جزيره هفار اكثر جزيره شهره بالبحر الادرياتيكي و عاصمتها مدينه هفار عدد سكانها بالصيف70000 نسمه اما في الشتاء 1500 نسمه فقط ( على كلام صاحب الشقه الي سكنت فيها) كل ماتشوفه مؤقت مطاعم قهاوي ولاونحات رحلات بحريه سيارات تكسي كله يجي بالصيف و يختفي بعد الصيف ( ادخل على خريطه السناب الايام هذي ماشوف ولا شي فيها) كله اختفي شكله صادق استاجرت دباب شافه صاحب الشقه حذرني من اني اسوي حادث قالي مافي مستشفيات في الجزيره كامله مو بس هفار يقول عندنا عياده صغيره يحطونك فيها للصباح يجي البوت ياخذك الي سبلت تبعد اكثر من ساعه بحر(كرهني فيه) في الصباح تزيد الزحمه لانها على خط الكروزات ركاب الكروز ينزلون فيها الصباح طريقه الوصول لها بوت مافي غيره مافيها مطار ولا لها جسر البوت اما من دوبرفينيك او سبلت يطلع البوت من دوبرفينيك ثم جزيره ملجيت ثم جزيره كوركولا ثم جزيره هفار ثم سبلت و العوده بنفس الاتجاه متوفره طوال اليوم مده الرحله ساعتين و نص اذا ماخانتني الذاكره سعرها 400 كونا كرواتيه لازم معك كاش كبار الشركات في كرواتيا ماتقبل الي كاش بما فيها الشركه الوطنيه للنقل حقت الباصات يبدو انهم يملكون نظام بنكي معقد جدا

تسوفها بالبدايه زحمه و صف طويل جدا ولاكن الدخول ماخذ مننا 5 دقايق

اول ماتدخل يسالونك اي جزيره رايح بعدين يدخلونك مافي فرق وين رايح مافي اماكن مخصصه لكل جزيره دور الكرسي الفاضي و اجلس و تكون محضوض لو لقيت شي على الشباك اول ماتدخل رفوف للعفش حط شنطتك بنفسك و رح دور كرسي فاضي فيها كشك صغير يبيع مشروبات و اكل خفيف مافيها جلسه خارجيه ماتقدر تطلع للتصوير








كنت متفق مع صاحب الشقه يجي ياخذني من الميناء يوم وصلت مالقيت ولا فيه اثر للسيارات طلع هذا يوقف في وسط المدينه لازم تمشي قرابه2 كيلو على شان تطلع للشارع و تحصل السيارات و التكسي

جزيره جميله فيها مارينا فيه يخوت فاخمه جدا و شواطئ كثيره و مليانه قهاوي و مطاعم( جميعها مؤقت) تقفل بعد الصيف حولينها كثير جزر تروح لها بالتكسي البحري50 كونا رايح جاي بعض الجزر شواطئ خاصه مجهزه و بعضها فيها قهاوي و شاطئ سباحه بس و تقفل مع الغروب يخلونها و يطلعون الي فيها كلهم جميع فعالياتها بحريه و رياضات بحريه كياك و برشوت و غوص رحلاتها فيها رحلات يوم كامل للجزر البعيده شوي و عندهم كهف ازرق نفس حق الجبل اللسود بس احلا نشوفه فيها مدينه قريبه سانتاقرادا جميله ورهاديه و فيها حقول الخزامي(اللافندر) مشهوره الجزيره بالخزامى و جميع منتجاتهم من زيوت و صابون باللافندر ازقتها جميله بالليل و النهار ( مدينه صخب)










com/up/uploads/arabtrvl16696883623365.jpeg[/IMG]



/up/uploads/arabtrvl166968836259367.jpeg[/IMG]




























بكذا خلصنا جزء من هفار لاكن لهفار بقيه

ما شاء الله عليك رحلة شيقة مليئة بالمغامرات

استمر 🌹

حلوة المدينة الجميلة الكئيبه بس يبيلها واحد قوي ويقدر على الدرجات
الكروز ما طولت فيه بس عبور والجزيرة حلوة
مستمتعين متابعين معاكم

ابو ناصر

تعليقك جدا غريب وغير لائق الصراحه

ماعجبك لا تدخل ولا تعلق

شوية تقدير واحترام لمجهود الشخص

عندك ملاجظه لتعديل التقرير انصح فيها ، بس مو من حقك تقول له لا تكمل

قل خيرا او اصمت

بهالحاله صمتك فضيله

مع احترامي لك بوناصر

اذا كنت شايف التقرير غير لائق تقدر ما تابعه وتمشي عنه

في وايد متابعين التقرير ومستمتعين في المناطق والمعلومات اللي يقرونها ..

وعلى الاقل الاخ بذل جهده وكتب هالتقرير ودعمه بالصور المفروض نجازيه بالاحسان والتقدير

بوبدر متابعه معاك التقرير