مرحبا جميعا

باذن الله اذا كتب ربي راح نسافر انا وعائلتي(زوجين و 3 اطفال اعمارهم 10و8و2) لاوربا بالصيف
وهذي اول زياره لنا لاوربا
حابه رايكم بالمخطط وودي تضيفون رايكم اللي مانستغني عنه
التاريخ بيكون في نهاية جون او بداية جولاي


الوصول باريس 4 ايام
ثم
جنيف 3 ايام
ثم
انترلاكن 7 ايام
ثم
زيلامسي 5 ايام
ثم
ميونخ 3 ايام ثم العوده لارض الوطن

التنقلات راح نستاجر سياره ( ماعدا باريس) راح ناخذ السياره اخر يوم في باريس ونسافر الى جنيف فيها ونسلمها في ميونخ

1- احتاج رايكم في البرنامج ولو شفتوا شي غلط او ازيد او انقص ايام ياليت تقولون لي - طبعا السفره تمشيه وريلاكس واهم اهم شي الاطفال واشياء تناسبهم وتونسهم
2- والفيزه سويسريه - لازم صح؟
3- افضل خطوط وسعرها معقول من الرياض لباريس؟ وكيف احجز بحيث مدينة الوصول غير عن العوده
يعني كيف احجز الرياض باريس - مينوخ الرياض - احجز تذكرتين منفصله لكل شخص ؟ ولا فيه طريقه؟

شكرا لكم جميعا استفدت كثير منكم