ج12

في تركيا : اسعار البقاله والخضار
والفاكهه وهل تلبي احتياجات
السائح العربي ؟

هذا السؤال اجابته عندي ان شاء الله

***

صراحه اختلاف كبير جداً في الاسعار
ماعطوني مجال اقارن فيهم الضاهر كل محل يحط
اسعار على كيفه اضن مافيه ضبط للاسعار عندهم
شريت عصسر ليمون وبرتقال اختلف سعره بمكان
ثاني وشرينا فاكهه واختلف سعرها بمكان ثاني
مع ان المحلات مواقعها شبيهه ببعضها يعني مااقول
انه مكان بمول او مكان يعني يعتبر غالي بحكم المعرفه انه
مكان غالي هالمحلات كلها داخل الاحياء

الفاكهه فيها غلاء محسوس شوي
بالنسبه للاسعار ولنا كسياح كأني اتسوق في بنده في السعوديه
بحكم انها افضل الاسعار عندنا ..


وفي مثل هالمحلات اللي نسميه سوبر ماركة احيانا ماهو سوبر
وبس الا يجيك سوبر وخاص بالخضار والفاكهه و لامجال
للمقارنه بينه وبينه سعر كشك عادي اكيد فيه فرق بالاسعار

-----

حسبه تقديريه بالريال السعودي ..
حسب تسوقنا واحتياج عائلة مكونه من 4 أشخاص
وحسب مارأينا من اسعار مسجله على الرفوف ..

( الخضار والفاكهه والبقول )
الاسعار بالكيلو من 3 ريال الى 12 ريال

( الزيوت المهدرجه والحيوانيه )
حسب اسعارها على الرفوف تترواح من
5 ريال الى 54 ريال

( الحليب ومشتقاته )
من 4 ريال الى 18 ريال

( اغراض البقالة - اساسيات الطبخ )
حسب المسجل على الرفوف
من 6 ريال الى 32 ريال

( اغراض البقالة - عام )
من نصف ريال الى 12 ريال

-----

أما من ناحية انها تلبي كامل الاحتياجات فهي تلبيها ماعدا
اللي يحبون ان يطبخون طعامهم جميع الايام بأنفسهم فيه اماكن
خاصه تبيع الحاجه على ذوق السائح العربي عشان يسوي
طبخته على كيفه سواء كبسه او مرق او ايدامات ... الخ

من اشهر البقالات اللي تلبي حاجة السائح العربي والخليجي بالخصوص

سلطان ماركة ، موقعها قوقل ماب
https://goo.gl/maps/HpUjb5kGGPgzXu7t6

-----

اما من ناحية سفرة القهوه والشاهي مايحتاج لها
اقرب سوبر ماركة تخلص امورك منها

يتبع ...

ج13

كيف هي الاسواق العاديه والمولات

من واقع تجربه ..

أولاً : طربزون / ميدان
-----

موقعه قوقل ماب
https://maps.app.goo.gl/cqauehj56BxPojhq7?g_st=ic

-----

صراحة طربزون ميدان فيه الكثير الكثير يبغاله اقل شيء
يومين عشان تعطيه حقه من الاكتشاف

صور من طرابزون ميدان

طبعاً التسوق على الاقدام فرفره على رجلك هههه
فيه اكثر من مواقف داخلي للي معه سياره واللي جاي
تكسي ماعليه ينزل بس ، صراحة الاجواء تعطيك انك
تمشي على رجلك ...

الزحمه فيه زحمه وياكثر اللي يمشون على رجلينهم ويتسوقون

حسبه سريعه للإسعار وهذا سعر للقطعة الواحده
الاسعار تبدا من 30 ليره = 6 ريال سعودي واعلى سعر
واجهته 1050 ليره = 215 ريال كمشتريات للعائله

تقييمي للأسعار 5 من 5 في طرابزون ميدان

هل يوجد ماركات أصلية في طرابزون ميدان ؟
نعم ، ولاكنها قليلة ، الكثير تقليد ولاكن جودته عالية جداً
والكثير براندات خاصة للي يحبون البراند الخاص
اللي هي ماركه مسويها شخص محلي وغير معروفه عالمياً

***

كيف المطاعم والمقاهي في طرابزون ميدان وكيف
الاسعار فيها ؟

ياكثر المطاعم والمقاهي ومحلات العصائر لحد يفوتها ابد .



والاسعار لاتهمكم ابد ... ولاتنسون تجربون الشاورما
في طرابزون ميدان

لماذا طرابزون ميدان ؟
انتبهو معي هذاك المكان فيه الكثير خصوصا الهدايا
التذكاريه يختصر عليك المشاوير للمحلات الثانية
يختصر عليك الوقت والجهد كل شيء موجود سواء
ملابس سواء كماليات سواء حلويات سواء مطاعم
وخدمات كل شيء موجود وتذكر انك تحتاج يومين عشان
تكتشف صح .

خذيت منهم الكثير من الهدايا التذكاريه
هذي بعض منها ..

ذكريات تعلقها بسيارتك تحطها في المكتب صراحه انا من
الناس اللي ياخذ ابسط الاشياء ذكريات له ولا يفرط فيها
ابد ابد ابد

*********************************

ثانياً : مول فوروم طرابزون - Forum Trabzon
Alışveriş Merkezi

-----

موقعه قوقل ماب
https://goo.gl/maps/HvG77parvH4J8A2c6

-----

مواقف بسيطه سفليه اصغر من مواقف مول البرج
الطائف للي سبق وزار مول البرج الطائف واصغر منه شوي



مواقف مجانية ايضاً على البوابه حراسه تفتيشيه ..

صور من المول .

*

*

*

*


حسبه تقديريه للأسعار من واقع تجربه
تسوّق للعائله ، الحسبة لقطعه واحد من الكثير من القطع
وربما هناك قطع سعرها اكثر من مااكتشفته انا
تبدا الاسعار من 60 ليره = 12 ونص ريال سعودي
( إكسسوار كمثال )
وسقف السعر الاعلى الذي وجدته 2600 ليره = 530 ريال
سعودي ( شنطه ماركه كمثال )

اخرج من الحسبة هذه بعض الشركات مثال شركة ايفون
شركة سامسونج الاسعار مماثله للاسعار في السعودية والخليج
اضن مافيه فرق يذكر

تقييمي للاسعار 3 من 5

انصحكم بالتسوق في مثل طرابزون ميدان ..

يتبع ...