مكة والمدينة
الجمعة 20 / 1 / 2023





بجلسة عائلية قررنا انا وابوحسين والبنات نروح العمرة ونبي نروح المدينة
يلا حددوا التاريخ قالو اول يوم عطلة نص السنة
وحددنا يوم 20 واحد وحجزنا ليلة
بمكة والمدينة ليلتين
على طيران الجزيرة من الكويت الى جدة ومن المدينة الى الكويت

الساعة 11 الا ربع موعد طيارتنا
طلعنا من البيت واتجهنا الى مطار الكويت تيرمنال 5 وهو الخاص بطيران الجزيرة
حبيته تعرفون ليش اكيد عرفتوني احب المطارات الصغيرة




نزلنا ودخلنا سيدا وهذا جدامنا




صعدنا فوق علشان نسوي التشيك ان



قالت لنا تبون ابغريد للكراسي الأماميه تدفعون بس 30 دينار
قال بوحسين يلا وراح اخذ من هالمكتب الابغريد
ورجعنا لها وخلاص دخلو جناطنا بعربات مو سير









هذه عربات الجناط





والصاله اللي فوق



البنات انزلوا يشترون ريوق




شايفين مساحة المطار ما يتعب في كاونترات تحت وفي فوق ومحلات ضروريه













ننطر البنات هني











وصل الريوق










بدينا ندخل حق البوابات

ودخلنا اول شي جبالنا السوق الحرة وكافيهيين





































































وعقب ما جددنا الوضوء ونوينا العمرة دخلنا صوب بوابتنا وكان في رحلتين وحدة حق مصر ووحدة جدة


يتبع ..

نتابع ...



ودخلنا صوب البوابات




راحو اهل مصر واحنا وراهم



وممر السعادة




ممر السعادة يطلعنا على ممر منحدر ننزل ونركب باص







وطيارتنا بانتظارنا








وهذه اماكنا جدام واسع وجدامنا مكان المضيفات والكابينة





بانتظار ركابهم




انا وابوحسين ويمنا واحد والبنات بالصوب الثاني








ومشت الطيارة على الموعد ماكو تآخير



ياحلوها من ديرة ربي يحفظها 🇰🇼🇰🇼🇰🇼







والمطار الجديد من فوق




نفتح المجلة من زمان ما شفنا مجلة المبيعات في طيارة










































حلوين اللي فيهم طيارة

























نسيت اقول الحجز بدون اكل
البنات اطلبوا قهوة وشاي وانا قلت ابي بس ماي طلع الماي مجاني


وصور من فوق تقريبا جدة













































يتبع ..

متابعين معاج ام حسين

ماشاءالله تقبل الله منا ومنكم صالح الاعمال
متابعين

نكمل ...



وصلنا مطار جدة القديم احبه بعد لأن صغير ما يتعب







البنات ماشاءالله متعاونين وبسرعه خلصنا وكان في شباب بعد








وسير الجناط يمنا







واخذنا تكسي من المطار














السيارة جديدة وصاحبها رجل خمسيني تقريبا وسياقته راكدة ممتازه بدون سرعه وتهور

























مرة نلبي ومرة نصور




























الخضار من الامطار

















ووصلنا مكة صح








لازم زووم




وصلنا فندقنا حياة ريجنسي جبل عمر
اول شي نتقهوى على ما نسوي التشيك ان









واللوبي


























والى الاصنصيرات للغرف




يتبع ...

نكمل عقب ما وصلنا...



طبعا على ما وصلنا الفندق الا صار تقريبا وقت صلاة العصر
احنا صلينا

وهذه الغرفه اعذرونا على العفسه صورتها عقب ما ريحنا














وصورت لكم تكرمون حمام الغرفة

























رحنا نتغدى لان البنات ينطرون غداهم طالبين من الفندق

وانا وابوحسين نزلنا حق السوق طلبت انا من الطازج لان دور الرياييل طويل




كل المطاعم زحمة ومافي مكان نقعد قال بوحسين انا انطر الاكل وانتي روحي ورحت الغرفه وهذا اكل البنات









عقب الغدا وقبل صلاة المغرب بساعه تقريبا طلعنا نعتمر

اول شي بوحسين شاف ريال عنده كرسي واتفق معاه ان يطوفني واكمل السعي وبعدين يرجعني الفندق

والبنات راحو مع ابوهم

المهم الحين تصويري

والى ممر الكراسي المتحركة









واحلى صورة من صوب الممر




المهم صليت ركعتين دخول المسجد
ولفينا لفة اخذت تقريبا نص ساعه من الزحمة ما نقدر نمشي وبنص اللفة الثانية سكروا الشرطة وقالو صلاة المغرب وظلينا عقب الصلاة كملنا






الزحمة




خلصنا الطواف من بعد صلاة العشاء لان نفس الشي وقفونا قبل الصلاة بعشر دقايق


بعد الطواف صليت وهني قلت له بشوف الكعبه وماخلونا الشرطة نقرب على الحاحز كله من بعيد بس شوفو الزحمة اشلون تحت








زحمة حيييل من كل ديار المسلمين اللهم زد وبارك







والى المسعى الحمدلله اهون
لان ممر الكراسي اخف








وهني راجعين جهة ممر الكراسي بعد السعي




وقلت له ابي اشوف الكعبه مره ثانيه ونفس الشي ما خلونا نقرب من المطل








































وهذا ممرنا اللي صعدنا منه والحين راجعين
جهة توسعة الملك عبدالله












[IMG]https://www.arabtrvl.com/up/uploads/arabtrv
l167709692175423.jpeg[/IMG]


















وصلني عند باب الفندق وعطيته اجرته ودخلت والا لقيت ربعي خايفين علي ليش اني تآخرت عليهم ههههه


قلت لهم انتو تحت وانا فوق واللفه دبلات عنكم مع انهم واصلين قبلي بساعه يمكن

البنات قالو دخلنا من الحواجز للمطاف تحت لان كان مسكر فوق وطبعا ظلوا يطفون عند الاطراف والا بوحسين لا داخل داخل قريب من الكعبه وهو خلص اسرع واحد
والحمدلله قصرت من شعري بالفندق


وهذه من تصوير البنات



















صورتي






والبنات







تصويري للممر بعد التعب هههه شايفين ايدي ترجف
صج حتى لو على كرسي بس الديسك ذبحني


رحنا حق الريسبشن نبي نبلغهم على حجز القطار للمدينة حجزنا بالتطبيق واخذوا الفلوس وبعدين قالو ماكو مكان



رجعوا الفلوس عقب يوم
هذا من اللوبي








وطلعنا نتعشى


رحنا المطاعم انا والبنات طبعا بوحسين متعشي وخالص

الزحمة موجوده





















تعشينا هارديز وسيدا الفندق تعبانين وهذا تصوير واحنا نازلين من دري السوق

ما قدرنا نتمشى




















هذا تحت فندقنا بالمدخل








هذا يمين المدخل




هذا يسار مدخلنا








كراسي الكافيه

في برجين نفس المدخل يمين ويسار احنا مدخلنا يسار


وطبعا عيزنا واحنا نبي نحجز لزيارة الروضة الشريفة ماكو حجز





وخلص يومنا الاول بعد تعب ونومة مريحة بعد الحمام الدافئ

فيديو

https://youtube.com/shorts/KgImHbna7_0?feature=share





والى اليوم الثاني

ما شاء الله تقرير جميل