اليوم السابع
الاربعاء 26 / 10 / 2022




صباح جميل وبعد التجهز طلعنا
انا والبنات والسايق موجود

والى مشوارنا


















وصلنا مكانا





برج الفتاة عليه ترميم









بس مو هذا اللي نبي

نبي هذا





مطعم فيزل





اخترنا طاوله خارجية تطل على البحر وبرج البنت الاهم الهواء الجميل











خوش مكان

























تعرفون حق شنو هالمرش ؟




المرش فيه ماي علشان نرش على القطاوة يننونا كل شوي ناقزه وحده من البنات يامعودين عادي قعدوا لا نخاف نخاف



يابو علم الكويت وعلم تركيا









وصلت مطارة الشاي والبنات كل شوي قطوة يماي هههه والريال يرش عليهم الماي






































قمنا دخلنا داخل عن القطاوة ولاحقتنا بس اشوه خلف الزجاج
بس مره توقف ومره تقعد يطردها العامل ويعطيها اكل بس ماكو ترد وعيونها على البنات يقولون تخرع





يابو اعلامنا وشاينا معانا

وصل ريوقنا













الخبز هذا ما ينفع مع الاجبان والبيض نبي خبز عربي






وزادت السفرة



























حراسة












خلصنا وطلعنا









السيارة موجوده بس السايق قال خمس دقايق وايي


عبرنا الشارع ورحنا البحر








































مفروض هني جذيه يكون





بس ماكو علشان الترميم يمكن
وهذا مطعمنا







ذكروني الكراسي بكراسي لندن اسماء المتبرعين عليهم


















وبس طلعنا حلو المكان واكيد بيصير احلى وحيوي اكثر اذا خلص ترميم البرج


يتبع

نتابع مشاوير هاليوم




من الطريج




واقرب نقطة صورت فيها برج الاتصالات












وصلنا وجهتنا وهي اعمار مول







ورحنا جهة الكراسي انا ودانه واخذت واحد وانطلاقه بين المحلات








ملعب كرة معلق بالشباك







المحلات وايد حلوة وتخدم كل العايله






















ابي ماي افتر على الكافيهات وشريت من هني




صالة المطاعم شرحة ومرتبه





































معرض صور شخصيه

ورحت تحت وبعد في كافيهات وچنه سكة بيوت ملونه





























وايد عجبني السوق وهذا انا مافريته كله

نكمل

اسامي المحلات بكل مكان مو شرط على المحل نفسه







هالمحل حلو حق البنوتات













مجابله هالمحل للعطور التركيه وكل ما اشتري عطرين يعطيني واحد هديه






ومع دانه وسوالفها نشتري ويزيد الهدايا












يمه محل حلويات وكافيه اخذنا منه حلويات والاحلى الككاو على فستق اينن وايد لذيذ


هذا المحل





وهذه التفاحة اذكر اول مره اكلتها في مدينة ملاهي بجدة ايام التسعينات







واخذت من هالحلو استانس عليه حماده شكل الفواكه وعلبتها صندوق خشبي













المحل على زاويه عند هالساحة












بعد ما تشرينا قعدنا نشرب قهوة عندهم وعطونا حلو معاه وكل شوي يذوقنا ككاوه












وعقب رحت بنفس المكان محل احذيه حلوة واخذت لي اثنين

كانو وايد حبوبين مع اني كنت بروحي يعني مو معاي دانه تكلمهم تركي بالعكس كل محل ادشه بروحي بس يشوفوني ايوون يقدمون خدماتهم لي
نفس الشي محل شاكرا دخلت ومافي زباين الا انا وثلاثتهم الموظفين كل واحد يعطيني شي

قلت لهم ابي هذا وهذا وهذا وطبعا كل شي تشتري واحد عليه واحد مجانا
قامو يضحكون يقولون اسرع وحده بالمشتراة
قلت لهم ايي لان هذه ثالث مره ادش بس ما اشتريت الا منكم

بعدين رحت جهة والا كلها منطقة العاب واماكن ترفيه

اولها هذا



قبل الكرونا كان عندنا بالكويت بس الحين مادري موجود والا لا




وصيدليه والبنات مو راضين يطلعون يشترون هدايا وشغلات من هني عجبتهم شغلاتهم









كملت تمشيي




اهني بعد شريت عطور للشباب وفي الثاني عطور ليلاس
ماكان فيه احد يبيع وقلت بس كفايه عطور توني شاريه من لندن بعد يعني اقنع نفسي قبل لا اشتري ويتكود عندي وبالاساس تكودوا




وهذا شفته بتقرير الاعضاء الاكواريوم ومحل الهدايا له




وتكرمون الحمامات هني نظيفه ومرتبه مجابلهم اصنصير للاكواريوم








عجييب المول يستاهل تمرونه طبعا اهو واستينيا بارك عجبوني


بعض من اللي شريناه






































يتبع

الله عليك يا ام حسين أبدعتي ف التقرير و بتفاصيل جميلة اسعدتنا والله وكل فترة تعطينا دوافع الرجعة لتركيا رغم اننا تونا رجعين منها تركيا كل شي فيها جميل وتحفز السعاده ..
وبنسبة لي و ابو معتز عندنا قناعة من سنين وظهرت الان اكثر انو مانضع معوقات التفكير لا لزمن ولا للمال ولا للمسافات تمنعنا عن السفر لي اي بلد ف الدنيا غير اننا نكون نعشقها وفيها متنفس جميل لروح ونشرح فيها لأنفسنا معنى ماهو الأستمتاع وكيف نخرج منها بفائدة لنا بعد العودة للوطن 👌تركيا من المعشوقات ولكن تميزت بالصدفة بالحوافز التي لم نطلبها ولكن تسعدنا توفرها تركيا من ضمن المدن التى لوغلت اسعارها راح اقولها (من أجل عين تكرم مدينة ) 😊
اما عن تقريرنا ؟ بسم الله عليك يا ام حسين كفيتي ووفيتي عن تركيا جزاك الله عنا الف خير تقريرك يفوق الوصف متابعه 👍

جولات جميلة في الجزء الاسيوي
مطعم الفطور واضعنه في القائمة لكن
الظروف ما سمحت لزيارته
وأيضًا في رحلتنا الأخيرة استبعدته
لأن جزء من جماله في إطلالته على
برج الفتاة وبما إنه مازال تحت الصيانة
تم تأجيل زيارته
كذلك مول إعمار من المولات المميزة
لم تسنح الفرصة لزيارته حتى الآن

المتعة والفائدة مستمرة في تقريرك
أم حسين

بالعافيه الايراني والتشيزكيك
الشارع يبيله تمشي وتدخلون بين هالدواعيس
المول وااايد حلووو

ما شاء الله عليكم بالعافيه 🙏🏽
موقع المطعم مقابل برج الفتاة وايد حلو 👌🏽👌🏽