السلام عليكم و رحمة الله و بركاته،
حبيت إني أتأكد من المستندات قبل السفر الأسبوع الجاي انشاءالله.
اولاً : جهزت الجواز و الفيزا هل فيه شي ثاني لازم اعرف عنه او اوراق ثانية؟
ثانياً: هل يلزم PCR؟
و كمان حبيت اسأل عن الأسئلة الي ممكن اواجها بمطار ابو ظبي لأن قررت اطلع على الإتحاد لنيويورك.
ايضاً انا متوتر لأن قلت بالمقابلة قلت ان عندي اقارب في امريكا لكن القريب الأن خلص دراسته و رجع السعودية هل تظنونها مشكلة؟
ارجو من عنده خبر بالأسئلة هذي يفيدني و ما راح انساكم من الدعاء.

شاكر و مقدر.

مطار ابو طبي افضل اذا كانت تذكرتك بزنس كلاس. عشان يصير لك مسارات اسرع عند كل كاونتر . وتقدر تشتري البزنس كلاس بأي وقت قبل حصولك على التذكرة واذا تبي حركة حلوة صور المواد الغذائية بجوالك. وعند مسؤول الجوازات اذا سألك ايش عندك بالشنطة من مواد غذائية...توريه الصور بجوالك وتقله هذا كيس تمر وهذا كذا وكذا (كمثال لتسهيل امورك).

شكراً اخوي على النصايح المفيدة. انا على كل حال حجزت بزنس بحكم طول الرحلة. والله بس كلفتني حدود 28000 ريال ذهاب و اياب. بس عفواً اخوي انت هل طلعت على الإتحاد للطيران لأمريكا قريب ؟ و ايضاً ما هي الأسئلة الي طرحت عليك بالمطار و هل كانو سلسين؟
و مرة اخرى شكراً على النصايح المفيدة الله يسعدك يا رب 🙏.

نعم اخوي انا في شهر نوفمبر الماضي طلعت على الاتحاد بزنس كلاس..لك مسارات خاصة اسرع واقل ناس..في كل طابور تأكد انك في مسار البزنس لانه ممكن ما تلاقي احد يقلك تعال هنا مسارك ....لازم انت تستكشف الوضع.....وضابط الجوازات الامريكي وصلت عنده وسألني عن مدة الاقامة..وهل عندك مواد غذائية بالشنطة وريته الصور بالجوال شاف صورة صورتين قال تمام ومشيت خلاص..فقط هذه هي الاسئلة ما في اي سؤال غيرهم ومافي تختيم على الجواز ...عندي بالشنطة تمر مكنوز..وبهارات..وبعد وصولي لنيو يورك على طول نزلت من الطيارة الى استلام الشنط