السلام عليكم ارجو منكم المساعدة ما رايكم بهذا الفندق قريب من الاماكن السياحية والتسوق والا بعيد Hilton London Metropole لاني محتار من كذا فندق ابي احجز بعد رايكم طبعا وشكرا

شكرا لك طيب شو رايك بفندق رويال غاردن

ياهلا ومرحبا فيك اخوي ابومشعل

ماقصرو اخونا مهند في التوضيح

بالنسبه لفندق هيلتون متروبول مكان بأخر شارع اجور رود
هذا الفندق انت وحظك اذا صدت الغرفه بالبرج الجديد بتكون حلوه وواسعه اشوي
لكن اذا عطوك بالبرج القديم بتكون الغرفه صغيره وقديمه وممله


لكن شوف لك فندق ثيستل مكانه روعه وعلى شارع الاكسفورد جنب مجمع سلفردج

Booking.com: ظپظ†ط§ط¯ظ‚ ط«ظٹط³ظ„ ظ…ط§ط±ط¨ظ„ ط¢ط±طھط´ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط­ط¯ط©


وبعد عندك فندق ذا مانديفيل حلو وسعره حلو
وقريب من شارع اكسفورد وخلف مجمع سلفردج

Booking.com: ظپظ†ط¯ظ‚ ط°ط§ ظ…ط§ظ†ط¯ظٹظپظٹظ„ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط­ط¯ط©


وبالتوفيق ان شاء الله

ياهلا ومرحبا ب فارس الجبيل صيفت عبى ياخوي خلك معاي احتاج مساعدتك الحمدلله خلصت التاشيرات باقي الفندق بس لاحضت من خلال موقع الحجز بونكنق انه ما يشمل الافطار وسعره مرتفع جدا اللي هو الفندق الاول اللي اشرت عليه وشكرا لك

هههههههه ياحبي لك يابومشعل

اللي رد عليك فوق شيخنا ومشرفنا بوسعد القطري

لاتحاتي وانا اخوك متابع كل اسألتك لكن الشباب اشوفهم ماقصروا بيض الله وجيهم واحس ان لين الحين ماحان دوري لكن الاخوه فيهم الخير والبركة ابشر بالسعد يابومشعل ماحنا مخلينك لين نركبك الطائرة ونحطك على الكرسي ونربط حزامك بعد ولو تشد حيلك شوي نحطك مكان الكابتن ههههههه

وثاني شي لاتجلس كل شوي فاتح لنا موضوع باستفسار جديد سببت زحمة والشارع فاضي هههههه
خل استفساراتك كلها بموضوع واحد اسهلك واسهل لنا ولا ادق على المرور الحين يجي يشيل موضوعك هههههه

امزح معاك فديتك انت تامر امر واجيك اطامر طمر

ههههههه تسلم كلك ذوق ما انتبهت للاسم اللي رد علي عدم المواخذه كلكم فيكم الخير والبركه الله يبارك فيك وااخذت برائي اخونا القطري وحجزت فندق ثيستل لمدة 10 ايام من 28 مايو الي 7 يونيو طبعا تنقلاتي راح تكون بالباص و الاندرقراوند بعد الحصول على بطاقة اويستر هل احجز من النت مادام توسو وعين لندن الان والا قبل السفر بفتره وجيزة وابي اعرف وش المعالم السياحية اللي تستق الزيارة وياليت اللي عنده تقرير مفصل لمدة 10 ايام يرسل لي الرابط ولكم مني جزيل الشكر