بسم الله الرحمن الرحيم
عائلتنا على اختلاف اذواقها يجمعها حب إيطاليا يمكن لان ميلانو اول مدينة اوروبية نروح لها سوا وبعدها خلاص
او ولدنا الي يشجع ميلان مأثر على البقية مع ان عندنا برشلوني بعد .
من بعد كورونا ماتيسر لنا سفرة لاوروبا (دول شنقن بالتحديد ) رحنا لندن كم مرة وحبيناها بس رجع الحب ايطالي وخاصة بعد افتتاح ويز لاول الوجهات روما .

وصلنا ايطاليا عن طريق رحلة داخلية من برشلونة
هنا موضوعي الاول فيه تفاصيل الرحلة الجزء الاول .
https://www.arabtrvl.com/vb/t52106.html
كانت الوجهه بولونيا الصراحة كنت ابي نقعد فيها مدينه صغيرع وخفيفه دم بس العيال ومعهم حق الوقت المتبقي قليل ويبون فلورنسا وروما .
مطارهم صغير مرة او يمكن لانها رحلة داخلية لدرجة نزلنا من سلم الطيارة مشينا شوي ودخلنا الصالة ما فيه خرطوم ولا باص على رجولنا دخلنا وخذنا شنطنا ومشينا ، اخذنا تاكسي لمحطة القطارات الحلو في الموضوع وصولنا مبكر الصباح معنا وقت .
وصلنا المحطة وشوي حوسة مافهمناها بسرعه ونسرع لايفوتنا القطار وبنتي طاحت مع شنطتها وتعورت رجلها
وركبنا الحمدلله اخيرا
صراحة انا مااستمعت برحلة القطار مرة شلت هم بنتي خفت ان العوار قوي وجلست ابحث عن مستشفيات اول مااوصل اوديها ..
وصلنا فلورنسا المحطه حليوه رحنا للتكاسي اخذنا تاكسيين للعدد والشنط
كنا ماخذين شقة حلو مكانها يجيب العافيه في السنتر وكلشي حولنا ونفس العمارة فيها بوتيكات فالنتينو وديور وقدامنا اوميغا هههههههه موقع استراتيجي للخساير .
وصلنا على الظهر وموجوده الاستقبال هي عمارة وفيها اكثر من مالك بس اشوا حقتنا شكل لها الاكثر فصايره تحت فالاستقبال ودتنا الشقه وعطتنا المفاتيح واخذت ضريبه المدينة وراحت .
رحت اشوف بنتي ومعي جايبه عدة التدهين دهنتها ولفيتها قلت نروح مستشفى قالت لا مايحتاج باخذ مسكن .
جلسنا صلحنا قهوة عربية ومعنا اغراض تمر وحلويات تقهوينا وانبسطنا لان برشلونه كانت غرف فندقيه ومنقسمين هنا سوا مع بعض ومطبخ .
يتبع