رحلتي اسوء رحله واسوء ديره ممكن تروح له بحياتك

A77 · 19-08-2022, 01:32 PM

أختلف مع ناس كثير في مدح جورجيا قبل لا اروحها من كثر السلبيات الي فيها وطبيعي كل دول العالم لازم تجد سلبية واحدة على الأقل لكن بتجربتي أنا قد أختلف أولا بخصوص السائقين دائما أحب أستاجر سياره وأريح مخي من غثى المواصلات الا اذا الدولة الي بروح لها ماينفع تسوق فيها او مايناسب السواقه فيها أعتمد على المواصلات العامة أو على الأقل تطبيقات التوصيل أوبر وغيرها
الي شاهدت السواقين بالمطار يوقف عند خشمك عشان تروح معه وبعضهم يتكلم عربي يعني صايدك واقولهم شكراً مستأجر سياره وبرضو ناشب وبعضهم شوف عيني بمطاعم جالس معهم على نفس الطاولة تنزل في مكان ماشي معك خصوصا اذا شخص عائلة حسيت بالمضايقه وانا مالي دخل يوم اشوفهم وبعضهم ماخذين سواقين بسيارات متهالكة لا أفضل سواقين أبدااا تعاملهم سيئ من الي اشوفه من حولي بالمطاعم او في الاماكن السياحية اذا نزلهم وجاء معهم
وبخصوص جورجيا تجربتي
السيارات
انا خذيت جيب مازدا CX5/ موديل 2021 من شركة يورب كارب بنزين طبعاً لأن سعر الليتر نفس الي عندنا مافيه فرق مع تأمين شامل ب 700 يورو مايعادل 2640 تقريبا باليوم 240 ريال لمدة 11 يوم فيه نقطة أحب انوه عليها تاكد من الرخصه يكون فيها تاريخ اصدار عشان ماتواجه مثل مشكلتي السلبية الي واجهتها شوارعهم اغلبها تضيع فيها وبعض الأماكن تقعد تحوس لين تلقى موقف سيارة

المطاعم
ماواجهت اي مشكلة فضلت تكون مطاعم تركية وايرانيه وهندية وجيت مطعم واحد ايطالي وكان اغلب المنيو حلال ابتعدت عن المطاعم الجورجية ، وفضلت التركيه والهنديه تضمن انها حلال برضو حتى الايراني وادخل اقرا في تعليقات قوقل عن المطعم بتستفيد كثير وانا جيتها صدفه طلعتها من قوقل ماب

الفنادق
حجزت في فنادق معروفه عالميا وكلها ممتازه راديسون بلو ، هيلتون ، شيراتون ، هوليدي ان ، كروان بلازا برجومي المشكله الي واجهتها اغلبها مافيها شطاف اما بالخدمات ممتازين جدا بخدمة الغرف والتنظيف والأكل وحمل الأمتعة واجهت موقف جميل في فندق رايدسون بلو طلبت من خدمة الغرف كلوب ساندويش قالي الموظف مب حلال فيه بيكون وبخليه لك بدون بيكون عشان يصير حلال 😂🤣 رغم اني مادققت اخر شيء اضيفه عن الفنادق صحيح اسعارهم نفس اسعارنا في السعودية بالفنادق بس اشتري راحة بالي ولا اتمرمط بعضهم يكون عندهم اسعار تنافسيه عروض

IbrahimKSA, alradadi, بن قوت و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
القاهرة من سوء الى اسوأ	عبدالرحمن العيسى	بوابة مصر	57	17-04-2022 02:19 PM
ممكن تساعدوني برسم خطة رحلتي	pinkpanther	بوابة ايطاليا	2	08-11-2019 09:21 AM
بعد تفكير و حيره و عناء ، اول مره ماليزيا	3bdallah	بوابة ماليزيا	5	05-12-2018 11:30 AM
بعده حيره .. قررت شهر العسل بماليزيا .. مساعدتكم يا أهل الخبرة	فهد بن عبدالله	ماليزيا	15	28-10-2015 10:28 PM
دبي انا اسئل وانت تجيب	ابو عبدالله	بوابة الامارات	20	10-01-2015 01:21 PM