سفرتي انا وصاحبي لبلاد الاندومي 2017 وسالفة الشايب اللي بالمطار 😂

nsd · 25-09-2022, 03:31 PM

اقتباس : المشاركة الأصلية كتبت بواسطة السفر هوايتي ❤❤

السلام عليكم ورحمة الله وبركاته بالبداية نشكر القائمين على هذا المنتدى الرائع واتشرف بوجودي بهذا الصرح الشامخ

قررنا انا وخويي السفر لاندونيسيا ترتيب سريع اول سفره لنا طلعنا من القصيم للرياض وصلنا مطار الملك خالد الساعه 3 العصر ورحلتنا الساعه 6 المغرب من البدايه حماس 😂 تقهوينا سلمكم الله وقرب الاقلاع مادرينا الا هذا ولد مع شايب قال الله يسعدكم هذا ابوي وصلوه لمقعده وتنتهي مهمتكم قلنا اوك جديدين على السفر ومفهين المهم نزلنا الشايب لمقعده ومعاه حقيبه وقلت ياعمي مافي مكان للحقيبه فوق مقعدك كلمت المضيف جاء وقال مافيه مكان الا خلف الشايب يضع حقيبته المهم قلت ياعم تراها فوق بعد مقعدك قال زين خلاص انتهت مهمتك قلت تمام ورجعت انا وخويي لمقاعدنا ورا وسوالف ولاجانا نوم الين وصلنا ونزلنا بنختم جوازاتنا الا الشايب منطلق بالمطار يقول هذا هو الحرامي يقصدني انا صراحه خفت لما الامن التف حولي قلت وش هالمصيبه ذي والحمدلله اننا على الخطوط السعوديه رحت للملاح قلت ابيك تساعدني قال براسل طاقم الطياره وعسى ماتحركو او عساهم يحصلونها قلت يارب وانتظر على اعصابي ارسله قال موجوده قسم بالله يافرحت فرحه كأني اخذ كأس العالم 😅ورحنا نختم جوازنا وطلعنا ولحقنا الشايب قال سامحني وانا والله مقهوررررر منه بس شسوي قلبي طيب سامحته بس قلت له كلمه قلت والله ماعاد اساعد احد بالمطار لو ايش ودخلنا جاكرتا وع طول ع الجبل وانبسطنا مع اني كل مااتذكر هالموقف اقول انا غبي بس يلا على نياتكم ترزقون وبعد الجبل 5 ايام رحنا لبالي وانبسطنا 5 ايام ورجعنا جاكرتا يومين وكانت اجمل سفره لي بحياتي ماتنسى ❤❤واسف ع الاطاله ياحبايبي

وعليكم السلام ورحمة الله وبركاته ...

الله ذكرتني بزيارتي مع صديقي لبلاد العمة في اغسطس 2018 بعدك يعني هههه

وكانت من اجمل السفرات والذكريات خصوصا جزيرة بالي

يؤسفنا ما حصل لك من الشايب الله يهديه يخرب على غيره ويخلي الشخص يفكر اكثر من مرة لفعل الخير . لكن ان شاء الله هذا الموقف ما يأثر عليك مستقبلا واحتسب الاجر دائما لفعل الخير .

كان ودنا يكون تقريرك مفصل شامل صور واحداث مفصلة للفنادق والاماكن الي زرتها ... الرحلة قديمة شوي من 2017 اذا ما زلت تملك صور لها وذكريات ياليت تحدث الموضوع وتزيده جمال بالتفاصيل

السفر هوايتي ❤❤ و آخـــرفـــرصـــة معجبون بهذا.

السفر هوايتي ❤❤ · 25-09-2022, 04:06 PM

اقتباس : المشاركة الأصلية كتبت بواسطة nsd

وعليكم السلام ورحمة الله وبركاته ...

الله ذكرتني بزيارتي مع صديقي لبلاد العمة في اغسطس 2018 بعدك يعني هههه

وكانت من اجمل السفرات والذكريات خصوصا جزيرة بالي

يؤسفنا ما حصل لك من الشايب الله يهديه يخرب على غيره ويخلي الشخص يفكر اكثر من مرة لفعل الخير . لكن ان شاء الله هذا الموقف ما يأثر عليك مستقبلا واحتسب الاجر دائما لفعل الخير .

كان ودنا يكون تقريرك مفصل شامل صور واحداث مفصلة للفنادق والاماكن الي زرتها ... الرحلة قديمة شوي من 2017 اذا ما زلت تملك صور لها وذكريات ياليت تحدث الموضوع وتزيده جمال بالتفاصيل

انت الجمال يابعد راسي يشرفني ردك وتواجدك انا والله جديد ع المنتدى تنقصني بعض الخبره بس ابشر بكلم صاحبي 😂وبذكره الموقف وباخذ للصور منه وانزلها 👌🏻

nsd و آخـــرفـــرصـــة معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دول بدون فيزا او فيزتها بالمطار	لمياء عمر	البوابة السياحية	11	01-09-2019 04:43 PM
مخطط رحلتي 😁😂	R8182009	بوابة ماليزيا	1	11-10-2018 12:55 PM
املج و أم الملك في رحلة قصيرة فبراير 2017	آخـــرفـــرصـــة	بوابة السعودية	74	27-06-2018 02:09 AM
تخطيط رجلتي الى بلاد الاندومي	Abu Rawan	بوابة اندونيسيا	23	16-06-2015 07:00 PM