04-05-2023, 12:55 PM
|
#12 |
مسافر جديد
تاريخ التسجيل : Dec 2019 رقم العضوية : 39243 الدولة : السعوديه الجنس : ذكر المشاركات : 68
| 
 |
السلام عليكم ورحمة الله وبركاته اخواني واخواتي الأعزاء اعضاء منتدى العرب المسافرون العريق.
معاكم ابو لانا يمني مقيم ومن مواليد المملكة العربية السعودية الحبيبة وعضو مميز سابقاً في منتدى العرب المسافرون القديم, كنت عضو فعال في بوابة اليمن وبوابة امريكا وكان في اثنين من الأعضاء وقتها ساعدوني كثير وهم المبدعين IMPACT و أبو سعود. انقطعت أخبارهم مع المنتدى القديم.
بنقل لكم تجربتي في استخراج فيزا سياحية لأمريكا من الرياض...
بالبداية سبق لنا زيارة أمريكا أنا وأم لانا الغالية في عام 2013 وعيالي كانو صغار ومانقدر ناخذهم معانا فتركناهم مع أمي وعمتي, رحلة عام 2013 كانت من الخيال ولا اخفيكم في كل مرة نشوف الصور والفيديوهات نشتاق للسفر. فقررت اني ازورها مرة ثانية واخذ البنوتات وامهم معي. قريت تقارير الاعضاء بالتقديم على التأشيرة واكتشفت ان الجميع يواجه صعوبات وخاصة اللي قدمو في الفترة بين 2021 و 2022 أن 95% من الطلبات تحول على الإجراءات الإدارية مهما كانت الجنسية وتآخذ وقت طويل, وفي سنة 2023 الحمد لله شفت الكثير صدرت لهم التأشيرة وكأن المياه عادت لمجاريها مثل أول وقلت خلاص هذا الوقت المناسب اني اقدم فيه وكان في بداية يناير 2023 وتوكلت على الله وجهزت نفسي واخترت أقدم في الرياض بحكم اني بكون متواجد وقتها هناك. عبيت نموذج التأشيرات عددنا 4 ونوع التأشيرات سياحية B1/B2 وبعد ماكملت النماذج وعبيتها بشكل صحيح ودقيق 100% دخلت على موقع حجز المواعيد وتفاجأت بأن المواعيد متأخرة تقريباً 3 شهور وكان اقرب موعد في نص مارس 2023 توكلت على الله وحجزت وقلت بدخل كل يوم اشيك على اعادة الجدولة يمكن تظهر مواعيد اقرب, هذا رابط يوريك متى اقرب موعد: https://travel.state.gov/content/tra...ait-times.html
وفعلاُ بعد تقريباً 10 أيام لقيت مواعيد جداً ممتازة وأخترت تاريخ: 16 فبراير الساعة 8:45 صباحاً. وصلنا قبل الموعد بـ 30 دقيقة وبلغونا نحط ورقة التأكيد داخل الجواز لكل واحد على حده, وشاف ورقة الموعد وقال تفضلو ودخلنا وكان فيه استقبال اخذت الموظفة اوراق التأكيد مع الجوازات (ملاحظة: انا كنت جايب كل الجوازات القديمة كإثبات اني رحت امريكا قبل وأوروبا ودبست الجوازات مع الجواز الحالي) طلبت مني موظفة الإستقبال اني اشيل كل الجوازات القديمة وانهم مايحتاجوها وشلت الدبابيس من الجوازات وحطيتها بالملف عندي, بعدها اعطتنا رقمين واحد للبصمة والثاني للمقابلة وانتظرنا دورنا.
عندي نصائح للجميع وقت التقديم:
- جيب معاك ملف تحط فيه كل اوراقك ويكون سهل الفتح
- لاتدبس الجوازات القديمة بالجواز الحالي, جيبها وحطها عندك احتياط بالملف اذا طلبوها
- شيل اي ستيكر ملزق خلف الجواز سواء كبير او صغير لان جوازاتنا كانت مليانة ستيكرات وبلغتني الموظفة بالاستقبال اني اشيها واتبهذلت شوي وكانت الجوازات تتلزق باليد.
الأوراق اللي جبتها معي:
- تعريف بالراتب
- كشف حساب 3 شهور انجليزي
- قسيمة الراتب 3 شهور
- ورقة الموعد
- ورقة الأبليكيشن (التأكيد) للجميع
- أصل الجوازات والإقامات
- تأشيرات الخروج والعودة
- الجوازات القديمة
- شهادات الميلاد
- صور الجواز الصحي لتطعيمات كورونا للجميع
- التأمين الطبي
- العنوان الوطني
- فلوس كاش + بطاقة البنك لأن الجوال ممنوع دخوله
ماخليت شي الا جبته من باب الإحتياط 
صفينا بالطابور وانتظرنا دورنا وجا رقمنا للبصمة, سوينا البصمات وتأكد من الابلكيشن تبعنا والصور وطلب مني صورة بنتي لأن الصورة بالسستم كانت مش واضحة ولكن قال لي خلاص مااحتاجها (زين جبت الصور معي  احتياط).
بعدها انتظرنا بالطابور الثاني الخاص بالمقابلة والموظف قال لنا روحو للكونتر هذاك ووصلنا وكانت موظفة جداً طيبة أمريكية سمراء وجهها يفتح النفس ومبتسمة وكانت الأسئلة كالتالي (طبعاً المقابلة باللغة الإنجليزية وهذا شي ضروري جداً للجنسيات العربية.
الموظفة: مرحباً
انا: مرحباً
الموظفة: اعطيني جوازاتكم
انا: اتفضلي
الموظفة: ليش رايحين أمريكا؟
أنا: سياحة
الموظفة: هل سبق لك زيارة أمريكا؟
أنا: نعم في عام 2013 انا وزجتي فقط بدون بناتي كانو صغار.
الموظفة: كم بتقعدو هناك؟
أنا: 13 يوم من غير يوم السفر والعودة وبتكون من تاريخ 20 ابريل الى تاريخ 5 مايو, وبنقضي 4 ليالي في نيويورك و 7 ليالي في اورلاندو مع يومين السفر والعودة بتكون 13 يوم.
الموظفة: كم راتبك؟
أنا: ذكرت الراتب.
الموظفة: عندك تعريف من العمل؟
انا: أتفضلي.
الموظفة: شكراً لك, تم قبول تأشيراتكم ويرجى التوجه إلى الكاشير لدفع رسوم اضافية على الجوازات اليمنية اسمها رسوم المعاملة بالمثل Reciprocity Fees.
أنا: شكراً جزيلاً.
توجهت للكاشير ودفعت مبلغ 456 ريال (114 ريال عالجواز الواحد) وانا ضارب حسابي جايب فلوس كاش والبطاقة البنكية, سددت الرسوم وكنا فرحانين كثير انهم وافقو علينا.
المقابلة ماأخذت ولا 5 دقايق ولا طلبت مني ولا شي غير تعريف الراتب فقط, قدمنا طلبنا في 16 فبراير وفي تاريخ: 20 فبراير تغير الحالة إلى Issued لزوجتي والبنات واستلمت عدد 3 رسايل من ارامكس ووصلت 3 جوازات؟!؟!؟  طيب وأنا ؟؟!؟!!  شيكت على حالة طلبتي مكتوب Approved وبعدها بيوم او يومين حالة الطلب تغير إلى Application Received  وبعدها بتقريباً 3 ساعات بس تغيرت الحالة إلى Approved  وجات عطلة يوم التأسيس ولا أي تحديث منهم وانتظرت تقريباً 10 أيام عمل من آخر تحديث ونفس الحالة Approved وماتغيرت فقررت ارسل لهم ايميل وارسلت وردو بسرعة خلال نص ساعة والرد كان ان نعتذر عن التأخير ولكن جوازات قيد الاجراء حالياً وفور الإنتهاء سنرسل لك رسالة.
أنا وقتها قلقت وقلت شكلي بدخل اجراءات ادارية وبطول شهور والرحلة والاجازة خربت علينا وش فايدة عيالي عطوهم وأنا لأ؟ بعدها ارسلت رسالة خاصة للأخ العزيز ابو معتز وبلغني ان اموري طيبه ولا تقلق وان شاء الله تصدر لك التأشيرة.
وبتاريخ: 12 مارس الظهر شيكت على الحالة والحمد لله تغيرت إلى Issued وبعدها بيوم وصلتني رسالة من أرامكس ان عندي شحنة بالطريق وبعدها بيومين او 3 وصلت الشحنة واستلمت جوازي ولله الحمد.
مدة التأشيرة سنة واحدة متعددة للجميع الحمد لله.
(اختصار للمعلومات)
الجنسية: يمني مقيم ومواليد السعودية.
مدة التأشيرة: سنة متعددة للجميع.
وقت استخراج التأشيرة: زوجتي وعيالي 3 أيام و انا تقريباً شهر.
أتمنى لكم أخواني وأخواتي التوفيق وأن تصدر تأشيراتكم في أقرب وقت.
آسف على الإطالة وسلامتكم... أخوكم أبو لانا. | |
فتحت الموقع المذكور لاعادة جدولة الموعد ومعرفة توافر موعد قبل تاريخ مقابلتي ولم اقدر ع التعامل معاه ممكن شرح مبسط مختصر كيف اعرف استعلم من الموقغ المذكور |
|  |
21الاعجاب
العرض العادي
المواضيع المتشابهه 
