قمنا الصباح بدري و مرني صاحبي في فندقي متوجين الي مدينه كوتور مسافه 80 كيلو مرورا بمدينه بار و مدينه بودفا
طبعا الطريق خط واحد رايح جاي غير امن دخلنا مدينه بار مرور الكرام ولاكن يبدو انه بيكون لها نصيب السنه الجايه وقفنا بس تغدينا فيها

[IMG]://www.arabtrvl.com/up/uploads/arabtrvl166829468629432.jpeg[/IMG]

طبعا بعدها دخلنا بودفا ولاكن دخلناها على عجل لان لنا رجعه مطوله لها و كملنا طريقنا الي كوتور طريق جبلي كله طلعات و نزلات الي ان لاح لي وجه كوتور

كوتور مدينه صغيره ساحليه على خليج خرافي من اجمل خلجان العالم في النهار زحمه و في الليل فاضيه السبب انها على خط رحلات الكروز في النهاز ينزلون ركاب الكروزات تلقي في مينائها اكثر من كروز واقف و يحرك واحد و يجي الي بعده ولاكن المدينه مافيها غير المدينه القديمه و خليج للسباحه و فيها مارينا يخوت جديده تبع الامارات.














البساس منتشره في المدينه عادي تلقي قوق جدار بس يمشي عددهم اكثر من الناس و يقال ان كلمه كوتور يعني قطه بلغتهم و الله اعلم .
الصراحه مدينه حلوه للتصوير فيها قلاع و كنايس قديمه و خليجها خرافي تسبح فيه خليج يوصل الي كرواتيا لي رحله فيه الي حدود كرواتيا ولاكنها و بكل امانه ممله و خصوصا بالليل افضل شي تجيها الصباح بدري من بودفا بالباص و ترجع بالليل.