رحلة الاحلام ( بوستن - نيويورك - اورلاندو - ميامي )

AlJohara-us · 30-12-2022, 12:33 PM

اقتباس : المشاركة الأصلية كتبت بواسطة توبليرون

حي الله التقارير الجديدة من الاعضاء القدامى
ماشاءالله حلو انكم تميتوا على انتظار الفيزا وتحقق الحلم نقول مع الرحلات الامريكية

حلو انكم حاجزين الدرجة الاولى اريح للطريق
ومستمتعين معاكم ولانتظار التقرير المشوق

ايه والله الحمدلله تحقق الحلم و شكرا على كلامك

المشوار طويل و اريح و خصوصا القطرية تعاملهم خيال

الايمان, توبليرون و آخـــرفـــرصـــة معجبون بهذا.

AlJohara-us · 30-12-2022, 05:01 PM

حجزنا في بوستن كان في فندق الشيراتون حجزت عن طريق موقع marriot و جميع الفنادق حجزتها منهم ما عدا ميامي، الصراحة عجبتني التجربة و اعتمدتهم بعدها لكل سفراتي. التعامل ممتاز و التنوع بالفنادق سواءً فخم او اقتصادي جميعها عندهم و الاحسن انكم تجمعون نقاط تستفيدون منها بعدين و اي شيء فيه نقاط احب اسجل فيه لان يفيد كثيير

هذا موقع فندقنا و كان الموقع خرافي! مُتصل في مول صغير و تطلعون منه على اشهر شارع في بوستن و هو newbury street، كل شيء قريب منكم مسافة مشي

للاسف ماصورت الغرفة و اللي كانت جيدة وواسعة و نظيفة بس صورت الاطلالة و هذي هي

بعد ما ريحنا شوي طلعنا لاول وجهة متحمسة لها و اللي هي تشيك فيليه

الصراحة لذييييذ و ادمناه

تمشينا شوي بالشارع و رجعنا نريح بعد يوم طويل بالطيارة، و هذي صور من تمشيتنا في شارع نيوبري

المحلات في شارع نيوبري كلها بهذا الشكل

جمال المباني

و صباح الخير من اول يوم لنا في بوستن

صحينا الصباح و نزلنا لهذي القهوة مقابلة فندقنا بالضبط و لهم فروع كثيرة ببوستن

هذي صور المكان و اكلنا اللي كان مرة لذيذ الحمدلله و قهوتهم كانت لذييذة

ساندوتش حمص مع الخضار كان لذييذ مرة

بعد الفطور جلسنا نتمشى الى ان وصلنا لحديقة

Boston Public Garden

الحديقة جميييلة مرة و فيها بحيرة و كثير ناس جالسين فيها، تمنيت لو جبنا قهوتنا و فرشتنا عشان نجلس فيها.

انصحكم اذا رحتوا تاخذون معاكم فرشة و تجلسون بالحديقة لانها حلوة، و هذي صور من الحديقة.

السناجب في كل مكان

و هذا تمثال البطات مشهور مرة و يلبسون البطات على حسب فصول السنة

بعد التمشي في الحديقة اتجهنا لجامعة نورث ايسترن و جلسنا نتمشى في مرافق الجامعة

اعشاب طبيعية اللي يحتاج شيء يقطفه

بعدها رحنا للمترو و اللي يسمونه عندهم T و الصراحة مرة كان آمان و نظيف و مافيه هوملس ابدا

اعتمدناه باغلب تنقلاتنا

اتجهنا بالمترو الى هارڤرد سكوير، المكان اللي فيه جامعة هارڤرد و فيه محلات سوڤينيرات و قهاوي و مطاعم

هذا واحد من مداخل الجامعة

و بالصدفة طلع اليوم يوم تخرجهم و الطلاب كانوا لابسين عبايات التخرج و يصورون، الصراحة استمتعنا مرة و حنا نتفرج عليهم و هذي صور من الجامعة و الصراحة من كثر الاستمتاع نسيت اصور كثير

تونا بنص اليوم و هذا اللي مشيناه

بعد التعب من المشي اتجهنا لمطعم البيتزا الصغير هذا في هارڤرد سكوير

و هذي كانت البيتزا الحمدلله

بعدها اخذنا ال T و رجعنا للمول اللي جنب فندقنا

و هذي القهوة مشهورة بامريكا و موجودة بولايات كثير، كان لها فرع بالمول اللي جنبنا

الجلسة خارجية مرة جميلة

و نختم فقرة التقرير بهذي الصورة اللي صورتها من خارج المول

و انتظروني بالجزء الجاي

q8ya metnaqla, AL Tunaiji, توبليرون و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
زيارتي للولايات الفاتنة 9و10 /2021(شيكاجو-ميامي-اورلاندو-نياجرا-واشنطن- نيويورك)	Yousef Ahmed	بوابة امريكا	67	02-06-2023 10:10 AM
الولايات المتحده ٢٠١٩ (نيويورك- اورلاندو - ميامي - البهامز - لاس فيغاس - لوس انجلوس)	ek201	بوابة امريكا	66	16-04-2022 03:59 PM
رحلة الى نيويورك اورلاندو وانشطن	بو فيصل	بوابة امريكا	21	11-11-2021 11:46 AM
أنسب وقت لزيارة نيويورك واشنطن اورلاندو نياجرا	بو فيصل	بوابة امريكا	21	20-01-2020 10:13 PM
مدن مقترحة بالشرق الامريكي من نيويورك الى اورلاندو بالصيف	abo abdullah	بوابة امريكا	5	05-01-2020 12:46 PM