تائه بين المباركية والافنيوز 2022 - الصفحة 7

ماجد القطري · 21-09-2022, 08:54 AM

لي ذكريات ومواقف تضحك طلعت يوم الجمعه اشتري اغرض واغلب الاماكن مسكره من الصبح
الا جايلي واحد من بعيد
بسم الله ايش تبي
سلام عليكم تعرف وين خياط فاتح ابي استيك حق سروال امي مطرشتي من الصبح
لا ماعرف انا بنفسي ضيف وادور بس سوبر ماركت
قال عاد هذي حاله مقعدتني من الصبح ادور لها استيك حق سروالها يوم الجمعه اجازة
وانا منصدم من الموقف اتلفت يمين ويسار اقول يمكن الكاميرا الخفيه او شي ويشوف ردت الفعل عندي وكل ما اتذكر هذا الموقف اضحك من التسعينات

آخـــرفـــرصـــةمعجبون بهذا.

آخـــرفـــرصـــة · 21-09-2022, 06:49 PM

اقتباس : المشاركة الأصلية كتبت بواسطة q8ya metnaqla

الحمدلله على هذا الانطباع الطيب عن وطن النهار
ترا احنا شعب بسرعه ياخذ ويعطي مع الناس وخصوصا اذا كنتوا اخوانا واهلنا من الخليج ..
اختيارك للسكن موقعه ممتاز و اختيار هيلتون بعد بيكون ممتاز وتوهم افتحوا فندق والدورف في الافنيوز و جراند حياة في 360

"اكتشفت أني تجاوزت مرحلة التعارف بسرعة
وقعدت أخطط للرحلة القادمة"

حياك الله بس قول لنا مبجر عشان نضبطك بجدول واختار موسم حلو

كنت ناوي زيارة سريعة
ما تحتاج تخطيط
منشن على المباركية + الافنيوز
ما تقصرون دايم ولا نستغني عنكم
شكراً أبرار

آخـــرفـــرصـــة · 21-09-2022, 06:51 PM

اقتباس : المشاركة الأصلية كتبت بواسطة Abu Muataz

ما شاء الله يا أبو غسان ..تقرير رائع فيه كمية تحميس و تشويق و تشجيع
لزيارة الكويت بشكل و لا أروع .. تقرير فخم 5 نجوم
نقلت .. فتميزت
وصفت .. فأبدعت

تستاهل بلدنا الكويت الزيارة
بس في فصل الشتاء
تسلم أبو معتز

آخـــرفـــرصـــة · 21-09-2022, 06:52 PM

اقتباس : المشاركة الأصلية كتبت بواسطة الايمان

استمتعنا معاك بالتقرير الكويتي يا ابو غسان
زيارة قصيره لكن رحتوا أهم المناطق
فريج صويلح لا يعلى عليه اكل لذيذ ونظيف
والاهم انك ذقت البلاليط هذا الريوق الرسمي للكويتيين
شكرا على التقرير الرائع
وننتظر زيارتك القادمة ان شاءالله

من ولهي على البلاليط طالبها بالليل
حلا بعد المكبوس
عشان ما تصير بخاطري

تسلمين ايمان

آخـــرفـــرصـــة · 21-09-2022, 06:57 PM

اقتباس : المشاركة الأصلية كتبت بواسطة توبليرون

حلو التمشي بالمباركية
بالنسبة لمطعم الشمم لو تروح بالشارع نفسه اللي فيه فريج صويلح بالسيارة راح تلاقي مطعم الشمم الفرع الاكبر فيهم فيه جلسات بصالة داخليه كبيره وواسعه مكيفة افضل من اللي بممرات المباركيه

مكانه بالسوق مقابل فريج صويلح مايضيع ابداا

البلاليط هي شعيريه تختلف عن المعكرونة هههه من منتجات المطاحن الكويتية

الاهم زيارتك القادمة بتكون ان شاءالله بالشتاء او الربيع بيكون الجو خيالي للجلسات الخارجيه والتمشي بالمباركيه

نرحب فيكم والكويت ديرتكم تنورونا فيها

ما عرفتها الا بعد ما طلبتها
شعيرية حلوة وفوقها بيض
تنفع للفطور وأنا طالبها عشاء

فيه مطاعم كثير حول فريج صويلح
واضح أنها قديمة جداً وكبيرة
بس تحتاج وقت أطول عشان تزورها كلها

ان شاء الله نرجع لها بالشتاء
الوقت يكون أبرد والجلسات الخارجية مفتوحة

الله يسعدك أم حسين
ما تقصرون دايم

آخـــرفـــرصـــة · 21-09-2022, 07:00 PM

اقتباس : المشاركة الأصلية كتبت بواسطة عبدالرحمن الصلال

اول شيء لاوصلت الكويت بطلبه البلاليط هذي هههههه

ان شاء الله اذا زرت انا الكويت بفصفصها لكم بتقرير
مفصل جدا جدا جدا

ابو غسان تقريريك فيه الكثير من الفائده وردود الاخوان
استفدنا منها ، شكرا لك من القلب شكرا للجميع من القلب

ننتظر زيارتك للكويت وتقييمك للبلاليط العجيبة
بس لا تورط مثلي اطلبها فطور

كل مرة أشوفهم بالمسلسلات يأكلون بلاليط
قلت خلني أسوي مثهم

آخـــرفـــرصـــة · 21-09-2022, 07:02 PM

اقتباس : المشاركة الأصلية كتبت بواسطة بن قوت

السفرات القصيرة
بعض المرات تختصر لك اشياء كثيرة
ضيق الوقت يجعلك تزور اماكن كثيرة وتكتشف بالصدفة اماكن كثيرة
الكويت احسن وقت لها الشتاء
ممتاز جدا
انا زرتها في عز الصيف
وزرتها في الشتاء
وكانت رحلات متناقضة جدا
الكويت في الشتاء روعة جدا حتى الناس متواجدين بكثرة
عكس الصيف
شكرا ابو معتز على التقرير

الله يسعدك أبو نواف
أشوف الصيف مناسب للتسوق
أصحاب المحلات ما أحد عندهم
تشتري بالسعر اللي يناسبك

لكن الكويت بالشتاء غير
وان شاء الله ازورهم واستمتع بالجلسات الخارجية

آخـــرفـــرصـــة · 21-09-2022, 07:06 PM

اقتباس : المشاركة الأصلية كتبت بواسطة نـــواف

ما شاء الله تقرير جميل
والأحلى تعليقاتك في اليوتيوب

اختيار السكن موفق جداً
سواء من حيث المستوى أو الإطلالة

الافينيوز واضح ضخامة المكان
ومقارناتك مع مولات جدة صادمة جداً
مقارنتك وعدد الفروع للبراندات تؤكد صخامته

دوماً تقاريرك لطيفة ومريحة للمتابعة
فأنتَ تُجَمّل التغطية بسلاسة وهدوء أسلوبك

الله يسعدك يا غالي
الافنيوز معلم هام من معالم الكويت
ما كنت أتوقعه بهذا الحجم وبهذا الجمال
مزار يومي لي في الزيارة القادمة
فيه كل ما تحتاج
الوحيد اللي ممكن تقارنه فيه هو جدة بارك
بعد اكتمال محلاته لأنه 4 أدوار وبراندات متنوعة

آخـــرفـــرصـــة · 21-09-2022, 07:13 PM

اقتباس : المشاركة الأصلية كتبت بواسطة ماجد القطري

ما شاء الله اسلوب حلو وشوقتنا اكثر لزيارة الكويت الحبيبه و المول الجديد
و المباركيه و المقاهي و الكل ياخذ ويعطي معاك بلا تكلفه ذكرتني بشعب البحرين اذا وقت بطابور او زي زحمه يسالف معاك كأنه اخوك بلا اي تكلفه ودخل بموضوع
كلنا شعب واحد و الله يديم المحبه
بالنسبة الى البلاليط ايش كنت تظنها ههههه
احنا لما نروح السعوديه خاصة الجنوب تطلع لنا اسامي غريبه في المطاعم ونحس نفسنا ضايعين
مثلوثه ومهروسه وقرصان

الله يسعدك أبو عبدالله
تعجبني جلسات المقاهي في المباركية وسوالفها
المباركية بشكل عام تدخل القلب بسرعة
ولو كنت اتمنى ينقلوا سوق السمك لمكان أبعد

نشوف البلاليط بالمسلسلات توقعتها طبخة
مثل المكرونة باللحم ولا الدجاج
يوم جت و ذقتها انصدمت أنها حلوة

حتى في جدة عندنا المعصوب والقلابة والمنتو واليغمش
أسماء الأكلات أحيان تلخبطك
كان ودي اطلب مطبق زبيدي لأن في بالي
أنه زي المطبق في جدة (فطيرة لحم)
طلع يقولون سمك
قلت خلها للرحلة الجاية

آخـــرفـــرصـــة · 21-09-2022, 07:14 PM

اقتباس : المشاركة الأصلية كتبت بواسطة ماجد القطري

لي ذكريات ومواقف تضحك طلعت يوم الجمعه اشتري اغرض واغلب الاماكن مسكره من الصبح
الا جايلي واحد من بعيد
بسم الله ايش تبي
سلام عليكم تعرف وين خياط فاتح ابي استيك حق سروال امي مطرشتي من الصبح
لا ماعرف انا بنفسي ضيف وادور بس سوبر ماركت
قال عاد هذي حاله مقعدتني من الصبح ادور لها استيك حق سروالها يوم الجمعه اجازة
وانا منصدم من الموقف اتلفت يمين ويسار اقول يمكن الكاميرا الخفيه او شي ويشوف ردت الفعل عندي وكل ما اتذكر هذا الموقف اضحك من التسعينات

أمه مطرشته من الصبح عشان استيك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطعم (دلق سهيل) سوق المباركية	Bu Rashid	بوابة الكويت	33	20-01-2018 06:40 PM
اخوكم ...... تائه	MOHAAMAD	ماليزيا	24	29-06-2016 08:58 PM
المباركية واجواءها الساحرة الجميلة في كويتنا الغالية	قصة حب	بوابة الكويت	25	25-02-2016 12:31 AM