مقارنتك وعدد الفروع للبراندات تؤكد صخامته

دوماً تقاريرك لطيفة ومريحة للمتابعة
فأنتَ تُجَمّل التغطية بسلاسة وهدوء أسلوبك

ما شاء الله اسلوب حلو وشوقتنا اكثر لزيارة الكويت الحبيبه و المول الجديد
و المباركيه و المقاهي و الكل ياخذ ويعطي معاك بلا تكلفه ذكرتني بشعب البحرين اذا وقت بطابور او زي زحمه يسالف معاك كأنه اخوك بلا اي تكلفه ودخل بموضوع
كلنا شعب واحد و الله يديم المحبه
بالنسبة الى البلاليط ايش كنت تظنها ههههه
احنا لما نروح السعوديه خاصة الجنوب تطلع لنا اسامي غريبه في المطاعم ونحس نفسنا ضايعين
مثلوثه ومهروسه وقرصان