السلام عليكم و رحمة الله و بركاته

انا و زوجي قررنا نسافر مع بعض لاول مره بعد كورونا ، و صراحة محتارين بين تايلند و تركيا ، بس الامور اللي مخليتني اتجنب تايلند هي انها ما تلبي رغباتي صراحة انا انسانه احب الحياة و الزحمة و السهر ( يعني اخرج في الليل عشان لا احد يفهم غلط 😜😂 ) و في نفس الوقت احب البحر و اجواء البحر و التشميس و كذا ، حسيت تايلند من بعد مغيب الشمس خلاص تنتهي الحياة خصوصا في الجزر بس في بانكوك يقولو في حياة ليلية بس مو امان و حسيت انو ممكن تكون غير امنه في الليل و الاماكن فيها مو نظيفة و ماهي فخمه ( صححولي لو انا غلطانه ) انا انسانه ابدا مااحب الطبيعه و خضار و جبال مو شي يستهويني ، ففكرت في تركيا بس في نفس الوقت مابغا اروح بس اسطنبول ، و طربزون و ازنجول و ذي الاشياء مو جوي صراحة ، انا جوي اسطنبول و بودرم و انطاليا بس للاسف يقولو بودرم خلص موسمها صحيح هالكلام ؟؟ الله يسعدكم ابغا اراءكم و مساعدتكم و لو رشحتولي تركيا هل اقدر اروح بودروم كم يوم بعدين اسطنبول ؟ و يلوا كمان قالولي حلوة و زي مدينة صغيرة مره محتارة صراحة 😭 المدة ما بين 7 الى 10 ايام لان خلااااص احس مره احتاج سفره اعمل فيها ريفرش لمخي و نفسيتي و حياتي و كل شي 😅🥲 و بس والله اسفه طولت عليكم ☺

اذا تبين بحر
مالكم الا تايلند
تركيا بودروم وانطاليا بيكونون باردين ما تستانسين في البحر والجو

اعتقد انتي تبين البحر والاجواء
اعتقد تايلند اهي مناسبه لج السهر والتمشي بالليل عادي عندهم اسواق ليليه والمطاعم مفتوحة

اما تركيا بدا الجو يبرد والسهر بالشتاء المحلات والمطاعم تسكر هذا رأيي واكيد الخبراء يعرفون اكثر

طيب انا هذا اللي ابغاه ، ابغا تشميس و اعمل تان و بحر

اش هيا دنزلي ؟ يعني مدينة حلوة و اش فيها !!

فعلا تايلند في الليل ماتصلح ابد
عكس تركيا في اماكن كثيره في اسطنبول وغيرها حيويه جدا في الليل
مافي شي اسمه خلص موسمها كل وقت له مكان في تركيا مثلا بورصة بالطبيعه و الثلوج من شهر 11 الى شهر 3 و4 كذلك صبنجه
بدروم جميله في هذا الوقت على ما اعتقد ومتابعتي ولم ازرها في الاصل