الخفجي يوم 7 / 1 / 2023




بقدم لكم تقرير خفيف
لزيارة مدينة الخفجي في المملكة السعودية
رحنا يومين مختلفين

اول يوم بعد قرار سريع ومتأخر
طلعنا من البيت الساعه 2 الظهر تقريبا يوم السبت
انا وحسين وزوجته

وصلنا تقريبا النويصيب








الزحمة مبينة عدل




ووصلنا منفذ الخفجي



وزحمة بعد











عقب ساعه ونص تقريبا خلصنا واخرنا تبصيم زوجة حسين على البطاقه المدنيه من عند تطبيق النساء

دخلنا الخفجي ومنظر الغروب








شوارع الخفجي الهادية


















مرينا محلات التمور واخذنا تمر وقهوة ولان على توقيت الاذان ما صورتهم بسرعه بسرعه وطلعنا



رحنا عقبه اسواق السمك والخضرة واللحوم

اخذنا سبيطي وطبعا يحطونه بفلين وثلج بعد تنظيفه









خلصنا قلت له حسين نبي نصلي وودانا العثيم مول







رحنا عند البوابه رقم 2 اهي اللي عندها السيارات واقفين



سألنا البنات هني عن المصلى ورحنا






صلينا وعيينا من الله خير

قعدنا نتمشى بالمول




المحلات المفتوحة قليله

وهذا الفرنسي موجود بس بعده مافتح








هذا المحل حلو للبنات










واسع المول بس لسه يبيله ان شاءالله



محلين للاطفال وايد حلوين







مطعم وكافيه لادوفا










الكود بالارضيه




مجموعة مطاعم




وعندهم حاطين الطاولات والكراسي




وفي ملاهي للاطفال والكبار صورت لكم وانا اقول وين زيونه تلعب هني



الناس مع انهم قليلين متجمعين هني
































كان ودي العب هذه بس اللي معاي ما تلعب تخاف


















الالعاب بالكرت






مع اني اشوفها مو خطرة وبطيئه بس حاطين شروط عليها












العاب الغيمز وايد











محل تبديل الكروت بالالعاب











كانت سفوري لاند















كافيه لادوفا مفتوح


















كافيه دلة





رحنا هالكافيه نشرب شي












الموهيتوو لي طبعا












وبس طلعنا



البوابه 2 اهي القريبه للكافيهات والمحلات المفتوحة






رحنا اسواق المزرعه كنا دايما نروح لها تمشينا في الجمعيه وكنت ابي غلاية صغيرة ما حصلت ورحنا جهة المحلات والمطاعم طلع محولينه الى صالة العاب







قبل في محلات ملابس وعبايات ومطاعم الحين مافي الا العاب والجمعيه



وطلعنا عقب


نتمشى وشفنا هالمطعم لمحبين الحاشي




رسوم جداريه حلوه







ومرينا السيف غاليري حلوو واسعاره حلوه بعد




شايفين هدوء الخفجي




والكورنيش











في كافيهات جديده وايد موجوده




ومحلات عالميه



وقت العشا ومالنا الا الحبيب هنغري باني




صوب العوايل حواجز











لذيذه مادري لها طعم خاص





















تعشينا وقلنا خلاص نرجع ديرتنا ومن الطريج الكورنيش




الكورنيش كله العاب وفيه مطاعم بس ماكو ناس












وخرجنا ووصلنا البيت على الساعه 10 تقريبا

الخفجي
الجمعه 13 / 1 / 2023



بعد روحتنا الاسبوع اللي طاف قالو البنات فرفر وغنومة شوقتونا ونبي نروح
سألنا حسين قال فوقه ورحنا هالمره مبجر على الساعه 10 الصبح مشينا

واخذنا منو معانا هالمره * الزين كله *
وصلنا نويصيب ودشينا بدون زحمة اليوم مفتوح الطريج
هني قبل لا نخرج بمنفذ الخفجي نزلنا البنات يشيكون على البصمة مع الزين

طلع بس غنومه تحتاج بصمة والزين ما تحتاج يقولون اللي اقل من عشر سنوات مالهم بصمة


دخلنا الخفجي وطبعا عندنا التأمين للسيارة اخر يوم اليوم لانه صار له اسبوع










المحلات كلها مسكرة لان وقت صلاة الجمعه وقلنا حق حسين ودنا الكورنيش شوي على ما تفتح المحلات

















الالعاب على طول الكورنيش ومثل ما قلت لكم مافي ناس الا عايله يت بعدين
نزلنا شوي نحرك نفسنا من قعدة السيارة وانا قبل لا انزل صليت















والزين تسلم عليكم










رحنا هنغري باني زيونه تقول يوعانه تبي غدا













هذه بحيرة من المطر صاير منظرها حلو




حديقة



مرينا التمور وتشرينا شوي هالمره مع البنات وعقب رحنا نتغدا في مطعم المآدبة اعتقد جذيه اسمه

تقول لي ماما عوده صوريني علشان تحطينها بانستغرامج










حلو الديكور




المنيو
صح طلع بيت المأدبة




طلبت مضبي دياي والبنات نفسي ومنال طلبت مقلوبه

وسألت الجرسون الصحن يكفي كم واحد قال نفر واحد قلنا يلا جيب

شوفو








كل صحن يكفي اربع اشخاص خاصه العيش





وايد زاد والله قلنا له حطه سفري وعطيناه العمال بره وايد عمال

طلعنا ورحنا محل هزاز




يمه مطعم زوارة الكويتي






المحل كبيييير وضيعت نفسي بين المواعين ههههه













هذيل شريتهم وغيرهم مواعين بس مو وايد بس طولت





زيونه حلت لها الاسفنجات هني تقول بنام






رحنا بعد محل خمسة ريال ما صورته بالمرتين وايد شغلات حلوه عندهم اخذنا منهم ماصورت لانه زحمة ناس

نكمل معاكم



وطبعا للراحة رحنا العثيم مول




البنات اخذوا قهوة


















وانا قلت حق زيونه تعالي معاي





والوناسه الف













اخذنا كرت ب 100 ريال ويصير ب 300 ريال مجانا


كاتبين الطول المسموح 130 جان تقول زيونه انا مايصير قلت لها خل نشوف الريال وقال الريال عادي لان في يهال صغار مدخلهم



ولعبتها هذه






وهني ركبت مع غنومه





هذه اللعبه اعتقد يوقفون فيها ما شفت احد لعبها




وهذه تخرع





وحركات الجمباز












حركات الزين


تقول انا مو بيبي وانا بخلص بس الكرت مو راضي يخلص




رحنا حق البنات لقيناهم قاعدين مع حسين في كافيه لادوفا

واشتريت لي وحق الزين حلو وقعدنا معاهم طالبين قهوة عربيه































تقول بقعد بكرسي البيبيات هههه



طلب حسين










صلينا وريحنا شوي عقب






رحنا عقب محل امازون وما فترينه فيه وايد بس شوي البنات اخذوا اكواب قهوة حلوين

ومن امازون رحنا محل حلويات البريكي فيه حلويات قديمه وتصلح حق القرقيعان







علج القطوة











































وصار وقت العشا شافو هرفي قالو نبي هرفي وزيونه شافت الالعاب وقعدت تلعب















غرفه لاعياد الميلاد








المكان مثل الغرف حواجز خشبيه للعوائل







تعبت تقول

ووصلت طلباتنا اللي طلب دياي واللي بورغر














وخلاص صار وقت الردة للديرة

وقفنا عند المحلات اللي قبل الجوازات وشرينا كرك للطريج



شوو حااار




فيديوات

https://youtube.com/shorts/To5bXOiXtfA?feature=share


https://youtu.be/EQ27RGwQc3k




https://youtube.com/shorts/kBIHua9AkC8?feature=share




وكانت رحله حلوة في اليومين وتغيير جوو وشفت وايد تغيرت الخفجي كثرت فيها الفنادق او نقول الشقق الفندقيه الكافيهات الحديثه وطبعا احنا لازم نمر الصيدليات اسعار الادويه ارخص من الكويت

ياسلام ام حسين رايحين ورادين وسوالف و وناسه 🙏🏽🤣
عليكم بالعافيه حلوه كسرة الروتين
ان شاء الله امرها على يوم وانا بالشاليه
انا من محبين السيف غاليري والحين دريت انه في الخفجي شكلي الاسبوع الياي عندهم 😂😂