اسأل الله ان يعطيكم حتى يرضيكم

صبحكم الله بالخير

صبحكم الله بالخير

صباح الخير

يسعد صباحكم جميعاً

ما شاء الله أجواء الرياض روعة
وصلت البارح تزامناً مع وصول رونالدو
العيد عيدين
متوقع أمطار غزيرة اليوم

أسعد الله صباحكم بكل خير يا أهل المركاز

اتواصل معكم الآن من صالة مطار اسطنبول بعد ما راحت علينا رحلة الترانزيت إلى ميونخ ....

أمس كنا في مطار الرياض الساعة ١١:٠٠ مساءا والرحلة من الرياض الى اسطنبول الساعة ٢:١٠ صباحا

توجهنا إلى شباك تسجيل الوصول وتسليم الحقائب لدى الخطوط التركية وفاجئتني الموظفه توريني الفيزا وتقول الفيزا تبدأ بتاريخ ٣٠ يناير أنا أنخرعت مع أني قريتهم قبل كذا ولكن لما شفت التاريخ فهمت أنها دايخه وارتحت وقلت لها أنا أشوفه مكتوب ٠٣ يناير وما أدري ليش تقرينه ٣٠ يناير !! رجعت تطالع بالتاريخ وقالت صحيح معليش ما انتبهت .

شوي ورجعت تقول اليوم التاريخ ٢ يناير وانتم عندكم الفيزا تبدأ ٣ يناير ... قلت لها تبين أرجع لك بعد ربع ساعة ههههههه وانتبهت أن الطيارة تقلع صباح ٣ يناير ومشيتها لها .

ورجعت مره ثانيه تقول الفيزا من النمسا وماهي من ألمانيا ... هنا أنا عرفت أنها منتهيه . قلت لها التذاكر هذي سلمت للسفارة النمساوية مع حجوزات السكن وهم قرروا الموافقة على السفر بهذا الشكل لأنه اجراء سليم حسب اتفاقية شنجن وقلت لها هذا ما يخصك .... راجعي التاريخ والاسم والصورة فقط هذا هو دورك .

راحت جابت واحد يحاول يقنعني أنه لازم اول سفره تكون لنفس البلد ، قلت هذا كلامك ولا علاقة له باتفاقية شنجن واذا تبي ادخلك الآن على موقع السفارة وتشوف اجراءات طلب تأشيرة شنجن .

طبعا استلموا الحقائب واعطوني البوردينج واعتذروا ... برغم الوقاحة والجهل اللي فيهم لكن كنت هادئ تماما معهم وبنفس الوقت حازم في كلامي وواثق منه.

وصلنا الجوازات وخلصت أنا والمدام والبنت الصغيرة وجاء دور الولد الصغير وقال فيه مشكلة ... قلت وشي ؟ قال مدري ونادى لخويه وقاله اضغط ذي وسو كذا وانحلت المشكلة وبعدها قال ياخي المفروض تاخذ معك الجواز السابق احتياط ... هنا أنا سكت لثواني مصدوووم ... قلت له وش تبي به منتهي الجواز القديم والفيزا على الجواز الجديد ... قال صحيح بس افضل خذه معك .... طبعا ما راح افكر آخذ جواز منتهي معي للمطار ابدا ولكن أهم شي خلصنا وطلعنا منهم .

تأخرت الطيارة ساعة وبكذا وصلنا اسطنبول متأخرين كان البوردينج متاح له ٢٠ دقيقة لما هبطت الطائرة ولما وصلنا البوابة كانت طائرة ميونخ في الجو .

رحنا لمكتب المنكوبين علشان ناخذ أقرب رحلة لانهم هم المتسببين بالتأخير وعطونا رحلة الساعة ٤:٣٠ مساءا يعني بعد ثمانية ساعات ... الآن وانا أكتب لكم صار باقي عليها خمس ساعات .

دخلت على موقع سكست وعدلت وقت استلام السيارة من مطار ميونخ والحمد لله ما طلب رسوم اضافية ولا راح حجزي وكان ممكن تروح علي لأنها مدفوعة مسبقا .

جزء من متعة السفر هذه العثرات البسيطة تخلف ورائها ذكريات .... أواسي نفسي

بإذن الله تتيسر الأمور

وسلامتكم ......

كل عام ومنتدانا الغالي بخير واخواننا وخواتنا اللي تعرفنا عليهم من خلال المنتدي
يارب تكون سنة خير وسعادة على الجميع

رحلة سعيدة يا سالم
الخطوط كلها دايخة
جات على موظفة الكاونتر

المهم ما تخلي التفاصيل الصغيرة هذي تخرب عليك الرحلة