السلام عليكم
باذن الله ناوي اسافر امريكا لمدة شهر واحد من ٥ سيبتمبر.
الميزانية: 40,000 ريال
العدد: شخص واحد
طريق الرحلة: الهبوط في واشنطن DC والتجول حول شيكاغو ونيويورك والشرق الامريكي.


بحثي المتواضع اظهر لي:
استئجار سيارة شهر: 10 الاف ريال ( SUV مع تأمين شامل)
تذكرة طيران: 5500 ريال
الفنادق Airbnb

هل ترون هذي الاسعار مقبولة؟

و عليكم السلام و رحمة الله و بركاته …

اختيار موفق زيارة أمريكا .. و بالنسبة للأسعار في الحقيقة
أصبحت مرتفعة أكثر من السابق أي قبل كورونا ..
زرت أمريكا في الصيف الماضي 2021 و لاحظت الأرتفاع بالأسعار

و لكن صعب نحدد لك كم التكلفة لأن مثال أيجار السيارة يعتمد
على الشركة اللى بتأجر منها و على فئة السيارة ولو انا رحلتي
مثلك لوحدي ما راح أستئجر إلا بعد ما أوصل يعني فيه عروض
هناك أفضل بكثير و تقدر تلاقيها في موقع Priceline فيه
عروض على أسعار أيجار السيارات و الفنادق أيضاً

و أما تذكرة الطيران ايضاً تعتمد على شركة الطيران و مكان او دولة المغادرة و هل الرحلة مباشرة ..
أذكر قبل كم يوم أعلنت الخطوط السعودية تخفيض 40٪ على رحلات وجهات أوروبا و أمريكا الشمالية

أما اختيار لموقع Airbnb للسكن ممتاز بس أشوف بتلاقي فنادق
أنسب و أسهل منه لأن الموقع أنسب للمجموعات كونه يقدم خيارات
سكن شقق أو فلل و بتكون أوفر و أرخص من الفنادق اذا كان الاحتياج عدة غرف و لا يعني هذا انه غير مناسب للأفراد

بالتوفيق

تــــــــــأكد من انو التأمين شامل ، يعتبر 88 دولار يومياً مع التأمين سعر ممتاز .

والله شف ياغالي تاكد ان اللي ردوا عليك هم اصحاب خبرات ومو اي خبره وانا كمثال على كثر روحاتي استشيرهم ولهم الفضل بعد الله ، والان احدثك من امريكا لكن بضيف شي غريب يمكن الاخوه ماتطرقوا له وهو ما انصحك بصراحه تروح لحالك ولمدة شهر الا اذا فيه احد رايح له او بيقابلك فهذا شي ثاني مع اني تطفلت عليك بهذه النقطه لكن والله من تجاربه رحت لها لحالي ومع شباب ومع عائله وثانياً والاهم نقطه مهمه تطرق لها الغالي ابومعتز وهي الاجار من ايربي ان بي ما له داعي اذا لحالي ياخي اخذ فندق ان بغيت غالي وان بغيت رخيص على الاقل فيه استقبال وفيه رايح وفيه جاي وفيه نادي ولوبي والاهم امن وامان وتنظيف يومي واعتذر منك على التطفل مره اخرى اما بالنسبه للمبلغ ف40 الف تخصم منها 15 سياره وتذكره يبقي 25 وخذ منها تقريباً 12 الف فنادق معدل كل يوم 400 ريال تقريباً(110$) فيبقى 13 الف ايضاً مايعادل مصروف يومي 120$ دولار اتوقع معقوله وحليله بس بحدود