| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( أبو عبدالهادي و رحلة أمريكا 2024 )› بقلم : ابو عبدالهادي
- ‹( أبرار وأختها في مغامرة مونتينقرو )› بقلم : q8ya metnaqla
- ~|[= تركيا في فبراير .. ثلج وأمطار =]|~ بقلم : ClownMask
194الاعجاب |
| | LinkBack  | أدوات الموضوع | انواع عرض الموضوع |
02-05-2023, 11:18 PM
| #11 |
| مسافر متميز   تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 285 | 
شكراً جزيلاً  بإذن الله بتروقون و أنتم تتفرجون على التقرير  حيّاك الله ..
|
|  |
|
02-05-2023, 11:21 PM
| #12 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 285 |
هلا و سهلا و مرحبا و مقربا  يا بعد رآسـي والله ، يسعدك ربي حيّاك الله يا عيني
|
|
| |
|
02-05-2023, 11:23 PM
| #13 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 285 |
أهلاً و سهلاً شكراً جزيلاً  بإذن الله تنبسط بالتقرير  حيّاك الله ..
|
|
| |
|
02-05-2023, 11:28 PM
| #14 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 285 |
الله يجزاك خير .. شكراً جزيلاً والله صدق ، كنت أتلفت أقول هه يمكن تصير فيه  بس أحتري أحد ينادي أبو حسين أو أم حسين عشان ألقطهم !فعلاً كانت تجنن ، صدقاً كنت متخوفة إني أكرهها و عاد إذا كرهت المكان ما أقدر أطلع  ، أقعد بالفندق لما أرجع ، بس الحمدلله كانت ثالث أجمل دولة زرتها ، و تحتاج رجعة و لكن بأيام أكثر  حياك الله ..
|
|
| |
|
02-05-2023, 11:34 PM
| #15 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 285 | 
حيّ الله أم حسيييييييين  تراي جديدة في الصنعة ، يدوووووبك تقرير و نص  ، كيف أجزئ ؟ يعني كل يوم أخليه برد لحال ؟ أو كيف ؟آووووووووه يالله أقرب إجازة لازم نزور الكويت إلا يومين أخذناه بس عشان الصور الكثيرة و ما أبغى أكرر صور الباص ، حاولت ما أحطهم إلا مرة ، أخذناه بـ 4 مارس وَ 6 مارس ..
|
|
| |
|
02-05-2023, 11:39 PM
| #16 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 285 |
إيــــــه فيلم الطفولة و المراهقة و العجوزية رحت له الحمدلله ، شيء مو طبيعي السوق الصيني مرة ماكان في المخطط ، بس دخلناه صدفة و كانت صدفة حلوة .. الله يعافي قلبك  و قبة الألفية فيها محلات كثير ، بس الأكثر رياضية ، ففعلاً كانت حلوة و أخذنا أغراض منها .. و الدوام كنت قايلة أبغى إجازة بس شرطوا علي أشوف الإيميل دائماً و إذا فيه شغل أسويه  حوموا كبدي 
|
|
| |
|
03-05-2023, 05:35 AM
| #17 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 285 |
نعتذر عن الإنقطاعة  و لكن للحين نومي ملخبط  8 مارس The making of harry potter  WELCOME TO HOGWARTS       هذا اليوم عاد يوم البوتر هيدز .gif "(34)") ، أنا و أمي و أختي ثلاث أرباع جيّتنا للندن عشان هاري بوتر .gif "(141)") ، فعلياً أهم مشوار لنا !لما تأكدت رحلتنا و حجزت لكل شيء ، جيت أحجز تذاكر لأستديو هاري بوتر ، لقيتها مخلصة  ! تواصلت معهم عن طريق الإيميل ، و قالوا لي أحجز عن طريق Golden Tours ، و إنها شركة سياحية مضمونة .. دخلت و حجزت و اخترت مع الحجز مواصلات ، رايح جاي  !طبعاً فيه كذا خيار ، تبي باص أو سيارة خاصة ! و الفرق بسيط جداً ، جيت بآخذ السيارة و لكن التاريخ الوحيد اللي متاح كان 9 مارس ، و 9 مارس كان وقت التشيك آوت من الفندق ، قلت خلاص باص .. و الحمدلله خيرة ، كان يجنننننن .gif "(127)") ! الباص من برّا كله عن هاري بوتر .gif "(149)") ، ملصقات و كلمات و رسومات ، حلوووو .gif "(60)") ! و كذلك يعرضون فيلم هاري بوتر للي حاب يتابعه قبل يوصل ، و كذلك فيه شاشات صغيرة على الكراسي للي بيلعب أو يتفرج على شيء ، بكذا لغة .. و الباص نظييف نظيييف نظيييف .. و أخذنا الباص حق الساعة 8:30 الصباح .. و بالنسبة لمكان الإنطلاق ، يا فكتوريا ستيشن ، أو بيكر ستريت .. حنا بفكتوريا ستيشن و كانت محطة الباص تبعد فقط 4 دقايق مشي من الفندق .gif "(41)") .قمنا الصباح و كان فيه ثلج يجنننننن  ! و الجو جو أفلام هاري بوتر صدق .gif "(3)") ، ثلجججج بسيط و برد لطيف ، و عشان يكمل الوضع أخذنا لنا هوت تشوكليت من Notes coffee roasters ! طبعاً ما أشتهيه بس حسيت المشهد لازم يكمل ! و حركنا للباص .. لما جينا بنروح للمحطة عشان نطلع من الجهة الثانية لقينا محل يبيع فطائر أتوقع ! الزيدة إختي قالت إنها تبي منه ، و تحسّفت مرة ، تقول طعمه كرم الله النعمة تعيس  !    المهم وصلنا للمواقف تبع الباص ، و لما دخلنا أعطونا أساور و عليها وقت الرجعة ، و قالوا عادي حتى لو ما خلصتوا خوذوا الباص اللي بعده أو أي باص يكون موجود . طبعاً أختي الصغيرة رافضة تماماً تجي .gif "(123)") ، تقول لو ملاهي أجي عادي ، بس ما يهمني كيف صنعوا الفيلم .. جلست و جلس أبوي معها .. و كان عندها كلاس رسم مؤجل لأنه كان بيوم سفرتنا للندن .gif "(158)") ، فقالت لها الأستاذة بيكون آون لاين  ، و طلبت من أستاذتها يكون بهاليوم عشانها قاعدة في الفندق  .و صلنا و كنا منهارين صدق   ، من يوم وصلنا و هم مهتمين بأدق التفاصيل  ، الجدار تبع المواقف كان عليه ملصقات ، و الممر اللي نمشي منه كان فيه العصا السحرية تبع الشخصيات ، و في المدخل كانوا حاطين لعبة الشطرنج الموجودة في أول جزء ، كبيرااااااة .gif "(148)") ! لمّا دخلنا و كانوا مشغلين الموسيقى و الشخصيات الرئيسية موجودة في الجدران انهرت أنا و أختي .gif "(39)") و أمي كانت ودّها تنهار بس تقول استحيت من الله  ! بس الصدق كانت مشاعرنا متدغدغة ! كنت أحسبني غريبة أطوار ، إلين شفت العالم منهارين مثلي   ! الصدق أحس هالمكان ما يجيه إلا اللي يحب سلسلة الأفلام ، اللي بيجي و هو مو مهتم بيطفش ! لأنه مو مهم بالنسبة له كيف صنعوا الفيلم !       و هذا المقى تصميمه نفس تصميم علبة تشوكليت موجودة في الفيلم تقهوينا بعد ما خلصنا     الكوفي مسوينه على شكل هالحلاوة  يوم شفته غرفته اللي تحت الدرج تقطع قلبي     مرة أعجبني كيف عيّشونا بعض المشاهد المهمة ، بجميع التأثيرات ، إن كان أصوات أو ألعاب نارية أو إضاءة ! فعلاً كان ممتع ممتع ممتع ممتع  ! و حلو لما نشوف ملابسهم اللي فعلاً كانوا لابسينها في المشاهد ، و كيف يسوون لهم الميكب .. و حلو حركة الجواز اللي حاطينها ، بعد ما تخلص من أي مكان تختم الجواز .         قبل هاللقطة كان ممنوع التصوير  ، لأنهم مسوين حركات سحرية و ما يبون الناس يشوفونها ، فماراح أقولكم عنها ، عشان اللي يبي يزورها يتفاجأ و ما تخرب عليه المفاجأة  و هنا المكان الخاص بجريفندور !    عاد هذا بيت هاجريد     مانيب قايلة لكم هذولا مين ! عشان ما تتقطع قلوبكم .gif "(88)")  كذلك ورونا كيف صنعوا بعض المشاهد و إنها حقيقية مو مونتاج  ! زي إنهم استعملوا أكثر من 5000 رسالة في الجزء الأول ، و جابوها لها جهاز يدفعها من فتحة البريد في الباب ! و كيف هاري بوتر يختفي لما يلبس العباية عن طريق الخلفية الخضراء ! و أغلب السيارات و الدراجات اللي استعملوها حقيقة و موجودة في حال أحد يبي يصورها .gif "(90)") !         البنك        سيارة و بيت محزم هاري المليان عائلة ويزلي   في الجزء الثاني لما أولاد ويزلي هرّبوا هاري من بيت خالته .gif "(49)") ، و جابوه لبيتهم و دخل للبيت ، انصدم منه و إن كل شيء يسوّي نفسه ! في الإستديو صنعوا نفس المكان و يخلّون الزوار يضغطون الأزرار و تتحرك الأشياء نفس الفيلم ! و هنا مكتب دمبلدور للي مُش عارف هذا مدير كبير .gif "(89)")  كان كل شيء حلو  ، و التجارب اللي يسوونها لك تجنن ! و طبعاً و أهم شيء جربنا البتر بير ، لذييييييييييييذ لذيييييييذ ! كان فيه منطقة خارجية ، فيها أهم الأماكن اللي في الفيلم  .. و فيها أهم مكان البيت اللي ساكن فيه هاري بوتر  ياربّي يا القفا تعذب إلين قال بس         دآيقووووووون آلــــي      و هنا إبداع الفنانين اللي فانز لهاري بوتر     و هنا محطة القطار دائماً كنت ودي أروح لهوجورتس فيها      كل كبينة في القطار كانت مشهد من كل جزء صوروه في القطار ، الحركككة تموووووووووووت  المشهد الأول من الجزء الأول .. و المشهد الأخير من الجزء الأخير ..  والله لو أقعد أسولف من اليوم إلى بكرة ماراح أخلص  ، و أنتم بتطفشون  !بعد ما خلصنا أخذنا اللي نبي من المحلات و جربت كل الحلويات اللي طلعت في كل الأجزاء ، و طلعنا نتقهوى في المقهى الموجود .. مرة كان ودي في الآفتر نون تي تبعهم ، بس محجوووووز لآخر وقت ! خلصنا و رجعنا و وصلنا تقريباً الساعة 6 الليل ، لأن الثلوج و الأمطار كثرت  .               يالله كل واحد يآخذ له عصا ! و هنا يحفرون الإسم على الدفتر للي يبي .. صح نسيت أقولكم الأسعار ، سعر التذكرة العادية من Warner Bros كانت بـ 52 باوند ( 237 ريال ) للشخص و فيه أنواع و أشكال تذاكر .. و نفسها من Golden Tours بـ 113 باوند ( 515 ريال ) للشخص بس مع مشوار الروحة و الرجعة .. طبعاً فرق بس أستاهل لأني ما حجزت بدري !
|
|
| |
|
03-05-2023, 02:24 PM
| #18 |
| مسافر جديد تاريخ التسجيل : Oct 2022 رقم العضوية : 47825 الجنس : انثى المشاركات : 59 |
|
| |
|
03-05-2023, 09:52 PM
| #19 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 285 |
الله يعافييييك يا قلبي 
|
|
| |
|
04-05-2023, 12:36 AM
| #20 |
| مسافر متميز تاريخ التسجيل : May 2022 رقم العضوية : 46678 الدولة : 사우디아라비아 الجنس : انثى المشاركات : 285 |
9 مارس The Regent’s Park يوم التشيك آوت من الفندق الأول ، و التشيك إن للفندق الثاني ، عطونا وقت إلى الساعة 1 الظهر ، نزلنا أغراضنا عشان نرتاح و خليناها عندهم ، لأني واعدت السواق يجي 2 .. طلعنا و قررنا نجرب محل دونات بعد كان تقييمه عالي وَ مقهى مختص كذلك ، و يبعدون عن بعض حول 10 دقايق ، وهذا كان فطورنا .. جاء السواق و هو نفسه السواق اللي أخذنا من المطار ، و لكن اتفقنا أنا و هو على سعر آوبر و وافق .gif "(92)") .و صلنا للفندق الثاني و كان التشيك إن لسى ما جاء وقته ، نزلنا أغراضنا و قلنا نروح للريجنت بارك ، قريبة . الفندق بجنبه على طول بلازا ، مرة حلو و فيه جلسات و روقان جداً ، فيها مطاعم و مقاهي و ماركت تبع مارك آند سبينسر ، و البلازا فيها قناة مائية ، قناة Paddington Basin ، إلى هنا الوضع جميل جداً ، إلى إن قررت أمد الخطى شوي و نروح للحديقة ، يوم طلعنا من البلازا تفاجأت إني بشارع العرب  ! يالله كيف انصدمت ! ما توقعته نهائياً بهالقرب ! إذا بنروح لباركر ستريت ما نحتاج نمر منه أبداً و كذلك ريجنت بارك ، و لكن أي شيء ثاني لازم نمر ، مرة ضاق صدري ! كنت أشوفه و أنا في الباص و أقول أمبيه شنو هذا  ! لعلّي صرت في وسط الأمبيه شنو هذا ! غلطة الشاطر بعشر ! لا أحد يزعل و لكن دائماً ضد السكن في شارع العرب في أي مكان ، حتى المرور فيه يكون سريع سريع و أحياناً ما نمر حتى  !المهم رحنا للحديقة و الجو ضبااااااب يجننن ، تمشينا كثيييييييير                   و تقهوينا بالمقهى الموجود هناك .gif "(1)") ، و بدأت تمطر بقوة ، و رجعنا عشان التشيك إن ..      هذا قاعد كأنه حارس  وترنا   كان الوقت معدّي مرة ، بس قلنا نخلص و نآخذ راحتنا و نتمشى و نرجع .. و حنا راجعين وقفنا في فايف قايز اللي ببيكر ستريت ، و أكلنا هناك ، و بعدها رجعنا للفندق .. و صلنا للفندق و بعد كل هالوقت الغرف ما جهزت ! و انتظرنا ربع ساعة عشان يستوعبون أول استعياب ، و بعدها ما عرفوا يطلعون الحجز حق الثلاث غرف ! و بعدها ما استوعبوا إني طالبة غرفتين بسرير مفصولين ، و واحد بسرير كينق ! و كنت أوريهم الحجز ببوكنق و يرجعون لي بحجز عائلة ثانية ! أخذ الموضوع ساعة ! و أقولهم عطوني اللحين غرفة عشان الوالد أبيه يرتاح ، و كانوا متلخبطين جداً ! قلت لأمي و أبوي يطلعون يتمشون لما أكلمهم .. لأن أبوي شخص بارد جداً و عادي مرة يصبر لليوم الثاني ، و أمي ما تحب أحد يآخذ حقها ، عشان كذا خفت يتوترون و قلت لهم يروحون للسوبر ماركت يجيبون موية و تشوكليت إلين يحلّها الله .gif "(38)") .. و رجعت للموظفين ، لما جهزوا الغرف قالوا يالله ادفعي ! وقتها صرخت عليهم و طلعت حرة إني بشارع العرب فيهم ! قلت هل متعودين تحاولون تسرقون اللي يجونكم عشانهم عرب و أكثرهم ما يناقشون !؟ حجزي مدفوع كامل و أي استهبال أنا أكلم الشرطة و أكلم سفارتي  ! جاء المدير و كان من جنسية هندية ، قال معليش بس فيه مشكلة مع حجوزات بوكينق و مو ظاهر لنا جميع المعلومات ! قلت هاذي مو مشكلتي أبداً و كذلك كلامك غير صحيح ، ما فيه شيء اسمه المعلومات ما تطلع كاملة ! المبلغ واضح مدفوع ، كيف تقولي ادفعي مرة ثانية .gif "(111)") !؟ و تأخرت بالدخول و برجع أطالبكم بالساعات اللي ضيعتوها لي ، بس اصبروا علي أرتاح و أفضى لكم .. اعتذر و قالي الموظفة جديدة و مدري إيش ! الموظفة كانت أفغانية ! و وقتها هي جالسة تدور و تفتح الجهاز و تحوس ! صرخت عليها و بعدّتها عن وجهي ، بس تدور  ! رحنا للكمبيوتر و المدير معي و جاء موظف ثاني هندي ( مافيه ريسبشن ، الأجهزة موزعة على طاولات في اللوبي ) ، طلعت لهم حجزي في كمبيوترهم ، و وريتهم إنه واضح مدفوع ، كيف تبون تسرقوني .gif "(59)") !؟ حطوها في الموظفة الأفغانية و إنها دلخة ! قلت اللحين برقى للغرف و بشوف وش أسوي في الموقف اللي سويتوه ! المهم أخذنا المدير للغرف ، الغرفة حقت الوالد وضعها تمام .. دخلت أمي و أختي الصغيرة غرفتهم و جت أختي بترمي المناديل في الزبالة و أنتم بكرامة ، لعلّ الزبالة ما انشالت بعد الناس اللي قبلنا .gif "(7)") ! جلست أناظر المدير قرفانة منهم و هو دايخ من الفشلة ! طلع جواله و صور و أرسل الصورة و لعن جدف حقين التنظيف ! و صورتها أنا قدّامه ، و قلت له هذا كله بيطلع ببوكينق و تريب أدفايزر و إيميل للفندق ! قال آسفين و قعد يهربد واااااااااجد ، المهم قلت يالله الغرفة الثالثة ، رحنا و طلعت الغرفة كينق بيد ، و قال اللحين نفصلها ! لعلّي استقعدت لهم أنا و خواتي ! الغرف تجي معها ضيافة مجانية و لك حق تعبئتها يومياً ( 3 موية – حليب – تشيبس – تشوكليت – قهوة – شاي – و مكسرات ) ، طبعاً ما عندنا و لاشيء ! و فتحت الثلاجة قدامه بوريه إنه مليون بالمية الغرفة ما تنظفت لأن الضيافة مارجعوا يعبونها ، و يقولي إلا تنظفت بس نسوا يحطون الضيافة ! و فتحت الثلاجة بشوف قلت يمكن حطوا الموية و أتطمن إنه صدق تنظفت بس تأخروا يحطون الضيافة ، لقيييت الحليب مفتوح و مشروب منه .gif "(36)") ! صورته قدامه و عطيته الحليب ، و قلت له معك ساعة ، تجهز لنا غرف نظيفة ، بدور واحد ، و ضيافة كاملة ، و دور عالي ، قالي خلاص و جلس يعتذر و تقطع اعتذار ! و حنا نتكلم جت وحدة تفصل السراير و ريحتها كانت سيئة جداً جداً .gif "(50)") ، و قلت خلها تطلع لأني ماراح أقعد بالغرفة .. طلعت و قلت له إذا هاذي نظافة موظفينكم ، كيف تبي تصير نظافة الغرف ! و قال بيتأكد مرة ثانية من نظافة الموظفين ! و قزرها طول اليوم اعتذار .. طبعاً صار معنا مواقف في الفندق ، و كلها مسجلتها عليهم ، و كتبت ردي في تريب أدفايزر و بوكينق .. و ليومكم يتواصلون معي في الـ SMS وَ الواتساب و الإيميل و يتصلون ! يبوني أشيل التقييم و يرجعون لي 10% من المبلغ ، و راح أعرض رسائلهم كاملة لكم ، و بكتب جميع المواقف الخايسة اللي صارت ، وقت ما أحط لكم صور الرسايل و المكالمات !أنا أعرف إن الغرف في الفنادق ما يغيرون فرشها و لا ينظفون الغرف تنظيف هائل ، مشّي حالك ، بس على الأقل مو يصيرون بهالشكل و بهالوضوح ! حنا ما نستعمل مفارش أي فندق ، نطلبهم يجون يآخذونها و نطلع مفارشنا ، و نرميها بعد ما نخلص ، كذلك نرفض إن الغرف تتنظف من قبلهم ! حنا ندخل و ننظفها بديتول و مناديل معقمة و حتى دورات المياه ، نخليهم بس يشيلون الزبايل و أنتم بكرامة يومياً ! و حتى أي جهاز لهم يجون يآخذونه ، لأننا نحط غلايتنا حنا و جهاز قهوتنا ، و نصير مرتاحين ! بس هالمرة قذراة بهالوضوح ما قدرت أسكت .. و الصدق أنا أنغبن إذا حسيت إنه انلعب علي ! الوالد يقول حرام ، اعذريهم ، مضغوطين ! جلست أناقشه كل هذاك اليوم إنه خطأ تعذرهم ، و إنت دافع و أخذوا من وقتك وَ وَ وَ ، و ليومكم ما اقتنع ، و يقول حرام تقطعين رزق الناس ! لأني في التعليق ذكرت أسماء الموظفين اللي طول فترة إقامتنا ناشبين لنا يبون أقيمهم زين في البرامج و أذكر أسماءهم ، بجيحين .gif "(46)") !دخلنا غرفنا بعد هواش مو طبيعي مع إدارة الفندق ، و أمي و أبوي ماشافونا و حنا نتناقر حنا و إياهم عشان ما تضيق صدورهم ! و سوولي أهلي قهوة عشان أرضى .. كنا بننزل نتمشى و لكن البرد و الهواء مرعب ، فجلسنا في الفندق و عزمونا أمي و أختي على غرفتهم ، و تعشيت مخلل و بيبسي ، حسيت أحتاج أغث نفسي شوي زيادة .. و انتهى أطول يوم و أكثرهم إزعاج على خير .gif "(33)") ! الفندق الثاني : wilde aparthotels by staycity london paddington - نجوم 4 6 ليال ( 9 مارس – 15 مارس ) تم الحجز عن طريق موقع بوكينق . الغرف : 2 استديو وايلد توأم / الكنب الموجود في الغرف ، يصير سرير لشخص. 1 استوديو وايلد / الكنب الموجود في الغرف ، يصير سرير لشخص. ( النظافة : ضعيف و مخيس قبل الهوشة / جيد و قد يوصل إلى جيد جداً بعد الهوشة ، بس قرفانة منهم خلاص  ) .( الموقع : ممتاز للي يحب شارع العرب / جيد للي ما يحب شارع العرب ) . ( السعر : مناسب بالنسبة لعدد الغرف و حجم الغرفة كبير جداً بالنسبة لفنادق لندن ، و كذلك دائماً فنادق أوروبا تعتبر أسعارها مرتفعة ) . السعر الإجمالي : 17,650 ريال . و التواصل معهم و أنتم بالفندق يكون من خلال الواتساب .       10 مارس bicester village outlet كنا مقررين من الليلة اللي قبل إننا نروح للآوت لت ، بس قلت لأهلي ننام و نشبع نوم و بعدها نطلع نتقهوى و اللي يبي يفطر يفطر ، و بعدها أقص تذكرة قطار للآوت لت ، رحنا أفطرنا في مطعم على القناة ، جلسنا برا بس كان بررررد و قلنا بندخل نجلس داخل ، كنا حاجزين من برنامج آوبن تيبل ، اسم المطعم كان Bondi green.. عندهم فرع طبيعي و فرع على القارب ، الصدق القارب شكله يوتر شوي و يدوّخ ، قاعد يتحرك ، أحس حومة كبد  .. طلبنا و أفطرنا ، أهلي يقولون حليل الأكل بس ما يرجعون له ، بس أنا طلبت حلى كان يمِـي والله ، بادينغتون كيك بالتراميسو ، الكريمة اللي داخل الكيك لذيذة ! أما الوالد قال بيروح يفطر فطور عربي من الشارع اللي مايتسمّاش .gif "(48)") !          لما خلصنا دخلت برنامج OMIO بحجز تذاكر للآوت لت ، فيه من محطة بادينغتون و المحطة تقريباً 4 دقايق مشي عننا و فيها تبديل قطارات ، و فيه من محطة ماريلبون دايركت ، و تبعد تقريباً ثلث ساعة مشي .أخذت مارليبون ، قلت أريح نروح لمحطة مارليبون مرة وحدة بدون تبديل ، و نتمشى شوي بعد . كان سعرها في البرنامج أرخص من إذا بشتريها من المحطة بفارق بسييييييييط .gif "(101)") ، كان المجموع للجميع رايح جاي لخمسة أشخاص بـ 110 باوند ( 500 ريال ) .وصلنا و كان القطار زحمة جداً ، و قعد كل شخصين لحال ، و أبوي لحال . وحنا في الطريق جاء شخص وزّع علينا منديل و معها رسالة ، بدايتها كنت أحسبه يعتذر مقدماً عن إزعاج أطفاله ، لعلّه طلع مُحتاج .  و صلنا للآوت لت و ضحكني يوم أعلنوا عن المحطة باللغة العربية ، و كل اللوح اللي في المحطة تعلّمك وين الآوت لت !جلسنا فيه قُرابة الست ساعات ، و مآخذين شنط عشان نعبيهم و ما نشيل أكياس  ، و طبعاً كل العالم معهم نفس شنط .          أخذوا خواتي هوت تشوكليت و كريب و أنا قهوة و أهلي راحوا بريت  .    بعد ما خلصنا رجعنا بالقطار اللي قبل موعد قطارنا ، و كان فاضي .gif "(95)") ..  نزلنا لمحطتنا و مرينا ماكدونالدز أخذوا أهلي غداءعشاء و أنا و أختي مرينا على الماركت و أخذنا مانجو عشان نآكله مع بهارات الـ tajin ، و لقيت تشوكليت على شكلة بومة هاري بوتر .. المهم المانجو مع البهارات غريب طعمه بس لا بآس ، ينوكل .. دائماً أشوف فيديو ناس في المكسيك يآكلونه ! الزبدة الحمدلله تعشينا و نمنا نومة فزييييييييعة  . 
|
|
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رِحلَة كُوريَا الجَنوبيَّة - ( سِيئُول + جيجُو ) - يُوليُو 2022 | Boarding Pass | بوابة كوريا الجنوبية | 69 | 14-03-2025 01:02 AM |
| جولاي 2023 | Reham2013 | بوابة سويسرا | 7 | 18-05-2023 06:02 PM |
| اوربا في صيف 2023 | Rema | بوابة سويسرا | 3 | 23-01-2023 01:41 PM |
| رحلة الى أوروبا 2023 | Noorbash | بوابة الدول الاخرى | 4 | 16-08-2022 10:42 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO
Search Engine Optimization by vBSEO
