المشرفين والأعضاء والزوار المحترمين .

السلام عليكم ورحمة الله وبركاته

بإذن الله وحوله وقوته . سيتم السفر إلى تايلند . والخطة مابين
بانكوك - بوكيت - كرابي - بوكيت - بانكوك .

من 26 يوليو إلى 16 أغسطس . 23 يوم بما فيها يومي السفر ذهاب وعودة .

الجديد في الموضوع إني قررت أغامر . واستأجرت سيارة . بعد تردد وتفكير وتمحيص ....الخ .

قلت خليني أجرب . كدا كدا الواحد لازم يجرب شي جديد . وخاصة إنه الطارة يمين .
لكن استئجار السيارة ماحيكون في بانكوك إنما خلال فترة اقامتي في بوكيت وكرابي .

لأنه بانكوك زحمة . فما اعتقد إني حستفيد من السيارة كتير .

حقيقة عدة اسباب خلتني أميل لموضوع السيارة . منها إنك تاخد راحتك في سيارتك . ومنت ملزم بالمناحلة مع التكاسي أو التوك توك . والشيء الآخر كثير من المنتجعات بعيدة شوية عن اماكن الفعاليات . وبالتالي ممكن تجد صعوبة في وجود المواصلات مباشرة .
سبب آخر إنه الواحد يستكشف بوكيت وكرابي بدون قيود ....... الخ
والأهم من كدا مافي الا أنا والمدام .

ما أبغى أطول عليكم . لأني ناوي بإذن الله تعالى بعد العودة بحفظ الله ورعايته أعمل لكم تقرير . ودا أقل واجب أقدمه لهذا المنتدى الرائع والناس الطيبين أمثالكم .

ليا سابق تجربة راااااائعة مع شركة رنت كونكت في موضوع النت بلا حدود في تركيا . وعلى اساس حجربه هالمرة في تايلند وأشوف مدى فعاليته هناك . يارب يكون ممتاز ولاسيما في التنقل راح أعتمد عليه بعد الله عز وجل .

لا والله طولت عليكم هههههه .

خلاص أتوب .

لاتنسوني من دعواتكم ربي يحفظكم ويسعدكم .

ميسرة بإذن الله . وشكرا استاذنا الحنيفي على تجاوبك وحرصك على الفائدة للكل . ربي يوفقك .

شكلي حسوق هناك آخر الليل والشوارع فاضية ههههه.

ههههههه
بالتوفيج ان شاء الله و رحلة سعيدة
سؤال ليش ما ضفت شانغ ماي مرتفعه وبارده و كوسموي بحرية وحلوه ؟؟