ياربي لك الحمد ع كل شي والامور ضبطت معنا
رغم تعدد الخيرات لكن كان البقاء ف المطار متعه
المشكله مو في المقاعد راح نتحملها لكن الخلق محد يتحملهم اذا كان ماعندهم ذوق ولا احترام للغير ولكن كان درس لن يعاد ..

الترانزيت وايد طويل
بس ميخالف يعدي الوقت بالتمشي والصلاة والاكل يروح الوقت
مدة الرحلة الطويله تضيق خلقي احس جسمي بعد سبع ساعات بينفجر سبحان الله مادري شنو هالشعور
ولازم الواحد يحرك اريوله ماشي او وهو قاعد يسوي تمرين للقدم

الكراسي المشكلة الازليه
يعني الدرجات الاولى والبزنس اسعارهم خياليه اذا باخذ للعايله كلها تخلص فلوس الوناسه
فلازم ناخذ سياحية
قبل ايام السمنه ههههه احس اللي يسدح الكرسي قاعد بحضني وايد يضايق
الحين الحمدلله وايد احسن بس هم يضايق
اخر سفرة كانت جدامي بنت سدحت الكرسي والا ترجعه عادي بسرعه
وقالت لي اسفه اخاف اضايقج
قلت لها لا مافي ضيقة خليه وقعدت تحلفني اني اذا تضايقت ابلغها
قلت لها خليه عادي بس وقت الاكل علشان الطاوله وبس
وبس اقعدوا عيالها عدلت كرسيها
في ناس تحترم وفي ناس ما عندها اسلوب احترام

طولت عليكم السالفه
اما سالفة الاكل يخلص !!!

المهم مستمتعين بالتقرير تابع يابو معتز