تكملة المقابلة مع موظف الجمارك ..


مشيت مع الموظف كم خطوة لعند موظفة ثانية .. شافت الجواز والبوردنج وعطتني بروشور لازم اعبيه .. وفتحتلي باب عريض قالت ادخل داخل الصالة عبيه .. الصالة كانت كبيرة وكان في كذا عائلة هندية

حاولت اني اهدي نفسي من التوتر قدر المستطاع واستوعب الموضوع .. وقلت راس مالها ارجع واشوف بلد ثاني وانتهى الموضوع ! .. على ايش هالفلسفة كلها ؟

البروشور كان عبارة عن اسئلة صحية .. هل كنت مصاب بكورونا او هل خالطت اكرمكم الله حيوانات وهل سافرت خلال الاسبوعين الي مضوا ؟

وانا اعبي البروشور طلع موظف من باب بنهاية الصالة ونادى اسمي بصعوبة .. واشرتله اني موجود وقال تعال

( اتوقع انهم يحبون الضيافة كثير لدرجة حبوا يستقبلوني بصالة خاصة مو عند الكاونترات )
..

كان لابس عادي مو لبس موظفين الجوازات الي برا الي بلون كحلي ..

دخلنا صالة كبيرة وفيها كنب وقالي اجلس .. اخذ البروشور مني بعد ما طلب اني اوقع عليه

معلومة : المقابلة كانت طويلة جدا واستمرت لمدة نصف ساعة وتخللها الكثير من الاسئلة .. ورح اشاركها معكم قدر الامكان ..

الاوفيسر : انت قلت انك رايح سياحة .. اشرحلي اش تقصد بالسياحة وايش مخططك ؟

( بتحليل بسيط اتضحلي انه هالرجال بيده يدخلني امريكا وبيده يرجعني وكان لازم اني اقنعه باي طريقة اني رايح سياحة )

انا : جلست رجل على رجل وشرحتله مخططي الكامل بشيكاغو ونيويورك مع ابتسامة عريضة .. عطيته اسماء الفنادق الي حجزت فيها مع عناوينها واسماء الشوارع والاماكن السياحة الي جنبها والاكلات المشهورة والمطاعم الي تقدمها مع عناوينها .. وهي انا احفظها دائما قبل كل سفرة في حال انسرق مني الجوال لا قدر الله او اللابتوب

الاوفيسر : زين يعني عندك مخطط ! .. طيب ليش مختار امريكا بالذات ؟
انا : افتح جوازي وشوف الفيز والاختام الي عليه . رحت على كثير دول ب 3 قارات مختلفة وبعضهم زرته اكثر من مرة .. فاحس اني اكتفيت منهم وودي اشوف جديد . وبما اني سمعت عن امريكا كثير فقلت ليش ما جرب ازورها .. واول شي ودي اسويه اني اصور سيلفي واحطها على صفحتي بالانستجرام بعدين ارسلهم لمديري عشان اغيظه شوي ( مع ابتسامة عريضة)

الاوفيسر : مع ضحكة خفيفة ( سالني عن كل دولة زرتها وليش زرتها سواء كانت سياحة او رحلة عمل )
انا : جاوبته بكل تفصيل بحيث اني ما اضطره يسال زيادة

الاوفيسر : انت مولود بالسعودية وعايش مع اهلك ؟
انا : نعم

الاوفيسر : اعطيني اساميهم الكاملة وارقام الجوالات !!
انا : عطيته كل شي طلبه ( واتوقع عشان يتاكد ان فعلا مقيم مع اهلي )

الاوفيسر : متى زرت سوريا اخر مرة وليش وكم جلست هناك ؟
انا : زرتها هالسنة وكانت زيارة لمدة عشر ايام ازور العائلة

الاوفيسر : هل في احد من عائلتك دخل الخدمة العسكرية هناك ؟
انا : لا اصلا الشباب الي كانو بسن الخدمة كلهم هربوا

الاوفيسر : كيف الاوضاع بسوريا حاليا ؟
انا : جدا صعب والناس يالله تمشي امورها وشرحتله بشوية تفصيل عن الاوضاع بشكل عام

الاوفيسر : لاحظت من جوازك انك تروح البحرين كثير ,, ايش السبب ؟
انا : انا ساكن بمنطقة اسمها الخبر والبحرين بعيدة عني نصف ساعة اذا كان الجسر فاضي ودايما اطلع الويكند مع الشباب عشان نتمشى ونشوف فلم ونرجع , اضافة الى اني درست الهندسة هناك ,, وبامكانك تفتح جوجل ماب وتشوف قد ايش الخبر قريبة من البحرين

الاوفيسر : واو هذه معلومة جديدة ! .. طيب ايش تخصصك الجامعي ومتى تخرجت
انا : جاوبت

الاوفيسر : ايش وظيفتك بالشركة وكم لك شغال معهم
انا : شرحتله وظيفتي وقلتله اني معهم من 9 سنوات

الاوفيسر : wow its long time already ! .. ok , now you can go !

دلني على باب وقالي اطلع منه وكتب عالبوردنج ووقع

كنت بقوله طيب ما ودك نتكلم عن الاسهم والمونديال بما انه ما بقى شي ما تكلمنا عنه
-------
تركني وراح بعدها وانا ما ادري معنى كلامه يعني اروح اكمل سفرتي ولا ارجع خصوصا ان مافي ختم دخول عالجواز ..

طلعت مع الباب الا اشوف كاونترات الجوازات قلت بس شكله برجعني .. سالت ضابط هناك وقلتله الرجال يقولي خلص روح . فايش يعني ؟ قالي خلص اطلع الدرج واستنى الطيارة !

كنت بقوله تمزح !! .. بس سويت نفسي هادي وقلتله طيب والختم ؟ قالي خلص الكتروني مافي ختم عادي

تقريبا هنا .. تقدروا تقولوا زي ان احد كب علي مي بارد

تعليقي عالمقابلة : كل الاسئلة الي سالها لي تقريبا كنت نفسيا متحضر لها اثناء المقابلة بعض الاسئلة كانت غريبة بس حاولت اني اجاوب بكل هدوء واعطيه اجابة مباشرة .. واللي لفت نظري ان هذا الشخص اسلوبه كان جدا محترم وما كان في نبرة عنصرية بكلامه .. فحسيت بالهدوء والاريحية

يتبع ..