نعم بالطيارة تحتاجون تسون ETA
بس ليش ماتنزلون كندا دايركت بدل خسارة يومين في شيكاغو فضلا ان الطيران 5 ساعات تقريبا
ومنها تبتدون الكروز
او ترتاحون في فانكوفر يومين بعدين بالسيارة سياتل ساعتين ونص و تبتدون الكروز منها لو تفضلون

اهلين اختي منيره يعني شيكاغو ماتستاهل الواحد يزورها
اذا لا معناته طيران الى شيكاغو ومنها على طول طياره الى فانكوفر

وهل بورتلاند تستاهل الزياده اللي في ولايه اوراقون

ولو في احد عنده اقتراح وين ممكن احجز في لوس انجلس شقق يكون موقعها وسعرها جيد

لا هي حلوة و شبيهه بنيويورك بس قصدي بعد طيران طويل لي امريكا راح تطيرون 5 ساعات ثانية لي سياتل او فانكوفر
اذا مناسب لكم برايكم

لوس انجلوس سنة 2014 سكنت في حياة السيغاندو كان نظام شقق ارضية
و ممكن اضافة فطور من الفندق و الشقق كان فيها غسالة و مطبخ تحضيري صغير

بس اتوقع صار مستهلك احين

جربي امباسي سويتتس هيلتون

شكرا اختي على ردك ان شا االله اشوفه
انا صراحه السنه الماضيه كنت مستانسه على الشقق اللي حصلتها في البفرلي وجديده ونظيفه لكن يقولك اقل شي 7 ليالي اوك ماعندي مشكله الحين في الصيف والله حجزو اقل شي 30 يوم نعم يعني انا اجازاتي كلها 3 اسابيع فمن جذي ادور مكان ثاني

السلام عليكم اختي
انا زرت فانكوفر بالسيارة من سياتل خذينا تقريبا 3 ساعات او اكثر بشوي في الطريج
الحدود الكندية كانت سهله , سؤلونا اذا عندنا ويدز وضحكت قلت لا و اذا عندنا كحول
ومعانا وحده من الامارات وبما انها ما تحتاج فيزه حولنا على المركز مالهم لان الجواز مافيه فيزا, دخلنا وختم الجوازات بسرعه

فانكوفر حدها 3 الى 4 ايام وهالله هالله في الفود ماركت , يجنن وكلشي عندهم
سكنا في شارع جورجيا- غرب وكلشي حوالينا ونروحه مشي
شوارعهم داخل المدينة زحمه وكريهه في اللفات, الاشارات مو كلها فيها U Turn يعني تلفين السبع لفات عشان توصلين للفندق
في الويكند يكثرون الهومليس والسيكرة وتشمين ريحة الويدز من بعد كيلو

جدوة الحياه في كندا افضل بمراحل عن امريكا , تحسينهم مستانسين مب مكروفين نفس الامريكان

في الردة لامريكا كنا طالعين بدري عشان ما تصيدنا زحمه الحدود
التاخير كله في الجانب الامريكي , في اشارة قبل الكباين تفتح وتطوف كمية من السيارات وبعدها تسكر وهكذا وهني تصير الزحمه والتاخير
بس عند موظف جمارك امريكا مافي تاخير بسرعه يختم وتطوفون

سياتل بعد حلوه وحدها يومين الى 3 ايام وفيها اشكثر هومليس
بشكل عام امريكا فيها وايد هومليس بعد الكرونا