السلام عليكم استفسار بسيط
هل تتوقعون انه بسبب الازمه السياسيه الحاليه
الافضل تاجيل السفره لامريكا لان الوضع مخيف

وعليكم السلام

أنا معك لخطورته اقتصادياً وسياسياً
لابد من البحث عن الأمان خلال رحلاتك

متوقع تكون فيه أزمة بنزين في امريكا
فقد وصل الجالون 6$ في كالفورنيا
وهذا يخلق غضب شعبي ينعكس على المعيشة وأخلاق الناس

برضه فيه تصعيد اعلامي ضد السعودية
قد يخلق جو مشحون ومحاولة الاعتداء من ضعاف النفوس

رأيي البعد عن امريكا + اوروبا الى أن تنتهي الأزمة على خير
والسفر ملحوق عليه

اللي مصمم على السفر عندك
استراليا نيوزلندا شرق آسيا جنوب افريقيا

عزيزي عند وصولك بالسلامه إلى امريكا لا حد درى شنهي جنسيتك داخل البلد ولا احد درى عنك شي كل شخص بحاله والشعب الامريكي ماله علاقه بالسياسه الخارجية وان تطرقت بالحديث بتشوف الشعب غير مؤيد لقرارات بايدن .. ولكن كل هذا لا دخل له بالسياحة ... الناس تسافر بشكل يومي إلى نيويورك " عطني طياره فاضيه رايحه نيويورك ؟" ماراح تحصل لانا الوجهه الاقوى على مستوى العالم

الشيء الوحيد اللي ممكن يخليك تلغي فكرة السفر باكملها سوى إلى اوروبا و امريكا وغيرها من دول العالم هو " الحرب العالميه" غير هذا الامور طيبه

ياساتر انا كنت مخطط للسفر بتاريخ مايو 2023 لكن يبدو لي ان الافضل تاجيلها
قد يكون تعليق البعض فيه شيئاً من الصحه هناك محد بيعرف انت من وين
لكن الحرص واجب خاصه بالسفر وامريكا تعتبر السعوديه عدوه الان للاسف يعني المفروض
حتى حنا يالشعب مانعدعم دوله زي كذا الحمله علينا قويه جدا
لكن لاحظت كل مابسافر دوله تصير مصيبه 😂😂
شكلها لليابان 🎭

الوضع ما تغير ولا شي (صار لي ١٥ سنة مقيم هنا) وكل يوم الناس جايين سياحة حتى من السعودية ولا احد تعرض لشي. غلاء البنزين والمشتريات اليومية صار في اماكن كثيرة في العالم مو بس هنا، والحين ارتفاع سعر البنزين خف كثير مقارنة بالصيف وحتى خطوة تقليل الانتاج غالبًا ما بتأثر على الاسعار بشكل كبير. في كاليفورنيا وغيرها ارتفاع اسعار البنزين اكثر شي بسبب الضرايب على البنزين في الولاية وليس فقط بسبب سعر البرميل العالمي (في ولايتي ارخص سعر للبنزين حاليًا ٣.٣ دولار للغالون). لكن ارتفاع الاسعار في كل شي ثاني حتى الاماكن السياحية وتذاكر الدخول هذا مو بس في امريكا وهو جزء من تبعات كورونا الاقتصادية.

اذا قررت تجي امريكا في الوقت الاصلي لحجوزاتك لا تشيل هم وان شاء الله ما بيصير الا الخير. على قولة اخونا عاشق امريكا ما احد بيهتم من وين انت ويمكن ما يدروا انه في مشاكل سياسية ولا شي وعى الارجح ما احد بيتعرض لك، واتمنى من الجميع انه ما يكون في تهويل زايد ومبالغ فيه لان هذا منتدى سفر مو قروب وتساب.