اليوم الثاني

السبت 21 / 1 / 2023


صباح الخير
تلخبطت قعدتي اليوم
سمعت صوت الاذان بالمكرفون وقمت صليت
بدون ما اشوف الساعه والا توقيت المنبه
واقعد بوحسين مو راضي يقوم
تسننت وصليت ماني قادرة اروح الحرم اصلي

المهم عقب والا اسمع الاذان مره ثانيه ويقوم بوحسين ويتوضا ويطلع الحرم
وانا طلعت قمت على الاذان الاول
قلت لا انا غلطانه وقمت صليت مره ثانيه ويضحك علي بوحسين والبنات


المهم ريحنا عقب الصلاة ساعه وبعدين قمنا نتريق













البوفيه زحمة ناس فما صورته بس بوفيه متنوع
وهذا اختياري











هني مخي افتر اشلون المطعم مقابل المدخل وصلر التوحيد مجابلنا هني

مع ان التوحيد مجابل المدخل افتر راسي صج















لما خفو الناس صورت شوي من بعيد
















وهذا من فوق وشايفين المدخل

















ونزلنا اغراضنا وسوينا التشيك اوت وهني ننطر التشيك اوت




















وبعدين اخذنا تكسي مع عايلة كويتيه من 3 اشخاص واحنا 5 ورحنا محطة قطار المدينة


بالسيارة قلنا عن الدخول للروضة والحجز
قالت البنت ان ممكن نحجز اي يوم عادي ونبلغ اللي عند الباب ان بنسافر ويدخلونا

وهي حجزت لنا ودزت صورة الحجز لي






وصلنا المحطة اهم بيروحون المطار ودعناهم وشكرناهم









واحنا صعدنا فوق رحنا نشوف التذاكر

اللي عنده حجز ونفس وقته يدخل موجودين موظفين
واللي يبي يحجز موجود الكاونتر وخلينا دانه وابوها يحجزون واحنا قعدنا هني عند ستاربوكس

شايفين كاونترالتذاكر هناك

وفي اجهزة بعد للحجز







المشكله الموظفة اللي تحجز لنا ماتعرف وكل ما قالت لنا وقت للرحله ونوع الحجز والسعر وعلى ما نوافق تلاقي الحجز صار فل

يختي احجزي بعدين دفعي لا لما خلتنا من الساعه عشر الصبح الى الساعه 6 المساء

تقريبا قعدنا ساعه وهي مو عارفة تحجز لنا وتسأل الموظفين اللي معاها

وهذه تذكرتنا




وهذيل كلهم






وهني قلت حق بوحسين وين نحط الجناط مو معقوله نقعد كل هالساعات هني ومافي شي
خل نشوف مخزن

والا نشوف مخزن اسمه ''سبل "قال لنا اذا حطيناهم كلهم وناخذهم بعدين كل جنطه بسعر واذا تبونا نوصلهم لكم تاخذونهم عند وصولكم بمبلغ تقريبا نفس الشي
قلنا لهم خلاص وصلوهم لنا


وهذا الوصل لهم






المحطة فيها سوبر ماركت كبير وكافيهات بس قلنا نروح مول نتمشى ونرجع على موعدنا







وطلعنا ندور تكسي في قليل

لقينا تكسي صغير تداعسنا وودانا * الحجاز مول * بعد ما قلنا له نبي مول قريب

المحطة من الخارج




يتبع ..

نتابع معاكم ...



وصلنا * الحجاز مول *






دخلنا المول مول صغير ونص المحلات تقريبا مسكرة























حتى ناس قليل يتمشون فيه

ولقينا المحل الفرنسي تشرينا منه













المطاعم تحت مع العاب اليهال


































المول نظيف ومرتب ومحلاته شامله لكل الاحتياجات







اكثر مكان مستهلك طبعا مكان المطاعم والالعاب






















عقب اللف بين المحلات وطبعا التشري قليل رحنا نصلي في المصلى تحت وماشاءالله نظيف

صار وقت الغدا واخترنا الاكل الهندي يفتح الساعه 1،30 بس الحمدلله شغله جاهز لذيذ









بس ذبحنا الذبان هههه قاعدين ونهش الذبان

شربنا شاي نقعد الراس



تمشينا بعد وقالو البنات نقعد بستاربكس














وطلبنا كيكة وقهوة






دانه اشتهت السينابون




وغنومه دانكن دونتس وقهوتهم










البنات كانو رايحين مكتبة جرير بس مالها مدخل من داخل السوق لازم يطلعون بره








هذيل الفود تركس كانو في مواقف المول عند جرير






وبس صارت الساعه اربع ونص قلنا نرجع المحطة

وهذا من الطريج من المول للمحطة ونفس الشي ما حصلنا سيارة كبيرة تداعسنا












اخيراا لقيت البيوت اللي على الجبال تذكرت اول روحه لمكة كانو وايد





يتبع ..

ماشاءالله تقبل الله طاعاتكم
متابعين رحلة جميلة وان شاء الله دخلتوا الروضة الشريفة الله يتقبل

تقبل الله طاعتكم
امس رجعنا من العمره رحنا يومين مكة ويومين المدينة
الزحمة واااايد قالوا لانه السعودية عندهم عطلة
وشهر شعبان زحمة
لكن اشوف حتى بوقتكم زحمة وايد

ليش مانزلتوا تطبيق hrr
هذا التطبيق لحجز القطار سهل وليقينا حجز على طول
وايد قعدتوا كل هالمدة تنطرون

شلون فندقكم ؟؟
احنا سكننا في موفنبيك هاجر بالابراج سعر الليله 2000 ريال
وللاسف الفندق سيئ جدا أثاث الغرف متهالك جدا والسجاد في ريحة والحمامات مستهلكه واااايد
قيمتهم في بوكينغ 1