السلام عليكم ورحمة الله وبركاته

اسعد الله مسائكم بالخير يامنتدى الجميع 🌸

رحلتي لماليزيا كانت ب اواخر 2016 قررت يوم من الايام
بعد الاختبارات اكافئ نفسي بالمعدل الطيب اللي تحصلت عليه
الحمدلله ف قلت يالذيب على ماليزيا شفت لي كذا عرض عنها
وجازلي عرض صراحه انصدمت منه ب 3200 ريال السكن 4 نجوم
توكلت على الله واخترت العرض وكان قلبي يقرصني انه لايكون عرض
وهمي سائق وفنادق فقط التذاكر حجزتها انا بنفسي السفر طبعا لمدة 7 ايام
الرياض الى كوالا خط سير الرحله التذكره ب 2300 نزلت بكوالا وقابلت
السائق محترم جدا استقبلني وع طول وداني مطعم عربي رهيب تغدينا
وبعدها ع الفندق ريحت ومن بكره رحت حديقة الطيور تعتبر اكبر
موطن للطيور بالعالم واليوم الثالث حجزت الى جزيرة لنكاوي
وقت الوصول 6 المغرب بس صراحه انصدمت الساعه 8 بالليل
كل شي يكون بسبات عميق توقعت فيها صخب مع انها جميله
وفيها 99 جزيره متنوعه لكن هذا الشي اللي مااعجبني فيها
اليوم الرابع طلعت لشلالات الابار السبعه منظر بديع وفريد
اليوم الخامس جربت التلفريك مع اني فيني فوبيا من الاماكن المرتفعه
واليوم السادس توجهت للمطار ورجعت على كوالا الساعه 5 العصر
توجهت للفندق وريحت فيه ومن الصباح الباكر التوجه للمطار للعوده
الى احضان الوطن العظيم وبكذا انتهت حكايتي مع ماليزيا

اتمنى اني وفقت بالنقل واسف ع الاطاله 🌷