اليوم الرابع
الأثنين 15 / 8 /2022




اليوم الرابع قعدنا مبجر انا وغنومه وفرفر
بعد نومة مو شي حر بالليل والمروحة ماتسوي شي
الحمدلله على نعمة الكويت والخليج وين ما نروح مكيفات تهف وتبرد علينا

المهم قالو البنات نخلي زيونه مع دانه دام انها نايمه
واحنا بنروح نتريق

وتجهزنا وطلعنا والصبح الجو بعد الحر شوفو







الحمدلله حسينا بالبراد شويه


اخذنا الباص
نزلنا بهالشارع كله ماركات

بافليون رود





وهالاهداء لمحبة لندن الغاليه أمون





ومشينا شوي لفينا على اليمين ودخلنا يسار منطقة مطاعم جديده اعتقد مكان حلو وهادي وبدون سيارات
وهالمجسم عجبني








من الجهة الثانيه






الصورة طبيعيه هني شوفو الجو





ومحلات اللي بالشارع












واجواء المنطقة او الساحة





















ووصلنا مطعمنا





قبل جم سنة ماكلين في فرع ثاني لنفس المطعم موجود بتقريري

وقفنا في طابور اللي جدامنا دخلوا داخل لان عددهم كبير ومافي بره لهم واحنا وراهم بسرعه اخذنا طاوله بره
المنيو اغلبهم طبعا بالكود وطلبنا

ووصلت طلباتنا


كباتشينو لي




فلات وايت حق البنات















وهذه اطباقنا كلنا نفس الشي وبان كيك ومشروم










ا الحمدلله كان الأكل ممتاز والجو روعه


وهذا طلب حسين شافو سناب البنات ويوو عقب ما احنا مشينا
















زيونة ودانه طبعا اشبعو نوم وتالي رايحين كافيه مترقين متآخر











بعد ما خلصنا احنا رحنا لشارع بافليون من الطرق الجانبيه قريب
هذا الشارع اصور على ما يتأكدون من غوغل





وهذا مقابل المطعم










ومشينا وصلنا وهذه حديقة وراها على نفس الشارع ايرمز رايحين له مشي










شحلوو الورد والحديقة صغيرونة
















مادري شنو هالمبنى










للحين نمشي عند الحديقة








مقابلنا ايرمز




احنا الحين الساعه 10 الا ربع
ما دخلنا لان للحين ماصارت الساعه 12 واللي داخل ماخذين موعد بس اهم اللي يدخلونهم والساعه 12 يدخلون البقية


والشارع والبوتيكات اللي وراه





ورحنا مقابله حق لورا بيانا
صور



























وبعدها طلعنا ومقابلنا شانيل ويمنا برادا













ومشينا للتقاطع ودخلنا يسار ونمشي رايحين وين ؟

بس اهم شي شوفو الحي الهادي


























ويتبع ....

يلا نكمل اليوم الرابع ..



وصلنا مقصدنا ودخلنا الباب الخلفي ....
اييي صح ما قلت لكم وين رحنا ... شوفو الصورة بتعرفون


هذا الباب اللي دخلنا منه










اكييد هارودز





















ورحنا من جهة المكتبه تحت تطلع على الحمامات تكرمون
وماركات مثل الفي وايرمز وشانيل

واول شي نشوف المكتبه عندهم سوالف حلوة














البطاقات تهبل شرينا منهم






اصدارات خاصة



















هذيل عن الماركات فيه قصصهم وصور منتجاتهم











بوتيك الفي










المجسم كبير










عاجبتني هالجنطه بس ابي الكبيرة
ناديت واحد وطلع لي الكبيرة وقلت له بجم عطاني سعر خيالي
وقعدنا نسولف معاه وهو يقول لي حلوة قلت له اي والله حلوة
وكل شوي يقول حلوة حلوة
الظاهر ما يعرف الا هالكلمة من العرب


المهم قلت له افكر وقال لي اسمه وشكله مميز ياباني وشعره اشقر


غنومة عجبتها جنطة وخذتها منه





وسألته عن الجواتي تكرمون وقال لي فوق بالدور الخامس

والى ... ايرمز وقالو بعد لازم موعد
وعطتهم بنتي اسمها ورقمها

قلنا نتمشى هني على ما يدقون عليها


هذا بوتيغا مجابل ايرمز عجبني الكرسي






ورحنا فوق

قسم الأحذية جميع البوتيكات









اكسسوارت البيت والشموع














مالقيت اللي ابيه هني وأملي عند ايرمز تحت
عاجبني كعب وكل ما اسأل عنه بالكويت وبالاون لاين واللي يسوقون من بره ما حصلته

قلنا نقعد بالكافيه ونريح على ما يدقون على بنتي








انا جبدي كله حارة طلبت عصير برتقال








يتبع ...

عليكم بالعافيه الريوق
بافيليون حلو ومحلاته حلوه
من السكيك دريت انكم رايحين هارودز

منورة الزين بعد النوم
روعة بافيليون والأكل لذيذ بالعافية عليكم
أتوقع سألتيه عن الجواتي تصريفة تبون تنفكون منه لأنه نشبة

يا سلام على هارودز ممكن أقضي يوم كامل فيه بدون ملل
حتى المنطقة اللي حوله روعة
كنت أجلس بكافيه كونسيرتو مقابله

عجبني بافليون روود ولا مره شفته

والمطعم الهندي بكوفنت قاردن حلو بعد وطريقة التقديم بالصينية تعجبني

متابعه التمشيات الحلوه

شوقتينا

ام حسين وصلتي الحي الصيني ليش مارحتي لمحل الايس كريم الصيني وايد حلو

هذه الغواري ممتازة وتحفظ الحرارة الله يرحم والدتج ويسكنها فسيح جناته
مطعم هابي اول مرة اسمع فيه ان شاءالله احطه بالمخطط