..._ وركبنا الطياره

<,,,,,,, احم احم احم >,,,,,,

77777777777777

والان سأسرد التقرير اللي كاتبته هناك بكل خطوه كنت افتح التلفون واكتب التفاصيل اللي اقدر عليها،،،،،،

.
الساعه6 رحنامطار الشيخ سعد
الساعه 19،35 دخلنا الطياره وصلنا11،15 مساءا
السفره يت فجأه من دون سابق انذار وانا راده من الدوام يا على بالي اشوف بجم التذاكر ومن شفت سعرها اسرع سريع نزلت وتغديت وجهزت ملابس للفراخ وبعدها قتلهم يسبحون ويتجهزون وانا جهزت لي ملابس واحلى سباحه سريعه ومن ثم استوداع بيتي والتوجهه الى المطار صدق ام لا تصدق اراه في عيون الفراخ

منتوش الصغير يقول ما اصدق من اركب الطياره حاضر ياسيدي ماعاش اللي مايخليك ماتصدق يابعد خشمي و حجزت وانا في المطار يعني تخيلوا وحده بتسافر وتجهز حقيبتها وتاخذ جوازات الفراخ وجوازها وتروح المطار واهي بعدها ما اقطعت التذاكر عالم ماعندهاش ضمير ماتجهز الرحله من سابق موعد
( الزهقه والملل ومايسوي )

المهم وحجزت 2 كبار مافوق12 سنه و2 اطفال
الروحه 21 د.ك ...... والرجعه 19 د.ك
الاجمالي 160 وسحبت الماستر 4،800 د.ك = 164،800 د.ك
احنا رايحين 4 اشخاص والغريب حقيبة رولي 10 كيلو بس طبعا شي عجيب ليمونه ورولي
,,,,,,,,,,,,
يوم 3/4 سحبت كاش2000 وكان عندي كاش500 درهم
وشريت من الرصاصي عطور4, وشريت من كم محل بعد يعني تسوق

** فندق الراحه سيتي ماكس قريب من امارات مول و فندق ايفوري جراند و ديونز دبل تري بلس و لافيلا

** مستشفى السعودي الالماني دبي مقابلها مدرسة الامريكيه يمين دخله ش الشيخ زايد
3/4 رحنا بردبي يهبل المكان قعدات مقابل البحر وسفن ع البحر وكله كافيهات وناسه شغاله 24 ساعه حتى من عمان ايووون
التاكسي اخذ منا بالروحه 61 وبالرده52 والمطعم 98

** الكرامه وجميرا يم بعض وبعدهم بردبي نفق الشندقه اهي اللي فيها المطاعم والمقاهي
وصلنا القريه العالميه تهبل 5 اشخاص ع 57 اعتقد
** سحبت 3000 درهم اخذنا كرسي متحرك حق اختي تامين100 بات اقصد درهم بعد تنبيه الاخ ؟؟؟
المهم اخذت نعل تكرمون كشميريه ع 35 درهم اخذت3 وبعدها رحنا قريه اليمن واخذت عبي للرمضان والطلعات السريعه والدوام احيانا ب 1170 درهم واختي اشترت 430 درهم

** بعدها اتجهنا لقريه كمبيوديا ولبنان وايطاليا اسبانيا تركيا المغرب تايلاند الصين سنغافور ماليزيا مصر ع الحلوين كل اشوي ياخذون 20 ,, 100,, 50 درهم تقول بنك متنقل المهم بعدها رحنا الالعاب عطيتهم140 درهم بس قبلها

اشتريت كستنه بلوطو اكلت وع اخر حبه تقريبا غصيت وحسيت نفسي اختنقت وقمت اكح واكح وربي ستر انه الحلوين معاي يمشون بسرعه راحو اشترولي ماي لانهم اخترعوا علي صار وجهي احمررر من كثر الكحه ابي اتنفس وابي اتكلم ماني قادره الفرخ الحبيب الكبير اشترى ماي وشربت وشربت احاول اكح ماني قادره اتكلم ماني قادره قمت اتنفس واتنفس وارفع راسي واشرب ماي واسد خشمي الى ان صار الحال اهون بس احس بعدي مختنقه ومتعلق شي في بلاعيمي قتله روح اشترلي شي اكله يمكن ارتاح راح واشترالي ذره صدمني كنت ابي خبز اي شي ثقيل عشان يمرر اللي في بلعومي المهم ماحبيت اكسر روحته وعنوته اخذت واكلت واشرب ماي وبعدها كملنا مشوارنا والحال احسن بس يشهد الله انه روحي اطلعت يمه قلبي خفت ع الفروخ ببلاد الغربه شيصير فيهم حتى اختي انا مسؤله عنها وانا عارفه اللي صار فيني من عين منو كنت قبلها في محل العبي الاسلاميه وادخلو علينا حريم من بلاد عربيه وبلاد خليجيه ويشوفوني البس واشوف في المرايا واختار الالوان واشوفهم يشوفوني قاعد اخذ اكثرمن 5 عبي واتعوذ من ابليس واقول قل اعوذ برب الفلق وع كلام ابوي كله يقول اعيالي كلهم حلوين عين الحسود فيها عود المهم واشتريت وحاسبته حتى خارج المحل قتله تعال بره المحل يعني مقابله وحاسبته ماحبيتهم يشوفون كم بعطيه وبعدها بمسافة 2 كيلو مسافة دقايق اختنقت وغصيت وشفت الموت

المهم حمدلله ع سلامتي مع العلم حتى وانا بالسفر انا اتصدق لانه قبلها بليله متصدقه عني وعن حبايبي اللهم لك العافيه ،.،.

***** قتلكم تصدققت مو تشهير بنفسي يشهد الله فعل الخير ما أحب اتكلم فيه بس حبيت اااكد لكم اهمية التصدق بكل مكان *****
.
،
.



.

.

88888 انتظروني لاحقا بتكملت التقريررررر 7777